ସଉତୁଣୀଙ୍କ ମଧ୍ୟରେ କଳହ, ବଳି ପଡ଼ିଲା ସ୍ୱାମୀ

ସଉତୁଣୀଙ୍କ ମଧ୍ୟରେ କଳହ, ବଳି ପଡ଼ିଲା ସ୍ୱାମୀ

ସଉତୁଣୀଙ୍କ ମଧ୍ୟରେ କଳହ, ବଳି ପଡ଼ିଲା ସ୍ୱାମୀ

ମୋହନା: ପାରିବାରିକ କଳହରୁ କରୁଣ ପରିଣତି। ଗଜପତି ଜିଲ୍ଲା ମୋହନା ଥାନା ବାଘମାରୀ ପଞ୍ଚାୟତ ପେଜପାଣି ଗାଁରେ ଘଟିଛି ଏହି ଅଭାବନୀୟ ଘଟଣା । ବାପାକୁ କୁରାଢୀରେ ଅତି ନିର୍ଦୟ ଭାବେ ହତ୍ୟା କରିଛି ପୁଅ । ମୃତକ ହେଲେ ମୋହନା ଥାନା ପେଜପାଣି ଗ୍ରାମର ବାପା ଦୁର୍ମନ ସବର (୫୫)। ମିଳିଥିବା ସୂଚନା ମୁତାବକ ଗତକାଲି ସନ୍ଧ୍ୟାରେ ନିଜ ବାପାକୁ ବଡପୁଅ କେପାସ ଶବର କୁରାଡ଼ିରେ ହତ୍ୟା କରିବା ପରେ ନିଜେ ଯାଇ ଥାନାରେ ଆତ୍ମସମର୍ପଣ କରିଛି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି । 

ସୂଚନା ଅନୁଯାୟୀ ଦୁର୍ମନ ଶବର ଦୁଇଟି ସ୍ତ୍ରୀ ରଖିଥିବା ବେଳେ ଅନେକ ଦିନରୁ ଦୁଇ ସଉତୁଣୀଙ୍କ ମଧ୍ୟରେ ଗଣ୍ଡଗୋଳ ଲାଗିରହିଥିଲା. ଦୁର୍ମନ ଶବର ଦ୍ୱିତୀୟ ସ୍ତ୍ରୀ ପୁଷ୍ପାଞ୍ଜଳି ଶବର ପାଖରେ ରହୁଥିଲେ. ଦୁଇ ସ୍ତ୍ରୀର ଗଣ୍ଡଗୋଳରୁ ସ୍ୱାମୀ ଶୁକ୍ରବାର ପ୍ରଥମ ସ୍ତ୍ରୀକୁ ମାରିବାକୁ ଉଦ୍ୟମ କରୁଥିଲେ । ଏଘଟଣା ପ୍ରଥମ ସ୍ତ୍ରୀର ପୁଅ ଜାଣିବା ପରେ ହିଂସାପରାୟଣ ହୋଇ ପଡ଼ି ଗତକାଲି ଗାଁ ନିକଟ ଏକ ନିଛାଟିଆ ଯାଗାରେ ପୁଅ କପାସ ଶବର ଟାଙ୍ଗିଆରେ ହତ୍ୟା କରିଥିଲା. 

ଏହି ଘଟଣା ପରେ ପ୍ରଥମ ସ୍ତ୍ରୀ ଥାନାରେ ଦୁଇ ପୁଅ ନାଁରେ ଏତଲା ଦେଇଥିବା ବେଳେ ବଡ ପୁଅ କପାସ ଥାନାରେ ନିଜେ ମାରିଥିବା କୁରାଢୀ ସହିତ ଆତ୍ମସମର୍ପଣ କରିଛି । ତେବେ ଘଟଣାସ୍ଥଳରେ ଆର. ଉଦୟଗିରି ଏସଡିପିଓ ଅଶୋକ ମହାନ୍ତି ଓ ଥାନାଧିକାରୀ ସୁଜିତ ନାୟକ ସଦଳବଳେ ପହଞ୍ଚି ତଦନ୍ତ କରୁଛନ୍ତି ।