close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ପୋଲ ଉପରୁ ଗାୟବ ହୋଇଗଲେ ଡ୍ରାଇଭର

ପାରାଦୀପ ଉପକଣ୍ଠ ଭୂତମୁଣ୍ଡାଇ ମହାନଦୀ ପୋଲ ଉପରେ ଏକ ମାଲ ବୋଝେଇ ଟ୍ରକରୁ ଡ୍ରାଇଭର ନିଖୋଜ ଘଟଣା ଏବେ ସନ୍ଦେହ ଘେରରେ ରହିଛି । ଆଇରନ୍ ବୋଝେଇ ଟ୍ରକ୍ ପାରାଦୀପକୁ ଆସୁଥିବା ବେଳେ ଭୂତମୁଣ୍ଡାଇ ପୋଲ ଉପରେ ଗାଡ଼ି ରଖି ମୋବାଇଲରେ କଥା ହେଉଥିବା ସମୟରେ ଡ୍ରାଇଭର ମହାନଦୀକୁ ଖସିପଡିଥିବା ନେଇ ସନ୍ଦେହ ।

ପୋଲ ଉପରୁ ଗାୟବ ହୋଇଗଲେ ଡ୍ରାଇଭର
Paradip driver missing

ପାରାଦୀପ: ପାରାଦୀପ ଉପକଣ୍ଠ ଭୂତମୁଣ୍ଡାଇ ମହାନଦୀ ପୋଲ ଉପରେ ଏକ ମାଲ ବୋଝେଇ ଟ୍ରକରୁ ଡ୍ରାଇଭର ନିଖୋଜ ଘଟଣା ଏବେ ସନ୍ଦେହ ଘେରରେ ରହିଛି । ଗତକାଲି ଏକ ଟ୍ରକ ଗାଡ଼ି ନମ୍ବର OD-05-AF-8499 ଆଇରନ୍ ବୋଝେଇ କରି ପାରାଦୀପକୁ ଆସୁଥିବା ବେଳେ ଭୂତମୁଣ୍ଡାଇ ପୋଲ ଉପରେ ଗାଡ଼ି ରଖି ମୋବାଇଲରେ କଥା ହେଉଥିବା ସମୟରେ ଡ୍ରାଇଭର ଅଲେଖ ନାୟକ ମହାନଦୀକୁ ଖସିପଡିଥିବା ନେଇ ସନ୍ଦେହ କରୁଛି ପୋଲିସ ।

ଗତକାଲି ପାରାଦୀପ ଅଭିମୁଖେ ଆସୁଥିବା ଏହି ଟ୍ରକଟି ମହାନଦୀ ପୋଲ ଉପରେ ଛିଡା ହୋଇଥିଲା । ଡ୍ରାଇଭର ଅଲେଖ ନାୟକ ମଦ୍ୟପାନ କରିଥିବା ବେଳେ ନିଜ ମୋବାଇଲରେ କଥା ହେଉଥଲେ । କୌଣସି କାରଣରୁ ସେ ନଦୀକୁ ଖସିପଡି ଥାଇ ପାରନ୍ତି ବୋଲି ଗାଡ଼ି ମାଲିକ କହିଛନ୍ତି ।

ଏନେଇ ଗାଡି ଡ୍ରାଇଭର ଓ ହେଲପର୍ ଦୁହେଁ ଅନୁଗୁଳ ଜିଲ୍ଲା କାଣ୍ଟିଆପଡା ଖମାର ଗାଁର ବୋଲି ଜଣାପଡିଥିବା ବେଳେ । ଡ୍ରାଇଭର ଅଲେଖ ନିଖୋଜ ଥିବା ନେଇ ପୋଲିସ ପକ୍ଷରୁ ପରିବାର ଲୋକଙ୍କୁ ସୂଚନା ଦିଆଯିବା ପରେ ଘଟଣା ସ୍ଥଳରେ ପରିବାର ଲୋକେ ଆସି ପହଁଞ୍ଚିଛନ୍ତି ।

ଏ ଘଟଣା ଘଟିଛି ଗତକାଲି ଦିନ ଅପରାହ୍ନ ୫ ଟାରୁ ୬ଟା ସମୟ ମଧ୍ୟରେ । ଖବର ପାଇ କୁଜଙ୍ଗ ଅଗ୍ନିଶମ ଓ ପାରାଦୀପ ଗଡ ଲକ୍ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ନିଖୋଜ ଡ୍ରାଇଭରଙ୍କୁ ବହୁତ ଖୋଜାଖୋଜି ଓ ଅନୁସନ୍ଧାନ କଲାପରେ ମଧ୍ୟ ଗାଡି ଡ୍ରାଇଭରର କୌଣସି ପତ୍ତା ମିଳିପାରିନାହିଁ ।

ତେବେ ଡ୍ରାଇଭର ଅଲେଖ ନିଖୋଜ ଘଟଣାକୁ ନେଇ ପରିବାର ପକ୍ଷରୁ ପାରାଦୀପ ଗଡ ଲକ୍ ଥାନାରେ ଏକ ଏତଲା ଦିଆଯାଇଛି । ଘଟଣାକୁ ନେଇ ଗାଡି ହେଲପରକୁ ଥାନାରେ ଅଟକ ରଖି ପଚରାଉଚରା କରିବା ସହ ନିଖୋଜ ବ୍ୟକ୍ତିଙ୍କୁ ଉଦ୍ଧାର କରିବା ପାଇଁ ପ୍ରୟାସ ଜାରି ରଖିଛି ପୋଲିସ ।