• ୯୮ ବର୍ଷ ବୟସରେ MDH ମସଲା ମାଲିକ ମହାଶୟ ଧର୍ମପାଲ ଗୁଲାଟିଙ୍କ ମୃତ୍ୟୁ । ଦିଲ୍ଲୀର ଏକ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ସୂଚନା ॥
  • ଧର୍ମପାଲଙ୍କ ମୃତ୍ୟୁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କନ୍ଧମାଳ ସାଂସଦ ଅଚ୍ୟୁତ ସାମନ୍ତଙ୍କ ଶୋକ ପ୍ରକାଶ ॥
  • ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲଙ୍କ ମଧ୍ୟ ଶୋକ ପ୍ରକାଶ
  • ପରୀ ହତ୍ୟା ମାମଲାରେ CBI ତଦନ୍ତ ଓ ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବି କଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ।
  • ପରୀକୁ ନ୍ୟାୟ ଦେବାକୁ କଂଗ୍ରେସ ଚାହେଁନି । ଡିସେମ୍ବର ୧୫ରୁ ପ୍ରତି ବ୍ଲକରେ ପଦଯାତ୍ରା କରିବ ବିଜେପି : ପ୍ରତାପ ଷଡ଼ଙ୍ଗୀ ॥
  • ରାଜ୍ୟରେ ବିଗତ ୨୪ ଘଣ୍ଟା ମଧ୍ୟରେ ୫ ଜଣଙ୍କ ମୃତ୍ୟୁ । ମୃତ୍ୟୁ ସଂଖ୍ୟା ୧୭୫୫ ଛୁଇଁଲା ।
  • ବିଗତ ୨୪ ଘଣ୍ଟା ମଧ୍ୟରେ ରାଜ୍ୟରୁ ୪୩୪ କୋରୋନା ସଂକ୍ରମିତ ଚିହ୍ନଟ ॥

ଧନ ବିହୀନ ଧନତେରସ, ସୁନା ଦୋକାନୀଙ୍କ ବେପାର ମାନ୍ଦା

ଧନତେରସ ପର୍ବରେ ସୁନା ଓ ରୂପା ଓ ଅନ୍ୟାନ୍ୟ ମୂଲ୍ୟବାନ ଧାତୁ କିଣିବାକୁ ଶୁଭ ବୋଲି ଧରାଯାଏ । ଅନ୍ୟପକ୍ଷେ ଏହି ଧନତେରସରେ ମୂଲ୍ୟବାନ ଧାତୁ ବିକ୍ରିୟରେ ହ୍ରାସ ଦେଖା ଦେଇଛି । ଦୁର୍ବଳ ଚାହିଦା ଓ ମୂଲ୍ୟବାନ ଧାତୁର ଦାମରେ ପ୍ରତ୍ୟାଶିତ ବୃଦ୍ଧି ହେବା ଯୋଗୁଁ ଧନତେରସରେ ସୁନା ଓ ରୂପା ବିକ୍ରିରେ ୪୦ ପ୍ରତିଶତର ହ୍ରାସ ଘଟିଛି । 

ଧନ ବିହୀନ ଧନତେରସ, ସୁନା ଦୋକାନୀଙ୍କ ବେପାର ମାନ୍ଦା
Dhanteras 2019

ନୂଆଦିଲ୍ଲୀ: ଧନତେରସ ପର୍ବରେ ସୁନା ଓ ରୂପା ଓ ଅନ୍ୟାନ୍ୟ ମୂଲ୍ୟବାନ ଧାତୁ କିଣିବାକୁ ଶୁଭ ବୋଲି ଧରାଯାଏ । ଅନ୍ୟପକ୍ଷେ ଏହି ଧନତେରସରେ ମୂଲ୍ୟବାନ ଧାତୁ ବିକ୍ରିୟରେ ହ୍ରାସ ଦେଖା ଦେଇଛି । ଦୁର୍ବଳ ଚାହିଦା ଓ ମୂଲ୍ୟବାନ ଧାତୁର ଦାମରେ ପ୍ରତ୍ୟାଶିତ ବୃଦ୍ଧି ହେବା ଯୋଗୁଁ ଧନତେରସରେ ସୁନା ଓ ରୂପା ବିକ୍ରିରେ ୪୦ ପ୍ରତିଶତର ହ୍ରାସ ଘଟିଛି । 

ଏହା ଉପରେ ସୁନା ବ୍ୟବସାୟୀମାନେ କହିଛନ୍ତି ଯେ ଚଳିତ ବର୍ଷ ଦେଶର ଅଧିକାଂଶ ବଜାରରେ ମୂଲ୍ୟବାନ ଧାତୁ ବିକ୍ରୟ କ୍ଷେତ୍ରରେ ମାନ୍ଦାବସ୍ଥା ଦେଖା ଦେଇଛି । ଗ୍ରାହକଙ୍କ ସଂଖ୍ୟାରେ କମି ଓ ଉପଭୋକ୍ତାଙ୍କ ଦ୍ୱାରା ଖର୍ଚ୍ଚ କମ କରିବାର ନିଷ୍ପତ୍ତି ପରେ ଏପରି ପରିସ୍ଥିତି ଦେଖା ଦେଇଛି । ଦିଲ୍ଲୀରେ ଶୁକ୍ରବାର ସୁନାର ମୂଲ୍ୟରେ ୨୨୦ ଟଙ୍କାର ବୃଦ୍ଧି ଘଟି ୩୯,୨୪୦ ଟଙ୍କା ପ୍ରତି ଗ୍ରାମରେ ପହଞ୍ଚି ଯାଇଥିଛି । ବିଗତ ବର୍ଷର ଧନତେରସ ଅବସରରେ ସୁନାର ମୂଲ୍ୟ ୩୨,୬୯୦ ଟଙ୍କା ଥିଲା । ଚଳିତ ଥର ଏଥିରେ ୨୦ ପ୍ରତିଶତର ବୃଦ୍ଧି ଦେଖା ଦେଇଛି ।

ଛୋଟ ବ୍ୟବସାୟୀଙ୍କ ସଙ୍ଗଠନ କ୍ୟାଟ ଅନୁସାରେ, ଚଳିତ ବର୍ଷ ଧନତେରସର ସନ୍ଧ୍ୟାରେ ପ୍ରାୟ ୬,୦୦୦ କିଲୋଗ୍ରାମ ସୁନା ବିକ୍ରି ହେବାର ଅନୁମାନ କାଯାଇଛି । ଏହାର ମୂଲ୍ୟ ପ୍ରାୟ ୨,୫୦୦ କୋଟି ହେବ । ଗତବର୍ଷ ଧନତେରସ ଅବସରରେ ୧୭,୦୦୦ କିଲୋଗ୍ରାମ ସୁନା ବିକ୍ରି ହୋଇଥିଲା । ଯାହାର ଆନୁମାନିକ ମୂଲ୍ୟ ୫,୫୦୦ କୋଟି ଟଙ୍କା ଥିଲା ।

କ୍ୟାଟର ସୁନା ଓ ଆଭୂଷଣ ସମିତିର ଚେୟାରମ୍ୟାନ ପକଞ୍ଜ ଅରୋଡା କହିଛନ୍ତି ଯେ, ଅନୁମାନ ଅନୁଯାୟୀ ଏହି ବର୍ଷ ବ୍ୟବସାୟରେ ୩୫-୪୦ ପ୍ରତିଶତ ହ୍ରାସ ଘଟିଛି । ବ୍ୟବସାୟୀଙ୍କ ପାଇଁ ଏହା ବିଗତ ୧୦ ବର୍ଷର ଖରାପ ଧନତେରସ କହିଲେ ଅତୁକ୍ତ ହେବ ନାହିଁ । ଅଖିଲ ଭାରତୀୟ ରତ୍ନ ଓ ଆଭୂଷଣ ଘରୋଇ ପରିଷଦର ଚେୟାରମ୍ୟାନ ଅନନ୍ତ ପଦ୍ମାନାଭନ କହିଛନ୍ତି ଯେ, ମାତ୍ରାର ଆଧାର ଉପରେ ବିକ୍ରିରେ ଗତ ବର୍ଷ ଅପେକ୍ଷା ୨୦ ପ୍ରତିଶଚତ କମି ଆସିଛି । ମୂଲ୍ୟ ଆଧାରରେ ବିକ୍ରି ଗତ ବର୍ଷ ପରି ରହିବ ବୋଲି ସେ କହିଛନ୍ତି ।