ବିକାଶ ଦୁବେ ଗ୍ୟାଙ୍ଗର ଦୁର୍ଦ୍ଦାନ୍ତ ଅପରାଧୀ ଅମର ଦୁବେକୁ ଏନକାଉଣ୍ଟର

ହମୀରପୁର: ବିକାଶ ଦୁବେ ଗ୍ୟାଙ୍ଗର ଦୁର୍ଦ୍ଦାନ୍ତ ଅପରାଧୀ ଅମର ଦୁବେକୁ ମାରି ଗଡ଼ାଇଲା ୟୁପି ପୋଲିସ । ଏସଟିଏଫ ଉତ୍ତର ପ୍ରଦେଶ ଓ ସ୍ଥାନୀୟ ପୋଲିସ ସହ ଗୁଳି ବିନିମୟ ବେଳେ ଟଳିଛି ଅମର । ଦୀର୍ଘ ସମୟ ହେଲା ତାକୁ ପୋଲିସ ଖୋଜୁଥିଲା । ଅମର ଦୁବେକୁ ବିକାଶ ଦୁବେର ରାଇଟହ୍ୟାଣ୍ଡ କୁହାଯାଏ । 

କାନପୁର ଏନକାଉଣ୍ଟରରେ ୮ ପୋଲିସ ଶହୀଦ ହେବା ପରେ ଏହି ଘଟଣାର ମାଷ୍ଟରମାଇଣ୍ଡ ବିକାଶ ଦୁବେକୁ ଖୋଜୁଛି ୟୁପି ପୋଲିସ । କେବଳ ବିକାଶ ଦୁବେ କାହିଁକି, ତାର ସମସ୍ତ ସହଯୋଗୀଙ୍କୁ ମଧ୍ୟ ଧରିବା ପାଇଁ ଉଦ୍ୟମ ଜାରି ରହିଛି । ବିକାଶକୁ ଧରିବା ପାଇଁ ୨୫ରୁ ଉର୍ଦ୍ଧ୍ୱ ଟିମ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛନ୍ତି । ଆଉ ଏହାରି ଭିତରେ ବିକାଶ ଦୁବେର ପ୍ରମୁଖ ସହଯୋଗୀ ଅମର ଦୁବେକୁ ଏନକାଉଣ୍ଟର କରିଛି ପୋଲିସ । 

ଯାହା ଜଣାପଡ଼ିଛି, କାନପୁର ଏନକାଉଣ୍ଟର ପରେ ଅମର ଦୁବେ ମଧ୍ୟ ଫେରାର ହୋଇଯାଇଥିଲା । ତେବେ ଆଜି ସକାଳୁ ହମୀରପୁରରେ ଅମର ଲୁଚିଥିବା ଉତ୍ତର ପ୍ରଦେଶ ଏସଟିଏଫ ଓ ସ୍ଥାନୀୟ ପୋଲିସ ଜାଣିବାକୁ ପାଇଥିଲା । ତେବେ ଅମରକୁ ଧରିବାକୁ ଯାଇଥିବା ପୋଲିସ ଉପରେ ଗୁଳି ଚାଳନା ମଧ୍ୟ ହୋଇଥିବା କୁହାଯାଉଛି । ତେବେ ପୋଲିସ ଗୁଳିରେ ଟଳିଛି ଅମର ।