ମହିଳା ବନ୍ଧୁଙ୍କ ଏସିଡ ମାଡରେ ଯୁବକ ଗୁରୁତର

ପ୍ରେମରେ ବିଫଳ ହେଲେ ପ୍ରେମିକାକୁ ଏସିଡ ମାଡ ଘଟଣା କିଛି ନୂଆ ନୁହେଁ । ହେଲେ ଏଠି ଏହାର ବ୍ୟତିକ୍ରମ । ପୁରୁଷ ବନ୍ଧୁଙ୍କ ଉପରକୁ ଏସିଡ ମାଡ କଲେ ଯୁବତୀ । ଆହତ ଯୁବକଙ୍କ ନାଁ  ଅଲେଖ ବାରିକ । କଟକ ଜଗତପୁର ଥାନାରୁ ଆସିଛି ଏପରି ଏକ ଘଟଣା । ଅଭିଯୁକ୍ତ ଯୁବତୀଙ୍କୁ ଥାନାକୁ ଆଣି ପଚରା ଉଚରା କରୁଛି ପୋଲିସ । 

ମହିଳା ବନ୍ଧୁଙ୍କ ଏସିଡ ମାଡରେ ଯୁବକ ଗୁରୁତର
ପ୍ରତୀକାତ୍ମକ ଫଟୋ

କଟକ: ପ୍ରେମରେ ବିଫଳ ହେଲେ ପ୍ରେମିକାକୁ ଏସିଡ ମାଡ ଘଟଣା କିଛି ନୂଆ ନୁହେଁ । ହେଲେ ଏଠି ଏହାର ବ୍ୟତିକ୍ରମ । ପୁରୁଷ ବନ୍ଧୁଙ୍କ ଉପରକୁ ଏସିଡ ମାଡ କଲେ ଯୁବତୀ । ଆହତ ଯୁବକଙ୍କ ନାଁ  ଅଲେଖ ବାରିକ । କଟକ ଜଗତପୁର ଥାନାରୁ ଆସିଛି ଏପରି ଏକ ଘଟଣା । ଅଭିଯୁକ୍ତ ଯୁବତୀଙ୍କୁ ଥାନାକୁ ଆଣି ପଚରା ଉଚରା କରୁଛି ପୋଲିସ । 

ସୂଚନା ମୁତାବକ, ଗତକାଲି ଜଗତପୁର ଥାନା ଅଞ୍ଚଳର ବଟ ଛକ ନିକଟରେ ଏହି ଘଟଣା ଘଟିଥିଲା । 
ଅଲେଖ ସେଲୁନ ବନ୍ଧ କରି ରାତିରେ ଘରକୁ ଫେରୁଥିବା ବେଳେ ତାଙ୍କ ଉପରକୁ ଏସିଡ ମାଡ କରିଥିବା ମହିଳା ବନ୍ଧୁ । ଫଳରେ ଅଲେଖଙ୍କ ମୁହଁ ପୋଡି ଯାଇଛି । ତାଙ୍କୁ ଚକ୍ଷୁ ବିଭାଗରେ ଭର୍ତ୍ତି କରାଯାଇଛି । 

ତେବେ କାହିଁକି ଯୁବତୀ ଜଣକ ନିଜ ପୁରୁଷ ବନ୍ଧୁଙ୍କୁ ଏସିଡ ମାଡ କରିଥିଲେ, ସ୍ପଷ୍ଟ ହୋଇପାରିନାହିଁ । ଆହୁରି ମଧ୍ୟ ତାହା ଏସିଡ ନା ଅନ୍ୟ କଣ, ତାକୁ ନେଇ ପୋଲିସ ତଦନ୍ତ କରୁଛି । ସମ୍ପୃକ୍ତ ଯୁବତୀଙ୍କୁ ଥାନାକୁ ଆଣି ପଚରା ଉଚରା କରାଯାଉଛି । କାହିଁକି ଏଭଳି ଏକ ଅଭାବନୀୟ ଘଟଣା ଘଟିଲା, ସେନେଇ ତଦନ୍ତ ଜାରି ରହିଛି । 

ଆହୁରି ପଢନ୍ତୁ; 'NCPରେ ଥିଲି, ଅଛି ଏବଂ ରହିବି'