ଦିଲ୍ଲୀରେ ପ୍ରେମ, ଓଡ଼ିଶାରେ ହକ୍ ଦାବି...

ଅଭିଯୁକ୍ତ ପ୍ରେମିକ ଜଣକ ହେଲେ ବାଲେଶ୍ଵର ଜିଲ୍ଲା ରୁପ୍ସା ଥାନା ଗଡ଼ପଦା ପଞ୍ଚାୟତ ଓଡ଼ିଆ ଶାସନ ଗାଁର ମନୋରଞ୍ଜନ ବିଶ୍ଵାଳଙ୍କ ପୁଅ ବିଶ୍ୱଜିତ ବିଶ୍ୱାଳ ଓରଫ ତପୁ । ନୋଏଡ଼ାର ଏକ କମ୍ପାନୀରେ ଚାକିରି କରନ୍ତି ତପୁ ।

ଦିଲ୍ଲୀରେ ପ୍ରେମ, ଓଡ଼ିଶାରେ ହକ୍ ଦାବି...
ଫଟୋ ସୌଜନ୍ୟ: ଜୀ ମିଡିଆ

ଦିଲ୍ଲୀପ ଦାସ, ଜଳେଶ୍ୱର: ହିନ୍ଦୁ ପୁଅ, ମୁସଲମାନ ଝିଅ । ଉଭୟେ ଦିଲ୍ଲୀରେ ରହୁଥିଲା । ଉଭୟଙ୍କ ମଧ୍ୟରେ ସୃଷ୍ଟି ହୁଏ ପ୍ରେମ ସମ୍ପର୍କ । ଦୀର୍ଘ ୪ ବର୍ଷ ଧରି ଚାଲିଥିଲା ଏହି ପ୍ରେମ କାହାଣୀ । ବାହା ହେବାକୁ କଥା ଦେଇ ଦୈହିକ ସମ୍ପର୍କ ମଧ୍ୟ ରଖିଥିଲେ । ହେଲେ କ'ଣ ହେଲା କେଜାଣି, ପ୍ରେମିକ ନିଜ ଘରକୁ ଆସିଲେ । ଘର ଲୋକଙ୍କ ପସନ୍ଦର ଝିଅକୁ ବାହା ହେବାକୁ ହଁ ମାରିନେଲେ । ଭୁଲିଗଲେ ଦିଲ୍ଲୀରେ ତାଙ୍କର କେହି ପ୍ରେମିକା ଅଛି । ଏପଟେ ନିଜ ମନର ମଣିଷ ଯେ ଆଉ କାହାକୁ ବାହା ହେଉଛନ୍ତି, ଏକଥା କୁଆଡ଼ୁ ଜାଣିଗଲେ ପ୍ରେମିକା । ଦିଲ୍ଲୀରୁ ଓଡ଼ିଶା ଆସିଛନ୍ତି, ପ୍ରେମିକ ଘର ଆଗରେ ଧାରଣା ଦେଇଛନ୍ତି । ଏକା ଜିଦ୍, ମୁଁ ତୁମର । 

ଏବେ ପୁରା ଘଟଣାକୁ ଆସିବା । ଆମେ କହୁଥିବା ଅଭିଯୁକ୍ତ ପ୍ରେମିକ ଜଣକ ହେଲେ ବାଲେଶ୍ଵର ଜିଲ୍ଲା ରୁପ୍ସା ଥାନା ଗଡ଼ପଦା ପଞ୍ଚାୟତ ଓଡ଼ିଆ ଶାସନ ଗାଁର ମନୋରଞ୍ଜନ ବିଶ୍ଵାଳଙ୍କ ପୁଅ ବିଶ୍ୱଜିତ ବିଶ୍ୱାଳ ଓରଫ ତପୁ । ନୋଏଡ଼ାର ଏକ କମ୍ପାନୀରେ ଚାକିରି କରନ୍ତି ତପୁ । ତେବେ ଏହି ସମୟରେ କଲିକତାରୁ ଦିଲ୍ଲୀ ଆସି ସିଲେଇ କାମ କରୁଥିବା ସଂଖ୍ୟାଲଘୁ ସମ୍ପ୍ରଦାୟର ଅଭିଯୋଗକାରିଣୀ ପ୍ରେମିକାଙ୍କ ସହ ତାଙ୍କର ପ୍ରେମ ସମ୍ପର୍କ ଗଢ଼ିଉଠେ । ଦୀର୍ଘ ୪ ବର୍ଷରେ ପ୍ରେମ ସମ୍ପର୍କ । ଏହି ଭଲପାଇବା ଦୈହିକ ସମ୍ପର୍କର ମଧ୍ୟ ରୂପ ନିଏ । ଅଭିଯୋଗକାରିଣୀ କହିବା ଅନୁସାରେ, ତପୁ ତାଙ୍କୁ ବାହା ହେବାକୁ କଥା ବି ଦେଇଥିଲେ । 

5

ଏବେ ଟିକେ ଆଗକୁ ବଢ଼ିବା । କିଛି ଦିନ ପୂର୍ବରୁ ଘରକୁ(ଓଡ଼ିଶା) ଆସିଥିଲେ ତପୁ । ହେଲେ ଏହା ପରେ ପ୍ରେମିକାଙ୍କ ସହ କଥାବାର୍ତ୍ତା ବନ୍ଦ ହୋଇଯାଇଥିଲା । ଘର ଲୋକ ତପୁଙ୍କ ପାଇଁ ଝିଅ ଠିକ୍ କରିଥିଲେ । ତପୁ ମଧ୍ୟ ଘର ଲୋକଙ୍କ ପସନ୍ଦକୁ ହଁ କହିଥିଲେ । ହେଲେ ଏ ତମାମ କଥା କାହା ମାଧ୍ୟମରେ ଜାଣିଯାଇଥିଲେ ପ୍ରେମିକା । ଖୋଜି ଖୋଜି ଆସି ଏଠି ପହଞ୍ଚି ପଡ଼ିଛନ୍ତି । ଆଜି ତପୁଙ୍କ ଅନ୍ୟ ଝିଅ ସହ ବାହାଘର ହୋଇଥାନ୍ତା । ହେଲେ ଦିନକୁ ପୂର୍ବରୁ ପ୍ରେମିକଙ୍କ ଘର ଆଗରେ ଧାରଣା ଦେଇଛନ୍ତି ଅଭିଯୋଗକାରିଣୀ । ସହଦେବ ଖୁଣ୍ଟା ଥାନାରେ ମୌଖିକ ଅଭିଯୋଗ ମଧ୍ୟ କରିଛନ୍ତି । 

6

ବାହାଘରେ ପାଇଁ ଘରେ ପହଞ୍ଚିଥିଲେ ବନ୍ଧୁବାନ୍ଧବ ଓ ସମ୍ପର୍କୀୟ । ଘର ବାହାରେ ପ୍ରେମିକାଙ୍କ ଧାରଣା । ଏନେଇ ଖବର ପାଇବା ପରେ ଗାଁ ମୁଖିଆ ମହମ୍ମଦ ଖାଁ ମଧ୍ୟ ହସ୍ତକ୍ଷେପ କରିଛନ୍ତି । ସେହିପରି ରୁପ୍ସା ଥାନା ଅଧିକାରୀ ମଧ୍ୟ ପହଞ୍ଚି ବାହାଘରକୁ ବନ୍ଦ କରି ସମାଧାନର ରାସ୍ତା ବାହାର କରିବାକୁ ପ୍ରତିଶ୍ରୁତି ଦେଇଛନ୍ତି । ତେବେ ଏବେ ବି ନ୍ୟାୟ ଅପେକ୍ଷାରେ ଅଭିଯୋଗକାରିଣୀ ।