ପ୍ରବାସୀଙ୍କ ପାଇଁ ବସ ପଠାଇଲେ ସବ୍ୟ

ରାଜସ୍ଥାନରେ ଫସି ରହିଥିବା କିଛି ଓଡ଼ିଆ ଛାତ୍ରଛାତ୍ରୀଙ୍କ ନିକଟକୁ ବସ ପଠାଇଲେ ଅଭିନେତା ସବ୍ୟସାଚୀ। ରାଜସ୍ଥାନର କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର କିଛି ଛାତ୍ରଛାତ୍ରୀଙ୍କୁ ଓଡ଼ିଶା ଫେରାଇ ଆଣିବା ପାଇଁ ଅଭିନେତା ସବ୍ୟସାଚୀ ମିଶ୍ର ସାହାଯ୍ୟର ହାତ ବଢାଇଛନ୍ତି। ଏପରିକି ସବ୍ୟସାଚୀ ମିଶ୍ର ନିଜ ଉଦ୍ୟମରେ ସମସ୍ତ ବ୍ୟବସ୍ଥା କରିଥିବା ନେଇ ଜଣାପଡି଼ଛି

ପ୍ରବାସୀଙ୍କ ପାଇଁ ବସ ପଠାଇଲେ ସବ୍ୟ

ଭୁବନେଶ୍ୱର: ରାଜସ୍ଥାନରେ ଫସି ରହିଥିବା କିଛି ଓଡ଼ିଆ ଛାତ୍ରଛାତ୍ରୀଙ୍କ ନିକଟକୁ ବସ ପଠାଇଲେ ଅଭିନେତା ସବ୍ୟସାଚୀ। ରାଜସ୍ଥାନର କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର କିଛି ଛାତ୍ରଛାତ୍ରୀଙ୍କୁ ଓଡ଼ିଶା ଫେରାଇ ଆଣିବା ପାଇଁ ଅଭିନେତା ସବ୍ୟସାଚୀ ମିଶ୍ର ସାହାଯ୍ୟର ହାତ ବଢାଇଛନ୍ତି। ଏପରିକି ସବ୍ୟସାଚୀ ମିଶ୍ର ନିଜ ଉଦ୍ୟମରେ ସମସ୍ତ ବ୍ୟବସ୍ଥା କରିଥିବା ନେଇ ଜଣାପଡି଼ଛି।

ବିଗତ ୯ ଦିନ ପୂର୍ବରୁ ଏକ ଭିଡ଼ିଓ ମାଧ୍ୟମରେ ରାଜସ୍ଥାନର କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟରେ ଓଡ଼ିଶାର ପ୍ରାୟ ୮୦ ଜଣ ଛାତ୍ରଛାତ୍ରୀ ଓଡ଼ିଶା ଫେରିବା ପାଇଁ ସବ୍ୟଙ୍କୁ ନିବେଦନ କରିଥିଲେ। ଟ୍ୱିଟର ମାଧ୍ୟମରେ ଛାତ୍ରଛାତ୍ରୀ ସବ୍ୟଙ୍କୁ ଯୋଗାଯୋଗ କରିଥିଲେ। ସୁଚନାଯୋଗ୍ୟ  ସେଠାରେ କୋରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ବେଗରେ ବୃଦ୍ଧି ପାଉଥିବା ବେଳେ ତାଙ୍କ ନିକଟରେ କୌଣସି ବିକଳ୍ପ ନଥିବା ନେଇ ସେ ଭିଡ଼ିଓ ମାଧ୍ୟମରେ ସବ୍ୟଙ୍କୁ ଜଣାଇଥିଲେ। 

ଏହି ସୂଚନା ପାଇବା ପରେ ସେମାନଙ୍କୁ ଉଦ୍ଧାର କରିବାକୁ ଉଦ୍ୟମ ଆରମ୍ଭ କରିଥିଲେ। ରାଜ୍ୟ ସରକାରଙ୍କ ସହିତ ଯୋଗାଯୋଗ କରିବା ସହିତ ରାଜସ୍ଥାନ ସରକାରଙ୍କ ସହିତ ମଧ୍ୟ ଯୋଗାଯୋଗ କରିଥିଲେ ସବ୍ୟ। ଓଡ଼ିଶା କଣ୍ଟ୍ରୋଲ ରୁସର ସଦସ୍ୟ ଜ୍ଞାନରଞ୍ଜନ ମହାପାତ୍ର, ରାଜସ୍ଥାନର ଜୟପୁର ଜିଲ୍ଲାପାଳଙ୍କ ସହାୟତାରେ ଦୁଇଟି ବସକୁ ସବ୍ୟ ପଠାଇଥିଲେ। ଏହାରି ମଧ୍ୟରେ ସେ ପିଲାମାନଙ୍କ ପାଇଁ ପାସ, ବସ ପାସ ଆଦି ସମସ୍ତ ଆବଶ୍ୟକ ପଦକ୍ଷେପମାନ ଗ୍ରହଣ କରିଛନ୍ତି।

ସବ୍ୟ ଭୁବନେଶ୍ୱରରୁ ଗୋଟିଏ ବସ ପଠାଇଥିବା ବେଳେ ବାରିପଦାରୁ ଗୋଟିଏ ବସ ପଠାଇଛନ୍ତି। ତେବେ ବାରିପଦା ବସଟି ୬ ଦିନ ପୂର୍ବରୁ ସେଠାରେ ପହଞ୍ଚିଥିବା ବେଳେ ଭୁବନେଶ୍ୱର ବସଟି ଚାରିଦିନ ପୂର୍ବରୁ ସେଠାରେ ପହଞ୍ଚିଛନ୍ତି। ତେବେ ପିଲାମାନଙ୍କୁ ନେଇ ଗତକାଲି ଠାରୁ ବସଗୁଡ଼ିକ ସେଠାରୁ ବାହାରି ଆସିଥିବା ସୂଚନା ରହିଛି। ଏହି ସହାୟତା ପାଇବା ପରେ ଛାତ୍ରଛାତ୍ରୀ ଅନୁରୂପ ଭାବେ ଏକ ଭିଡି଼ଓ ମାଧ୍ୟମରେ ଅଭିନେତା ସବ୍ୟଙ୍କୁ ଅଶେଷ ଅଶେଷ ଧନ୍ୟବାଦ ପ୍ରଦାନ କରିଥିବା ସୂଚନା ରହିଛି।

ତେବେ ଛାତ୍ରଛାତ୍ରୀଙ୍କୁ ଫେରାଇ ଆଣିବାରେ ସବ୍ୟସାଚୀ ଓଡ଼ିଶା କଣ୍ଟ୍ରୋଲ ରୁସର ସଦସ୍ୟ ଜ୍ଞାନରଞ୍ଜନ ମହାପାତ୍ର, ରାଜସ୍ଥାନର ଜୟପୁର ଜିଲ୍ଲାପାଳଙ୍କ ସହିତ ପୋଲିସ କର୍ମଚାରୀଙ୍କୁ ଧନ୍ୟବାଦ ଦେଇଛନ୍ତି।

ସେପଟେ ଓଲିଉଡ଼ର ଅନ୍ୟତମ ଅଭିନେତା ଅର୍ଦ୍ଧେନ୍ଦୁ ସାହୁ ମଧ୍ୟ ଏହି ସଂକଟ ସମୟରେ ଲୋକମାନଙ୍କୁ ଯଥାସମ୍ଭବ ସହାୟତାର ହାତ ବଢାଇ ଆସୁଛନ୍ତି। ନିକଟରେ ସେ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ୩ ଲକ୍ଷ ଟଙ୍କା ପ୍ରଦାନ କରିଥିବା ବେଳେ ଗଞ୍ଜାମ ଜିଲ୍ଲାରେ କୋରୋନାରେ ତୃତୀୟ ମୃତକଙ୍କ ପରିବାରକୁ ୫୦ ହଜାର ଟଙ୍କାର ସହାୟତା ରାଶି ପ୍ରଦାନ କରିଥିଲେ।