• ପୁଣି କମିଲା ସୁନା-ରୁପା ଦର, ଜାଣନ୍ତୁ ଆଜିର ରେଟ୍
  • IPL 2020: ଆଜି ଆରସିବି - ମୁମ୍ବାଇ ମୁହାଁମୁହିଁ
  • କଟକଣା ମଧ୍ୟରେ ଆରମ୍ଭ ହେବ ପରୀକ୍ଷା ଓ ନାମଲେଖା
  • ବିଜୁ ଯୁବ ଜନତା ଦଳର ଜେନେରାଲ ସେକ୍ରେଟାରୀ ଭାବେ ନିଯୁକ୍ତି ପାଇଥିବା କଳ୍ପତରୁ ଓଝାଙ୍କୁ ନିଲମ୍ବିତ କଲେ ସଭାପତି ନବୀନ ପଟ୍ଟନାୟକ ।
  • କଟକରେ ଭାଙ୍ଗିଲା ରେଳବାଇ କ୍ରସିଂ ଆଙ୍ଗେଲ୍‌, ୧୬ ନମ୍ବର ଜାତୀୟ ରାଜପଥରେ ଯାନବାହନ ଚଳାଚଳ ବାଧାପ୍ରାପ୍ତ ।
  • ଆଠଗଡ଼ରେ ଥିବା ସିମେଣ୍ଟ କାରଖାନାରେ ଦୁର୍ଘଟଣା, ଜଣେ ଶ୍ରମିକ ମୃତ
  • ବିଧାନସଭା ଆରମ୍ଭ ହେବା ପୂର୍ବରୁ ବିଜେଡ଼ି ବିଧାୟକ ଦଳ ବୈଠକ
  • ହାଇକୋର୍ଟରେ ଯାଜପୁର ବିରଜା ମନ୍ଦିର ରଥଯାତ୍ରା ମାମଲା । ଜିଲ୍ଲାପାଳ ଓ ଏସପିଙ୍କୁ ହାଇକୋର୍ଟଙ୍କ ରିପୋର୍ଟ ତଲବ । ଅକ୍ଟୋବର ୮କୁ ଘୁଞ୍ଚିଲା ଶୁଣାଣୀ ।
  • ଉଲ୍ଲିବୁରୁ ଖଣି ଦୁର୍ନୀତି ମାମଲା: ଦୀପକ ଗୁପ୍ତାଙ୍କ ନିୟମିତ ଜାମିନ ଖାରଜ ।
  • ୩ ମାସ ପାଇଁ ଅନ୍ତରୀଣ ଜାମିନ ମଞ୍ଜୁର, ୧ ଅକ୍ଟେବରରୁ ୩ ମାସ ଅନ୍ତରୀଣ ଜାମିନରେ ଦୀପକ ।

ବିବାଦରେ 'ବରଫି' ବାଲି, ପ୍ରଶ୍ନ ଉଠାଇଲେଣି ପରିବେଶବିତ୍

ଗାଇଡଲାଇନ ନମାନି ଜିଲ୍ଲା ପ୍ରଶାସନ ନଦୀରୁ ବାଲି ବାହାର କରିବା ସହିତ ମୁହାଣ ପୋତା ଯିବା ଭଳି କାର୍ଯ୍ୟ କରୁଥିବା ଅଭିଯୋଗ କରିଛନ୍ତି ପରିବେଶବିତ୍ ।

ବିବାଦରେ 'ବରଫି' ବାଲି, ପ୍ରଶ୍ନ ଉଠାଇଲେଣି ପରିବେଶବିତ୍
ଫାଇଲ ଫଟୋ

ଚିନମ ଜଗନ୍ନାଥ ପାତ୍ର, କଟକ: ନୂତନ ସିଡିଏ-୨ ଅଞ୍ଚଳ ଗଢ଼ିବା ପାଇଁ ପରିକଳ୍ପନା କରୁଛି ଜିଲ୍ଲା ପ୍ରଶାସନ । ଏଥିପାଇଁ କଟକ ମହାନଦୀ କୂଳର ହଡ଼ିଆପଠା ଅଞ୍ଚଳରୁ ୪ଶହ ଏକକର ସ୍ଥାନରେ ନୂତନ ବରଫି ଯୋଜନା ମଧ୍ୟ ଆରମ୍ଭ ହୋଇସାରିଛି । ଏହି ଯୋଜନାରେ ମହାନଦୀ କୂଳରେ ରହିଥିବା ବିରାଟ ସ୍ଥାନକୁ ବାଲି  ଫିଲିଂ କରାଯାଉଛି । ଏହି କାମ ମଧ୍ୟ ଶେଷ ପର୍ଯ୍ୟାୟରେ ପହଞ୍ଚି ସାରିଲାଣି । ହେଲେ ଏସବୁ ପକ୍ରିୟାକୁ ନେଇ ଦେଖାଦେଇଛି ବିବାଦ ।  ମହାନାଦୀକୁ ନେଇ ଏନଜିଟି ସ୍ୱତନ୍ତ୍ର ଗାଇଡଲାଇନ ରହିଥିବା ବେଳେ ଏହାକୁ ନମାନି ଜିଲ୍ଲା ପ୍ରଶାସନ ନଦୀରୁ ବାଲି ବାହାର କରିବା ସହିତ ମୁହାଣ ପୋତା ଯିବା ଭଳି କାର୍ଯ୍ୟ କରୁଥିବା ଅଭିଯୋଗ କରିଛନ୍ତି ପରିବେଶବିତ୍ । ଅନ୍ୟପଟେ ଜିଲ୍ଲା ପ୍ରଶାସନ କହିଛି ସବୁ କିଛି ଆଇନ ଅନୁଯାୟୀ କାର୍ଯ୍ୟ ହେଉଛି । 

ସ୍ପୋର୍ଟସ କମ୍ପଲେକ୍ସ ସହିତ ରହିବ ଅତ୍ୟାଧୁନିକ ଏସସିବି ମେଡିକାଲ-୨ । ଖେଳ କୁଦ ଲାଗି ସ୍ୱତନ୍ତ୍ର ପଡିଆ ସହିତ ରହିବ ସବୁଜ ପରିବେଶ । ଗୋଟିଏ ସ୍ଥାନରେ ଏହି ସମସ୍ତ ସେବା ରଖିବା ଲାଗି ହୋଇଛି ଯୋଜନା । ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ଗ୍ରସ୍ତ କରିବା ପରେ ଏଭଳି କିଛି ପରିକଳ୍ପନା କରିଥିଲେ । ଏହି ସମସ୍ତ ଉନ୍ନୟନମୂଳକ କାର୍ଯ୍ୟକୁ ବରଫି ନାଁ ଦେଇଛି ଜିଲ୍ଲା ପ୍ରଶାସନ । ଏଥିପାଇଁ ବଛା ଯାଇଛି କଟକର ମହନଦୀ କୂଳରେ ରହିଥିବା ହାଡ଼ିଆପଠାରୁ ୪ଶହ ଏକରର ସ୍ଥାନ । ଏହି ସ୍ଥାନକୁ ସମତଳ କରିବା ପାଇଁ ବାଲି ଫିଲିଂ ପ୍ରକ୍ରିୟା ମଧ୍ୟ ଶେଷ ପର୍ଯ୍ୟାୟରେ ପହଞ୍ଚି ସାରିଲାଣି । ତେବେ ମହାନାଦୀକୁ ନେଇ ଏନଜିଟିର ସ୍ୱତନ୍ତ୍ର ଗାଇଡଲାଇନ ରହିଥିବା ବେଳେ ଏହାକୁ ନମାନି ଜିଲ୍ଲା ପ୍ରଶାସନ ନଦୀରୁ ବାଲି ବାହାର କରିଥିବା ଅଭିଯୋଗ ହୋଇଛି । ପରିବେଶବିତ୍ ବିଶ୍ୱଜିତ ମହାନ୍ତି ଏପରି ଅଭିଯୋଗ କରିଛନ୍ତି । 

ବାଲି ଫିଲିଂ କରାଯାଉଥିବା ସ୍ଥାନ ସମ୍ପୂର୍ଣ୍ଣ ମହାନଦୀ କୂଳ ପରିସରଭୁକ୍ତ ରହିଛି । ମାତ୍ର ପର୍ଯ୍ୟାନୁକ୍ରମେ ପାଣିର ମାତ୍ରା ହ୍ରାସ ପାଇବା ପରେ ସେଠାରେ ଏକ ଉପକୂଳ ସ୍ଥାନ ଗଢ଼ିଉଠିଥିଲା । ଏହି ସ୍ଥାନରେ ବିଭିନ୍ନ ଜାଇକାର ବିଭିନ୍ନ କନଷ୍ଟ୍ରକସନ କାମ ସହିତ ମୁହାଣ ପୋତା ଯାଉଥିବାରୁ ମହାନଦୀ ପ୍ରଦୂଷଣ ନେଇ ବିବାଦ ମଧ୍ୟ ତେଜିଥିଲା । ଏହାପରେ ଏହି ସ୍ଥାନକୁ କୌଣସି ମତେ ପୋତା ନ ଯିବା ସହିତ କୌଣସି ସ୍ଥାୟୀ ନିର୍ମାଣ କାର୍ଯ୍ୟ ନ କରିବା ପାଇଁ ଏନଜିଟି ସ୍ପଷ୍ଟ ନିର୍ଦ୍ଦେଶ ଦେଇଥିଲେ ।  ଏହା ସତ୍ତ୍ୱେ ମଧ୍ୟ ୪ଶହ ଏକକର ସ୍ଥାନରେ ବାଲି ଦ୍ୱାରା କିପରି ପୋତା ଯାଇଛି ତାହାକୁ ନେଇ ସୃଷ୍ଟି ହୋଇଛି ପ୍ରଶ୍ନ । ଅପରପଟେ ଏନଜିଟିର ସମସ୍ତ ଗାଇଡ଼ଲାଇନ ପରିସରରେ ହିଁ କାର୍ଯ୍ୟ କରାଯାଇଥିବା କହିଛନ୍ତି କଟକ ଜିଲ୍ଲାପାଳ ଭାବନୀଶଙ୍କର ଚଇନୀ ।

କିଛି ପରିବେଶବିତ୍ ଏହି ପ୍ରସଙ୍ଗକୁ ନେଇ ପୁଣିଥରେ ଏନଜିଟିର ଦ୍ୱାରସ୍ଥ ହେବା ଲାଗି ଅଣ୍ଟା ଭିଡ଼ିଲେଣି । ଏପିରି ସ୍ଥିତିରେ ଜିଲ୍ଲା ପ୍ରଶାସନର ଏହି ପରିକଳ୍ପନା ବାସ୍ତବ ରୂପ ନେବାରେ କେତେ ଦୂର ସଫଳ ହେଉଛି ତାହା ପରବର୍ତ୍ତୀ ସମୟରେ ସ୍ପଷ୍ଟ ହେବ ।

ଆହୁରି ପଢ଼ନ୍ତୁ; ଶାହଙ୍କ ୧୨୦+ ମିଶନ ପରି ନଡ୍ଡାଙ୍କ ଫୋକସ୍ ବି ଫୁସକି ଯିବ !