Bhubaneswar: ୯ ତାଲାରେ ଲଜ୍ଜା, ମହିଳାଙ୍କୁ ଅସଦାଚରଣ ଅଭିଯୋଗ

Bhubaneswar Sexual Assault Case: ଅସଦାଚରଣ ଘଟଣାରେ ପୋଲିସ ଘଟଣାସ୍ଥଳରେ ପହଞ୍ଚି ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ କିରାଣୀ ଏବଂ ଜଣେ ଡ୍ରାଇଭରଙ୍କୁ ଉଠାଇ ନେଇଥିଲା। ହେଲେ ପୀଡିତାଙ୍କ ପକ୍ଷରୁ କୌଣସି ଅଭିଯୋଗ କରାଯାଇ ନଥିବାରୁ ପରେ ଉଭୟଙ୍କୁ ଛାଡ଼ି ଦିଆଯାଇଥିଲା।

Sexual Assault Case: ରାଜଧାନୀର ୯ ତାଲା କୋଠାରେ ଜଣେ ମହିଳାଙ୍କ ସହ ଅସଦାଚରଣ କରାଯାଇଥିବାର ଅଭିଯୋଗ ହୋଇଛି। ଚାକିରୀ ଦେବା ବାହାନାରେ ଦୁଇ ଜଣ କର୍ମଚାରୀ ତାଙ୍କୁ ବଳାତ୍କାର କରିଥିବା ଅଭିଯୋଗ କରିଛନ୍ତି ପୀଡିତା। ସମ୍ବଲପୁର ଅଞ୍ଚଳର ପୀଡିତା କହିଛନ୍ତି ଯେ ତାଙ୍କୁ ଚାକିରୀ ଦରକାର ଏବଂ ଅଭିଯୁକ୍ତ ଏହି ଘଟଣାର ଫାଇଦା ଉଠାଇବାକୁ ଚେଷ୍ଟା କରିଛନ୍ତି।

ନଅ ତାଲା କୋଠାରେ ପହଞ୍ଚିବା ପରେ ଅଭିଯୁକ୍ତ ତାଙ୍କୁ ଏକ କୋଠରୀକୁ ନେଇ ଯୌନ ଶୋଷଣ କରିଥିଲେ। ପୀଡିତା ଜଣକ କହିଛନ୍ତି ସେମାନଙ୍କୁ ଅଟାକାଇବାକୁ ଚେଷ୍ଟା କରିଥିଲେ। ହେଲେ ଏହାର ପରିଣାମ ଭୟାନକ ହେବ ବୋଲି ତାଙ୍କୁ ଧମକ ଦିଆଯାଇଥିଲା। ସେଠାରେ ଉପସ୍ଥିତ ଥିବା ଜଣେ ସୁରକ୍ଷା କର୍ମୀ ମଧ୍ୟ ତାଙ୍କୁ ଉଦ୍ଧାର କରିବାକୁ ଆସିନଥିଲେ ବୋଲି ଅଭିଯୋଗ କରିଛନ୍ତି ପୀଡିତା।

କୌଣସି ପ୍ରକାରେ ପୀଡିତା ସେଠାରୁ ଖସି ପଳାଇ ଆସିବାରେ ସଫଳ ହୋଇଥିଲେ। ଏହାର ପରଦିନ ସକାଳେ ସଚେତନ ଅବସ୍ଥାରେ ସେ ୯  ତାଲା କୋଠାରେ ଉପସ୍ଥିତ ଥିବା ଅନ୍ୟ କର୍ମଚାରୀଙ୍କୁ ଘଟଣା ବାବଦରେ ଜଣାଇଥିଲେ। ଏହି ଘଟଣା ବାବଦରେ ତୁରନ୍ତ ବିଭାଗୀୟ ମୁଖ୍ୟଙ୍କୁ ଅବଗତ କରାଯାଇଥିଲା। ଏହାର ତଦନ୍ତ ଦାୟିତ୍ୱ ନେବାକୁ କ୍ୟାପିଟାଲ ପୋଲିସକୁ କୁହାଯାଇଛି।

ଅସଦାଚରଣ ଘଟଣାରେ ପୋଲିସ ଘଟଣାସ୍ଥଳରେ ପହଞ୍ଚି ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ କିରାଣୀ ଏବଂ ଜଣେ ଡ୍ରାଇଭରଙ୍କୁ ଉଠାଇ ନେଇଥିଲା। ହେଲେ ପୀଡିତାଙ୍କ ପକ୍ଷରୁ କୌଣସି ଅଭିଯୋଗ କରାଯାଇ ନଥିବାରୁ ପରେ ଉଭୟଙ୍କୁ ଛାଡ଼ି ଦିଆଯାଇଥିଲା। ଏହି ଘଟଣାରେ ବିଭାଗୀୟ ଅଭିଯୁକ୍ତ କିରାଣୀଙ୍କୁ ନିଲମ୍ବିତ କରିଛି ସ୍ୱାସ୍ଥ୍ୟ ବିଭାଗ। ଅପରାଧ ସଂଖ୍ୟା ବଢିବା ପରେ ସ୍ୱାସ୍ଥ୍ୟ ବିଭାଗ ଅଧିକାରୀ କହିଛନ୍ତି ଯେ ସେମାନେ୯ ତାଲା କୋଠାରେ ସୁରକ୍ଷା ବ୍ୟବସ୍ଥାକୁ ବଢାଇବା ପାଇଁ ଖୁବ ଶୀଘ୍ର କମିଶନରେଟ ପୋଲିସ ପାଖକୁ ଚିଠି ଲେଖିବେ।