ପଚିଶି ହଜାର ଲୁଟ କରି ତିନି ହୋମଗାର୍ଡ ଗିରଫ

ଜଗନ୍ନାଥ ପାତ୍ର, କଟକ: ବାଡ଼ ଯଦି ଫସଲ ଖାଏ ତେବେ ଫସଲ ଜଗିବ କିଏ ? ଅର୍ଥାତ୍ ଯଦି ରକ୍ଷକ ଭକ୍ଷକ ସାଜିବେ ସାଧାରଣ ଜନତା ଆଉ କାହାକୁ ଭରସିବେ । ଏମିତି କିଛି ଘଟଣା ଦେଖିବାକୁ ମିଳିଛି କଟକରେ । ରାତିରେ ଡ୍ୟୁଟି କରିବା ସମୟରେ ଜଣେ ବ୍ୟକ୍ତି ଙ୍କ ଠାରୁ ଲୁଟ କରିବା ଅଭିଯୋଗରେ ତିନି ଜଣ ହୋମଗାର୍ଡ ଙ୍କୁ ଗିରଫ କରି କୋର୍ଟଚାଲାଣ କରିଛି ବାଦାମବାଡି ଥାନା ପୋଲିସ । 

ଗତ ଦୁଇ ଦିନ ତଳେ ଜଣେ ବ୍ୟକ୍ତି ରାତି ରେ ମେଡିକାଲ ଯାଉଥିବା ସମୟରେ କଟକ ଦୋଳମୁଣ୍ଡାଇ ଅଞ୍ଚଳରେ ଡ୍ୟୁଟି କରୁଥିବା ହୋମଗାର୍ଡ (HomeGuard) ଚନ୍ଦନ ପରିଡାଙ୍କ ସହ ଅନ୍ୟ ଦୁଇ ପୁରୀଘାଟ ଥାନାର ଅନ୍ୟ ଦୁଇ ହୋମଗାର୍ଡ ସେହି ବ୍ୟକ୍ତି ଜଣଙ୍କୁ ଅଟକାଇବା ସହ କାହିଁକି ମାସ୍କ (Mask) ପିନ୍ଧି ନବୋଲି ପଚାରିଥିଲେ । ପରେ ତାଙ୍କ ଠାରୁ ପାଞ୍ଚ ଶହ ଟଙ୍କା ନେଇଥିଲେ। 

Also Read: 'ସ୍ୱାମୀ ନିଜ ଇଚ୍ଛାରେ ସ୍ତ୍ରୀ କୁ ରଖିପାରିବେ ନାହିଁ'

ହେଲେ ସେହି ବ୍ୟକ୍ତିଙ୍କ ପାଖରେ ଅଧିକ ଟଙ୍କା ଥିବା ଜାଣିପାରି ତାଙ୍କ ଠାରୁ ୨୫ ହଜାର ଟଙ୍କା ଛଡାଇ ନେଇଥିଲେ। ତେବେ ସେହି ବ୍ୟକ୍ତି ଜଣଙ୍କ ଏ ନେଇ ବାଦାମବାଡି ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ କରି ହୋମଗାର୍ଡ ଚନ୍ଦନ ପରିଡା ସହ ଅନ୍ୟ ଦୁଇ ଅଭିଯୁକ୍ତ ହୋମଗାର୍ଡଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ (Police) । 

Edited: Zee Odisha Desk