ଜାତୀୟ ରାଜପଥରେ ଯାଉଛି ଜୀବନ; ଟ୍ରକକୁ ପିଟିଲା ଆମ୍ବୁଲାନ୍ସ, ୨ ମୃତ

ଯାଜପୁର: ମରଣଜନ୍ତା ପାଲଟିଛି ଜାତୀୟ ରାଜପଥ। ଡ୍ରାଇଭରଙ୍କ ବେପରୁଆ ଗାଡି ଚାଳନା ଓ ଖାଲଖମା ରାସ୍ତା ପାଇଁ ପ୍ରତିଦିନ ଗଡୁଛି ମୁଣ୍ଡ। ଛାରପଡା ଛକରେ ଆମ୍ବୁଲାନ୍ସ ଦୁର୍ଘଟଣା ଘଟିବାର ଗୋଟିଏ ଦିନ ନପୁରୁଣୁ ପୁଣି ଏକ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି। ଯାଜପୁରରେ ଘଟିଥିବା ଏହି ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଛି। 

ସମବାର ସକାଳେ ୧୬ନଂ ଜାତୀୟ ରାଜପଥ (National Highway) କୁଆଖିଆ ଓଭର ବ୍ରିଜ (Kuakhia bridge)  ଉପରେ ଟ୍ରକକୁ ପଛପଟୁ ଏକ ଆମ୍ବୁଲାନ୍ସ ଧକ୍କା ଦେଇଛି। ଏଥିରେ ଆମ୍ବୁଲାନ୍ସର ଡ୍ରାଇଭର ସମେତ ଦୁଇ ଜଣଙ୍କର ମୃତ୍ୟୁ ହୋଇଛି। ଦୁର୍ଘଟଣାଗ୍ରସ୍ତ ଆମ୍ବୁଲାନ୍ସ ଭୁବନେଶ୍ୱର (Bhubaneswar) ଏକ ଘରୋଇ ହସ୍ପିଟାଲର ହୋଇଥିବା ସୂଚନା ମିଳିଛି। ତେବେ ଦ୍ରୁତ ଗତି ଯୋଗୁଁ ଆମ୍ବୁଲାନ୍ସଟି ଅନିୟନ୍ତ୍ରୀତ ହୋଇ ଟ୍ରକକୁ ପିଟିଥିବା କୁଆଖିଆ ପୋଲିସ (Kuakhia Police) ଅନୁମାନ କରୁଛି। 

Also Read: ରାଜ୍ୟରେ ଲେଉଟିବ ଲକଡାଉନ? DMET ଦେଲା ଏମିତି ପ୍ରତିକ୍ରିୟା

ରବିବାର ମଧ୍ୟ ଠିକ ଏହି ଭଳି ଏକ ଦୁର୍ଘଟଣା ଅନୁଗୋଳ (Angul) ର ଧାରପଡା ଛକରେ ଘଟିଥିଲା। ଆମ୍ବୁଲାନ୍ସ ଓ ଟେଙ୍କର ମଧ୍ୟରେ ମୁହାଁମୁହିଁ ଧକ୍କା (Ambulance Accident) ହେବା ଫଳରେ ୪ ଜଣଙ୍କ ମୃତ୍ୟୁ ହୋଇଥିଲା ଓ ଅନ୍ୟ ୩ ଜଣ ଗୁରୁତର ହୋଇଥିଲେ। ପୋଲିସର କହିବା ଅନୁସାରେ, ଆମ୍ବୁଲାନ୍ସରେ ୭ ଜଣ ବୁର୍ଲାରୁ କଟକ ଯାଉଥିଲେ। ଆଉ ଭୋରରୁ ଏହି ଦୁର୍ଘଟଣା ଘଟିଥିଲା।