ଗଜପତିରୁ ୨୫ ନୂଆ ଆକ୍ରାନ୍ତ

ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୫୯୧।

ଗଜପତିରୁ ୨୫ ନୂଆ ଆକ୍ରାନ୍ତ

ଗଜପତି:  ଜିଲ୍ଲାରେ ଆଜି ପୁଣି କୋରୋନା ସଂକ୍ରମିତଙ୍କ ତାଲିକାରେ ଯୋଡ଼ି ହେଲେ ୨୫ ଆକ୍ରାନ୍ତ। ମୋଟ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୫୯୧। ସଂକ୍ରମଣର ତଥ୍ୟକୁ ଅନୁଧ୍ୟାନ କଲେ ଏହାର ବିସ୍ଫୋରକ ରୂପ ନେଉଥିବା ସ୍ପଷ୍ଟ ବାରି ହେଉଛି। ଏଥିମଧ୍ୟରୁ ୧୦ ଜଣ କୋରୋନା ଯୋଦ୍ଧା ହୋଇଥିବା ବେଳେ ୧୨ ଜଣ ସ୍ଥାନୀୟଅଞ୍ଚଳରୁ ଚିହ୍ନଟ ହୋଇଛନ୍ତି। ୩ ଜଣ ଅସ୍ଥାୟୀ ସ୍ୱାସ୍ଥ୍ୟ କେନ୍ଦ୍ରରୁ ହୋଇଥିବା ସୂଚନା ମିଳିଛି। 

ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସହରରେ ମଧ୍ୟ ସ୍ଥିତି ଗମ୍ଭୀର ହେବାରେ ଲାଗଛି। ସହରରେ ଆଜି ପୁଣି ୧୩ ଚିହ୍ନଟ ହୋଇଛନ୍ତି। ଏହା ଗୋଷ୍ଠୀ ସଂକ୍ରମଣର ସ୍ପଷ୍ଟ ନିଦର୍ଶନ। ଯାହାକୁ ଦେଖି ସଟଡାଉନ ସମୟରେ ଘର ଘର ବୁଲି ସକ୍ରିୟ ଲକ୍ଷଣ ଥିବା ବ୍ୟକ୍ତିଙ୍କୁ ଚିହ୍ନଟ କରିବାକୁ ଲକ୍ଷ୍ୟ ରଖାଯାଇଛି। ଅପରପକ୍ଷରେ ଗ୍ରାମାଞ୍ଚଳରେ ମଧ୍ୟ ସମାନ ଭାବରେ ବୃଦ୍ଧି ପାଉଥିବାର ଦେଖିବାକୁ ମିଳିଛି, ଆଜି ଉଭୟ ଗୁମ୍ମା ଏବଂ ରା. ଉଦୟଗିରି ବ୍ଲକର ୬ଜଣ ଲେଖାଏଁ ଚିହ୍ନଟ ହୋଇଛି। 

ତଥ୍ୟ ଲୁଚାଇବା ମହଙ୍ଗା ପଡୁଥିବା ଆଲୋଚନା ହେଉଥିବା ବେଳେ, ଆଜି ବିଭିନ୍ନ ସାହିରୁ ପୁଣି ପାଞ୍ଚ ଜଣ ସର୍ଭେ ସମୟରେ ଚିହ୍ନଟ ହୋଇଛନ୍ତି। ଯାହା ଗୋଷ୍ଠୀ ସଂକ୍ରମଣ ଦିଗକୁ ଗତି କରୁଛି। ତେବେ ସମସ୍ତ ଭିତରେ ଜନସାଧାରଣ ପ୍ରଶାସନର ସମସ୍ତ ପ୍ରତିଷେଧକ କାର୍ଯ୍ୟକ୍ରମକୁ ସହଯୋଗ କରିବା ସହ ନିଜ ଆଡୁ ବ୍ୟାପକ ସଚେତନ ହେବା ଜରୁରୀ ହୋଇପଡିଛି।