କୋରୋନା ଦେଇଛି ନୂଆ ପରିଚୟ, ଚାଷ ପାଲଟିଛି ଆୟର ପନ୍ଥା

ମନୋରଞ୍ଜନ ମହାନ୍ତି, ଆଠଗଡ଼: କୋରୋନା ମହାମାରୀ ପାଇଁ ସମଗ୍ର ବିଶ୍ୱ ଏବେ ସଂକଟମୟ ପରିସ୍ଥିତ ଦେଇ ଗତି କରୁଛି । ଏହି ସଂକଟ ସମୟରେ ଉଜୁଡ଼ି ଯାଇଛି ଅନେକଙ୍କ ପରିବାର ଓ ଜୀବନ ଜୀବିକା. ଏହା ସହିତ ଅନେକଙ୍କ ଜୀବନରେ ମଧ୍ୟ ଆର୍ଥିକ ତଥା  ସାମାଜିକ ମୋଡ ଆଣି ଦେଇଛି । କିନ୍ତୁ କୋରୋନା ଯୋଦ୍ଧା ନ ହୋଇ ବି ୪ ବନ୍ଧୁଙ୍କୁ କୋରୋନା ଦେଇଛି ନୂତନ ଯୋଦ୍ଧାର ପରିଚୟ।  

କଟକ ଜିଲ୍ଲା ଆଠଗଡ଼ ନିର୍ବାଚନୀ ମଣ୍ଡଳୀ ଅନ୍ତର୍ଗତ କଖଡ଼ି ଗ୍ରାମର ୪ ବନ୍ଧୁ ଅଭିମନ୍ୟୁ ସୂତାର, ଦିଲ୍ଲିପ ଛତାର, ଶେଷଦେବ ମୁଦୁଲି, ଶିଳାଦିତ୍ୟ ପରିଡା. ଯେଉଁମାନେ ପୂର୍ବରୁ ହୋଟେଲ, ଠିକାଦାର, କାମ କରି ଚଳୁଥିବା ବେଳେ ୪ ବନ୍ଧୁଙ୍କ ଭିତରେ ଜଣେ ପୂର୍ବତନ ସରପଞ୍ଚ ମଧ୍ୟ ଅଟନ୍ତି । ଦିନକ ପାଇଁ ଜମିରେ ଚାଷ କରିନଥିଲେ. ଲକଡାଉନରେ ସରକାର ସମସ୍ତ କାର୍ଯ୍ୟକୁ ବନ୍ଦ ରଖି କେବଳ ଚାଷ କାର୍ଯ୍ୟକୁ କରିବାକୁ ଇଚ୍ଛା ପ୍ରକାଶ କରିଥିଲେ | 

୪ ବନ୍ଧୁଙ୍କ ପରିବାର ଗୁଜୁରାଣ ମେଣ୍ଟାଇବା ପାଇଁ କାହାଠାରୁ ଅର୍ଥ ଧାର ଉଦ୍ଧାର ନ ଆଣି ଚାଷ କାର୍ଯ୍ୟ କରିବାକୁ ମନସ୍ଥ କରିଥିବା କଥା କହିଛନ୍ତି । ଅନାବନା ଘାସକୁ ସଫା କରି, ପ୍ରାୟ ୨ ଏକର ଜମିରେ କାକୁଡି, ଜହ୍ନି, ଭେଣ୍ଡି, କଲରା, ବୋଦି ଆଦି ବୈଜ୍ଞାନିକ ପ୍ରଣାଳୀରେ ମଞ୍ଜି ବୁଣିବା ସହ ବିନା ସାର ଜାହାକି କେବଳ ଖତ ସାହାଯ୍ୟରେ ଗଛ ବଢାଇଥିଲେ । ମାଙ୍କଡ଼ ଓ ଗାଈଗୋରୁଙ୍କ ଠାରୁ ଗଛ ବଞ୍ଚାଇବା ପାଇଁ ତାରର ବାଡ଼ ମଧ୍ୟ ବୁଲାଇଛନ୍ତି ।  

ଯାହାକି ମଞ୍ଜି ବୁଣିବାର ମାତ୍ର ୩ ମାସ ପରେ ବିନା ସରକାରୀ ସାହାଯ୍ୟରେ କ୍ଷେତ ହସୁଥିବା ଦେଖିବାକୁ ମିଳିଛି । ଏହାକୁ ଦେଖି ଅଞ୍ଚଳବାସୀ ପ୍ରଶଂସା କରିଛନ୍ତି । ଫସଲ ଅମଳ କରି ବେଶ ଦି ପଇସା ରୋଜଗାର କରି ୪ ବନ୍ଧୁଙ୍କ ପରିବାରର ଗୁଜୁରାଣ ଚଳୁଥିବା କହିଛନ୍ତି. ଚାଷ କାମ ନଜାଣି ମଧ୍ୟ ଚାଷକରି ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି । ଯୁବପିଢି ଚାଷ କାର୍ଯ୍ୟ କରି ଦେଶର ମେରୁଦଣ୍ଡକୁ ଦୃଢ କରିବାକୁ ୪ ବନ୍ଧୁ ମଧ୍ୟ ନିବେଦନ କରିଛନ୍ତି ।