କ୍ୱାରେଣ୍ଟାଇନ ସେଣ୍ଟରରେ ମଦ୍ୟପ ଯୁବକର ଉନ୍ମତ୍ତକାଣ୍ଡ

ଜଗତସିଂହପୁର: କ୍ୱାରେଣ୍ଟାଇନ ସେଣ୍ଟରରେ ମଦ୍ୟମ ଯୁବକଙ୍କ ଉନ୍ମତ୍ତକାଣ୍ଡ । ମହିଳା ଅନ୍ତେବାସୀଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ, ସରପଞ୍ଚକୁ ଠେଲାପେଲା ଓ ରୋଷେୟାଙ୍କୁ ଛୁରାମାଡ଼ । ବେଶ କିଛି ସମୟଧରି ଚାଲିଥିଲା ଆତଙ୍କରାଜ । ଜଗତସିଂହପୁର ତିର୍ତ୍ତୋଲ ବ୍ଲକ ଅନ୍ତର୍ଗତ ଜଡ଼ତିରା ଗ୍ରାମପଞ୍ଚାୟତ ପଞ୍ଚେଇ କ୍ୱାରେଣ୍ଟାଇନ ସେଣ୍ଟରରେ ଦେଖିବାକୁ ମିଳିଛି ଏପରି କିଛି । ମଦ୍ୟପ ଯୁବକର ଆକ୍ରମଣରେ ରୋଷେୟା ଅନନ୍ତ ପ୍ରସାଦ ସାହୁ ଗୁରୁତର ହୋଇଛନ୍ତି । ତାଙ୍କୁ ପ୍ରଥମେ ମଣିଜଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । 

ସେପଟେ ଖବର ପାଇ ଅଭିଯୁକ୍ତ ମଦ୍ୟପ ଆକ୍ରମଣକାରୀକୁ କାବୁ କରିଛି ପୋଲିସ । ଅଭିଯୁକ୍ତ  ସ୍ଥାନୀୟ ଗ୍ରାମର କାଳିଆ ଓରଫ ବଂଶୀଧର ନାଥ ବୋଲି ଜଣାପଡ଼ିଛି ।  ତିର୍ତ୍ତୋଲ ଥାନାରେ ତାକୁ ଅଟକ ରଖାଯାଇଛି । ଏନେଇ ଥାନାରେ ଏକ ଏତଲା ମଧ୍ୟ ଦିଆଯାଇଛି । ପୋଲିସ ଘଟଣାର ଅଧିକ ତଦନ୍ତ ଜାରିରଖିଛି । 

ଅନ୍ୟପଟେ ଘଟଣାକୁ ନେଇ କ୍ୱାରେଣ୍ଟାଇନ ସେଣ୍ଟର ଅନ୍ତେବାସୀ ଭୟଭୀତ ହୋଇପଡ଼ିଛନ୍ତି ।