Kalinga Ghati Bus Accident: କଳିଙ୍ଗା ଘାଟିରେ ଓଲଟିଲା ବସ୍‌, ୫୦ ଆହତ

ଫୁଲବାଣୀ: Kalinga Ghati Bus Accident: କଳିଙ୍ଗା ଘାଟିରେ ପଶ୍ଚିମ ବଙ୍ଗର ଏକ ଟୁରିଷ୍ଟ ବସ୍ ଦୁର୍ଘଟଣା (West Bengal Tourist Bus Accident) ରେ ୫୦ ଯାତ୍ରୀ ଆହତ ହୋଇଛନ୍ତି । ବସଟି ହଲଦିଆର ଚଇଟନପୁରରୁ ପର୍ଯ୍ୟଟକଙ୍କୁ ନେଇ ଦୀଘାରୁ ଦାରିଙ୍ଗିବାଡି ବୁଲିବାକୁ ଆସିଥିଲା ପରେ ଭୁବନେଶ୍ୱର ଫେରୁଥିବା ବେଳେ ଗୁରୁବାର ରାତି ୮ଟାରେ କଳିଙ୍ଗା ଘାଟିର ଅନ୍ଧାରକୋଟ ବୁଲାଣିରେ ଭାରସାମ୍ୟ ହରାଇ ଓଲଟି ପଡିଛି । ଏହି ବସରେ ମୋଟ ୫୫ ଯାତ୍ରୀ ଥିଲେ, ଯେଉଁଥିରେ ୫୦ ଯାତ୍ରୀ ଓ ୫ ଜଣ ରୋଷେଆ ସାମିଲ ଥିଲେ । 

ଆହାତ ମାନଙ୍କୁ ପୋଲିସ ଓ ଅଗ୍ନିଶମ ବିଭାଗ କର୍ମଚାରୀ ଉଦ୍ଧାର କରି ଆମ୍ବୁଲାନ୍ସରେ ଜି. ଉଦୟଗିରି ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି । ଆହାତ ମାନଙ୍କ ମଧ୍ୟରୁ ଅନେକ ଗୁରୁତର ଥିବା ଜଣାପଡିଛି । 

ଜି. ଉଦୟଗିରି ଏସ୍ଡ଼ିପିଓ ଡି.ଟି.ଆର ପଟ୍ଟନାୟକ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ମେଡିକାଲ ପଠାଇବାର ବ୍ୟବସ୍ତା କରିଥିଲେ । ଏସଡିପିଓଙ୍କ ସୂଚନା ଅନୁସାରେ ଗୁରୁତର ୪ ଜଣଙ୍କୁ ଭଞ୍ଜନଗର ମେଡିକାଲକୁ ସ୍ଥାନାନ୍ତରିତ କରାଯାଇଥିବା ବେଳେ ୧୫ ଜଣଙ୍କୁ ଜି. ଉଦୟଗିରି ମେଡିକାଲକୁ ସ୍ଥାନାନ୍ତରିତ କରାଯାଇଛି । ଅନ୍ୟ ୩୦ ଜଣ ସାମାନ୍ୟ ଆହତ ହୋଇଥିବା ଜଣାପଡିଛି । 

୧୫ ଜଣଙ୍କ ମଧ୍ୟରୁ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ୧୩ ଜଣଙ୍କୁ ସ୍ଥାନାନ୍ତରିତ କରାଯାଇଛି । ସେମାନେ ହେଲେ ବୃନ୍ଦାବନ ମାଇତି, ମଣ୍ଡୁ ଦାସ, ବିଦେଶ ରଞ୍ଜନ ମାଇତି, ବଂଶୀ ଅଧିକାରୀ, ଶ୍ୟାମଳି ଦାସ, ସପନ ଦାସ, ବାବୁଲାଲ ଧାଡା, ସୀତା ଜାନା, ସନ୍ଦୀପ ବେରା, ସାଇନା ବେରା, ସୋମଡି ଜାନା । ଭଞ୍ଜନଗରକୁ ରେଫର ହୋଇଥିବା ଚାରିଜଣ ହେଲେ ଜ୍ୟୋସ୍ନା ରାଣୀ ଦାସ (୪୮), ସାବିତ୍ରୀ ମାଇତି (୬୫), ଶାନ୍ତନୁ କୁମାର ମାଲ (୪୦), ଉମାକାନ୍ତା ଭାଡା (୫୫) ସୁତାହାଟା ଥାନା, ଗ୍ରା/ପୋ- ଗୋବିନ୍ଦ ପୁର, ଜିଲ୍ଲା- ମେଦିନିପୁର । ଅନ୍ୟ ଜଣଙ୍କର ଏ ପର୍ଯ୍ୟନ୍ତ ପରିଚୟ ମିଳିନାହିଁ ।

ଏହା ବି ପଢ଼ନ୍ତୁ:-ତୈଳ କମ୍ପାନୀଗୁଡିକ ଜାରି କଲେ ଆଜିର ପେଟ୍ରୋଲ-ଡିଜେଲର ଦାମ୍, Fuel ଭରିବା ପୂର୍ବରୁ ଚେକ୍ କରନ୍ତୁ ରେଟ୍

ଏହା ବି ପଢ଼ନ୍ତୁ:-PF ଆକାଉଣ୍ଟଧାରୀ ଶୀଘ୍ର କରିନିଅନ୍ତୁ ଏହି କାମ, ନଚେତ୍ ହୋଇଯିବ ବଡ଼ କ୍ଷତି