• ୯୮ ବର୍ଷ ବୟସରେ MDH ମସଲା ମାଲିକ ମହାଶୟ ଧର୍ମପାଲ ଗୁଲାଟିଙ୍କ ମୃତ୍ୟୁ । ଦିଲ୍ଲୀର ଏକ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ସୂଚନା ॥
  • ଧର୍ମପାଲଙ୍କ ମୃତ୍ୟୁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କନ୍ଧମାଳ ସାଂସଦ ଅଚ୍ୟୁତ ସାମନ୍ତଙ୍କ ଶୋକ ପ୍ରକାଶ ॥
  • ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲଙ୍କ ମଧ୍ୟ ଶୋକ ପ୍ରକାଶ
  • ପରୀ ହତ୍ୟା ମାମଲାରେ CBI ତଦନ୍ତ ଓ ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବି କଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ।
  • ପରୀକୁ ନ୍ୟାୟ ଦେବାକୁ କଂଗ୍ରେସ ଚାହେଁନି । ଡିସେମ୍ବର ୧୫ରୁ ପ୍ରତି ବ୍ଲକରେ ପଦଯାତ୍ରା କରିବ ବିଜେପି : ପ୍ରତାପ ଷଡ଼ଙ୍ଗୀ ॥
  • ରାଜ୍ୟରେ ବିଗତ ୨୪ ଘଣ୍ଟା ମଧ୍ୟରେ ୫ ଜଣଙ୍କ ମୃତ୍ୟୁ । ମୃତ୍ୟୁ ସଂଖ୍ୟା ୧୭୫୫ ଛୁଇଁଲା ।
  • ବିଗତ ୨୪ ଘଣ୍ଟା ମଧ୍ୟରେ ରାଜ୍ୟରୁ ୪୩୪ କୋରୋନା ସଂକ୍ରମିତ ଚିହ୍ନଟ ॥

ରାଷ୍ଟ୍ରପତି ମାରିଲେ ମୋହର, ଆସନ୍ତା ୧୮ରେ ପ୍ରଧାନ ବିଚାରପତି ଭାବେ ଶପଥ ନେବେ ଜଷ୍ଟିଷ ବୋବଡେ

ଜଷ୍ଟିଷ ଶରଦ ଅରବିନ୍ଦ ବୋବଡେ ହେବେ ସୁପ୍ରିମକୋର୍ଟର ୪୭ତମ ପ୍ରଧାନ ବିଚାରପତି(ସିଜେଆଇ)। ଆସନ୍ତା ନଭେମ୍ବର ୧୮ ତାରିଖରେ ସେ ଶପଥ ଗ୍ରହଣ କରିବେ । ରାଷ୍ଟ୍ରପତି ରାମନାଥ କୋବିନ୍ଦ ଆଜି ତାଙ୍କ ନାଁରେ ମୋହର ମାରିଛନ୍ତି ।

ରାଷ୍ଟ୍ରପତି ମାରିଲେ ମୋହର, ଆସନ୍ତା ୧୮ରେ ପ୍ରଧାନ ବିଚାରପତି ଭାବେ ଶପଥ ନେବେ ଜଷ୍ଟିଷ ବୋବଡେ
ଫାଇଲ ଫଟୋ

ନୂଆଦିଲ୍ଲୀ: ଜଷ୍ଟିଷ ଶରଦ ଅରବିନ୍ଦ ବୋବଡେ ହେବେ ସୁପ୍ରିମକୋର୍ଟର ୪୭ତମ ପ୍ରଧାନ ବିଚାରପତି(ସିଜେଆଇ)। ଆସନ୍ତା ନଭେମ୍ବର ୧୮ ତାରିଖରେ ସେ ଶପଥ ଗ୍ରହଣ କରିବେ । ରାଷ୍ଟ୍ରପତି ରାମନାଥ କୋବିନ୍ଦ ଆଜି ତାଙ୍କ ନାଁରେ ମୋହର ମାରିଛନ୍ତି । ଗତ ୧୮ ତାରିଖରେ ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିଷ ରଞ୍ଜନ ଗୋଗୋଇ ତାଙ୍କ ନାଁ କେନ୍ଦ୍ରକୁ ସୁପାରିଶ କରିଥିଲେ । 

ସାମ୍ବିଧାନିକ ନିୟମ ଅନୁସାରେ, ଦେଶର ପ୍ରଧାନ ବିଚାରପତି ତାଙ୍କର ଉତ୍ତରାଧିକାରୀ କିଏ ହେବ  ତାହା ସୁପାରିଶ କରିଥାନ୍ତି । ସୁପ୍ରିମକୋର୍ଟର ବରିଷ୍ଠ ବିଚାରପତି ଏହି ପଦ ଗ୍ରହଣ କରିଥାନ୍ତି । ଆସନ୍ତା ନଭେମ୍ବର ୧୭ ତାରିଖରେ ଜଷ୍ଟିଷ ରଞ୍ଜନ ଗୋଗୋଇଙ୍କ କାର୍ଯ୍ୟକାଳ ସରୁଛି । ଆଉ ତାହା ପୂର୍ବରୁ ଜଷ୍ଟିଷ ଶରଦ ଅରବିନ୍ଦ ବୋବଡେଙ୍କ ନାଁ ସୁପାରିଶ କରିଥିଲେ ପ୍ରଧାନ ବିଚାରପତି । ମହାମହିମ ରାଷ୍ଟ୍ରପତି ତାଙ୍କ ନାଁରେ ଆଜି ମୋହର ମାରିଛନ୍ତି । ୨୦୨୧ ଏପ୍ରିଲ ୨୩ ତାରିଖ ପର୍ଯ୍ୟନ୍ତ ସେ ଏହି ପଦରେ ରହିବେ । 

୧୯୫୬ ଏପ୍ରିଲ ୨୪ ତାରିଖରେ ନାଗପୁରରେ ଜନ୍ମଗ୍ରହଣ କରିଥିବା ଜଷ୍ଟିସ ବୋବଡେ ଏବେ ସୁପ୍ରିମକୋର୍ଟର ବିଚାରପତି ଅଛନ୍ତି । ଏଥିସହିତ ମହାରାଷ୍ଟ୍ର ନ୍ୟାସନାଲ ଲ' ୟୁନିଭର୍ସିଟି, ମୁମ୍ବାଇ ଏବଂ ମହାରାଷ୍ଟ୍ର ନ୍ୟାସନାଲ ଲ' ୟୁନିଭର୍ସିଟିରେ, ନାଗପୁରର ଚାନସେଲର ମଧ୍ୟ ଅଛନ୍ତି । ତାଙ୍କ ପିତାଙ୍କ ନାଁ ଅରବିନ୍ଦ ଶ୍ରୀନିବାସ ବୋବଡେ । ନାଗପୁର ବିଶ୍ୱବିଦ୍ୟାଳୟରେ ବିଏ ଏବଂ ଏଲଏଲବି ଡିଗ୍ରୀରେ ପାସ କରିଛନ୍ତି ଜଷ୍ଟିସ ବୋବଡେ । ଜଷ୍ଟିସ ବୋବଡେ ୨୦୦୦ ମସିହା ମାର୍ଚ୍ଚ ୨୯ ରେ ବମ୍ବେ ହାଇକୋର୍ଟର ଖଣ୍ଡପୀଠର ଜଣେ ସଦସ୍ୟ ଥିଲେ । ୨୦୧୨ ଅକ୍ଟୋବର ୧୬ରେ ମଧ୍ୟପ୍ରଦେଶ ହାଇକୋର୍ଟର ମୁଖ୍ୟ ବିଚାରପତି ହୋଇଥିଲେ । ୨୦୧୩ ଏପ୍ରିଲରେ ସୁପ୍ରିମକୋର୍ଟର ବିଚାରପତି ଭାବେ ଶପଥ ନେଇଥିଲେ । 

ସୁପ୍ରିମକୋର୍ଟରେ ଜଷ୍ଟିସ ବୋବଡେଙ୍କ କାର୍ଯ୍ୟକାଳ ୮ ବର୍ଷ ରହିଛି । ଗୁରୁତ୍ୱପୂର୍ଣ୍ଣ କଥା ହେଉଛି, ନିଜ ଜନ୍ମ ଦିନର ଗୋଟିଏ ଦିନ ପୂର୍ବରୁ ୨୦୨୧ ମସିହାରେ ଅବସର ନେବେ ଜଷ୍ଟିସ ବୋବଡେ ।