କନ୍ଦାଉଛି ପିଆଜ ରେଟ୍, ବଜାର ପରେ ଏବେ ମୈତ୍ରୀ କେନ୍ଦ୍ରରେ ପହଞ୍ଚିଲା ୯୯

ଜଗନ୍ନାଥ ପାତ୍ର, କଟକ: ପରିବା ବଜାର ପରେ ଏବେ କଟକର ମୈତ୍ରୀ କେନ୍ଦ୍ରରେ ମଧ୍ୟ ପିଆଜର ଦର ବଢିବାରେ ଲାଗିଲାଣି । ୪୯ ଟଙ୍କା କିଲୋ ବଦଳରେ ଆଜି ୯୯ ଟଙ୍କାରେ ବିକ୍ରି ହେଲାଣି ପିଆଜ । ସରକାରୀ ମୈତ୍ରୀ କେନ୍ଦ୍ରରେ ଟିକେ କମ ଦାମରେ ପିଆଜ ମିଲୁଥିବା ନେଇ ଲୋକେ ଆସ୍ୱସ୍ତି ହୋଇଥିବା ବେଳେ ଏଠାରେ ବି ପିଆଜ ରେଟ ଚାର୍ଟରେ ଶହେ ଛୁଇଁବାକୁ ବସିଲାଣି । ଏହି କେନ୍ଦ୍ରରେ ବଜାର ଦର ଠାରୁ ଅନେକ କମ ଦରେ ପିଆଜ ଯୋଗାଉଥିଲେ ସରକାର । ଯାହାକୁ ନେଇ ସାମାନ୍ୟ ଆସ୍ୱସ୍ତି ଗ୍ରାହକ ପାଉଥିଲେ । ମାତ୍ର ଆଜି ଅର୍ଥାତ ଶୁକ୍ରବାର ଏଠାରେ ବି ପିଆଜର ରେଟ୍‌ ମିଟର ବଢିବାରେ ଲାଗୁଛି । 

ଦିନେ ୪୯ ଟଙ୍କା ରେ ବିକ୍ରି ହେଉଥିବା ପିଆଜ ଏବେ ଶହେ ଛୁଇଁବାକୁ ଗଲାଣି । ଆଜି ଏହି ମୈତ୍ରୀ କେନ୍ଦ୍ରରେ ୯୯ ଟଙ୍କା ବିକ୍ରି ହେଉଛି ପିଆଜ । ଯାହାଫଳରେ ବଜାର ଓ ମୈତ୍ରୀ କେନ୍ଦ୍ରରେ ମହଙ୍ଗା ପିଆଜ ମଧ୍ୟରେ କୌଣସି ଫରକ ନଥିବା କହିଛନ୍ତି ଲୋକେ । କେବଳ ଏତିକି ନୁହେଁ ଦୈନିକ ୫ରୁ୬ ପ୍ୟାକେଟ ପିଆଜ ଆସୁଥିବା ବେଳେ ଏବେ ଏହା କମି ଯାଇ ୨ରୁ୩ ଟି ପିଆଜ ପ୍ୟାକେଟ ଆସୁଛି । 

ଆଜି କଟକ ପରିବା ବଜାରରେ ପିଆଜ ର ଦର ୧୪୦ ଛୁଇଁଛି । ଏତେ ମହଙ୍ଗା ପରେ ବି ଲୋକେ କିଛି ପରିମାଣରେ କିଣି ସନ୍ତୁଷ୍ଟ ହେବାକୁ ପଡୁଥିବା ବେଳେ ଆଗକୁ ପିଆଜର ଅଭାବ ଆହୁରି ଲୋକଙ୍କୁ ସମସ୍ୟାରେ ପକାଇବ ସେ ଥିରେ ଦ୍ୱିମତ ନାହିଁ ।