ନୂଆଦିଲ୍ଲୀ: Cyclone Yaas: ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତ ଘନୀଭୂତ ହୋଇ ଭୀଷଣ ସାମୁଦ୍ରିକ ଝଡ଼ 'ୟାସ୍' (Yaas) ରେ ପରିଣତ ହୋଇଛି । ଏହା ବର୍ତ୍ତମାନ ପାରାଦ୍ଵୀପର ଦକ୍ଷିଣ ଦକ୍ଷିଣ ପୂର୍ବ ଦିଗରୁ ୩୨୦ କିଲୋମିଟର ଏବଂ ବାଲେଶ୍ବରର ଦକ୍ଷିଣ ଦକ୍ଷିଣ ପୂର୍ବ ଦିଗରୁ ୪୩୦ କିଲୋମିଟର ଦୂରରେ ରହିଛି ।  ଏହା ଅତି ଭୀଷଣ ବାତ୍ୟାରେ ପରିଣତ ହେବା ପରେ ମେ ୨୬ ମଧ୍ୟାହ୍ନରେ ପାରାଦୀପ (Paradeep) ଓ ସାଗର ଦୀପ ମଧ୍ୟରେ ଲ୍ୟାଣ୍ଡଫଲ କରିବ । ବାଲେଶ୍ୱର ଓ ଭଦ୍ରକ ଦେଇ ଗତି କରିବ ବାତ୍ୟା 'ୟାସ୍' । ଯାହା ଫଳରେ ବାଲେଶ୍ୱର, ଭଦ୍ରକ, ଜଗତସିଂହପୁର ଓ କେନ୍ଦ୍ରାପଡ଼ା ଅଧିକ ପ୍ରଭାବିତ ହେବ ବୋଲି ଅନୁମାନ କରାଯାଉଛି । ଏହାସହ ଏହି ୪ଟି ଜିଲ୍ଲାରେ ଆଜି ରାତିରୁ ପବନର ବେଗ ବଢ଼ିପାରେ । ଏହାସହ ଉତ୍ତର ଓ ପୂର୍ବ ଉପକୂଳରେ ପ୍ରବଳ ବର୍ଷା ଜାରି ରହିଛି । ସେପଟେ ରାଜଧାନୀ ଭୁବନେଶ୍ୱରରେ ବର୍ଷା ଜାରି ରହିଛି ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-୪୦ ଦିନ ପରେ ଦେଶରେ ୨ ଲକ୍ଷରୁ କମ୍ ମାମଲା ଚିହ୍ନଟ, ଦିନକରେ ଆଖି ବୁଜିଲେ ଏତିକି ସଂକ୍ରମିତ


ଏହା ଅନୁମାନ କରାଯାଉଛି ଯେ ଏହା ଅତି ଭୀଷଣ ବାତ୍ୟା ହେବ ଏବଂ ଘଣ୍ଟା ପ୍ରତି ୧୫୫-୧୬୫ କିଲୋମିଟର ବେଗରେ ପବନ ବହିବ । ପାଣିପାଗ ବିଭାଗର ସୂଚନାନୁସାରେ, ସୋମବାର ସକାଳେ ଏହି ଗଭୀର ଅବପାତ ଓଡିଶାର ପାରାଦୀପ ଓ ପଶ୍ଚିମବଙ୍ଗର ଦିଘା ମଧ୍ୟରେ ଥିଲା ଓ ଏହା ଉତ୍ତର-ଉତ୍ତର-ପଶ୍ଚିମ ଦିଗକୁ ଯାଇ ମଙ୍ଗଳବାର ପର୍ଯ୍ୟନ୍ତ ଏକ ଅତି ଭୀଷଣ ବାତ୍ୟାରେ ପରିଣତ ହେବ ବୋଲି ଆଶା କରାଯାଉଛି । ସେପଟେ ବାତ୍ୟା ପ୍ରଭାବରେ ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ୱର, ଯାଜପୁର, ମୟୂରଭଞ୍ଜ, ପୁରୀ, ଖୋର୍ଦ୍ଧା, ଭୁବନେଶ୍ୱର, କଟକ, ଗଞ୍ଜାମ ଓ ଗଜପତିରେ ପବନ ବହିବା ସହ ପ୍ରବଳ ବର୍ଷା ସମ୍ଭାବନା ରହିଛି ।


ଅଧିକ ପଢ଼ନ୍ତୁ:-LIC ଅଛି ତ ହୋଇଯାଆନ୍ତୁ ସାବଧାନ, ନ ହେଲେ ବୁଡ଼ି ଯିବ ଆପଣଙ୍କ ଟଙ୍କା!


ପାଣିପାଗ ବିଭାଗ ଅନୁଯାୟୀ, ବୁଧବାର ସକାଳ ସୁଦ୍ଧା ୟାସ୍ (Yaas) ଏକ ଅତି ଭୀଷଣ ବାତ୍ୟାରେ ପରିଣତ ହୋଇପାରେ । ଏହି ବାତ୍ୟାର ମୁକାବିଲା ପାଇଁ ଉଭୟ ଓଡ଼ିଶା ଓ ପଶ୍ଚିମ ବଙ୍ଗ ସରକାର ପ୍ରସ୍ତୁତିରେ ଲାଗିଛନ୍ତି । ବାତ୍ୟା ଉପରେ ନଜର ରଖିବା ପାଇଁ ପଶ୍ଚିମବଙ୍ଗ ସରକାର ରାଜ୍ୟ ସଚିବାଳୟ ନବାନ୍ନରେ ନିୟନ୍ତ୍ରଣ କକ୍ଷ ଖୋଲିଛନ୍ତି । ପୂର୍ବ ଏବଂ ପଶ୍ଚିମ ମେଦିନୀପୁର, ଦକ୍ଷିଣ ଏବଂ ଉତ୍ତର ୨୪ ପରଗାନା, ହାୱଡ଼ା ଏବଂ ହୁଗଲିର ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ହାଲୁକାରୁ ମଧ୍ୟମ ବର୍ଷା ହୋଇପାରେ । ଆଜି କେତେକ ସ୍ଥାନରେ ପ୍ରବଳରୁ ପ୍ରବଳ ବର୍ଷା ହୋଇପାରେ । ପାଣିପାଗ ବିଭାଗ ଅନୁଯାୟୀ, ମେ ୨୬ରେ ଝାରଗ୍ରାମ, ପୂର୍ବ ଏବଂ ପଶ୍ଚିମ ମେଦିନୀପୁର, ଦକ୍ଷିଣ ଏବଂ ଉତ୍ତର 24 ପରଗାନା, ହାୱଡା ଏବଂ ହୁଗଲି ଏବଂ କୋଲକାତାର ଅଧିକାଂଶ ସ୍ଥାନରେ ହାଲୁକା କିମ୍ବା ମଧ୍ୟମ ବର୍ଷା ହେବ ବୋଲି ଅନୁମାନ କରାଯାଇଛି ।


ଅଧିକ ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ବହୁତ ବଡ଼ ଖୁସି ଖବର!


ଓଡିଶା ସରକାର ଉଦ୍ଧାରକାରୀ ଦଳ ନିୟୋଜିତ କରିଛନ୍ତି । ଲୋକଙ୍କୁ ସମ୍ବେଦନଶୀଳ ଅଞ୍ଚଳରୁ ସ୍ଥାନାନ୍ତର କରିବାକୁ ରାଜ୍ୟ ସରକାର ଯୋଜନା କରୁଛନ୍ତି । ସ୍ୱତନ୍ତ୍ର ରିଲିଫ୍ କମିଶନର ପି.କେ ଜେନା କହିଛନ୍ତି ଯେ, ଓଡିଶା ସରକାର ଏନଡିଆରଏଫ୍, ଓଡିଶା ବିପର୍ଯ୍ୟୟ ରାପିଡ୍ ଆକ୍ସନ୍ ଫୋର୍ସ ଏବଂ ଅଗ୍ନିଶମ ସେବା କର୍ମଚାରୀଙ୍କୁ ନିୟୋଜିତ କରିଛନ୍ତି । ବାଲେଶ୍ୱର ଓ ଭଦ୍ରକ ଜିଲ୍ଲାରେ ଏହି ବାତ୍ୟାର ବଡ଼ ପ୍ରଭାବ ପଡିପାରେ ବୋଲି ଆକଳନ କରାଯାଇଛି ।
 
ବାତ୍ୟା ପାଇଁ ପ୍ରସ୍ତୁତି


ପଶ୍ଚିମବଙ୍ଗ, ଓଡିଶା, ଆନ୍ଧ୍ରପ୍ରଦେଶ, ତାମିଲନାଡୁ, ଝାଡଖଣ୍ଡ  ଏବଂ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜରେ NDRF ର ୧୦୯ଟି ଟିମ ନିୟୋଜିତ କରାଯାଇଛି । ବାତ୍ୟା ୟାସକୁ ଦୃଷ୍ଟିରେ ରଖି କୋଲକାତା ବନ୍ଦର ଆଜିଠାରୁ ଜାହାଜ ଚଳାଚଳ ସ୍ଥଗିତ ରଖିବ । ପଶ୍ଚିମବଙ୍ଗର ଦିଘାରେ ଥିବା ଦୋକାନଗୁଡିକ ବନ୍ଦ ହୋଇଯାଇଛି । ଏଠାରେ ମଧ୍ୟ ବର୍ଷା ଆରମ୍ଭ ହୋଇଛି ।


ଅଧିକ ପଢ଼ନ୍ତୁ:-ରେଲୱେ ବାତିଲ କଲା ଆହୁରି ୨୧ଟି ପ୍ରମୁଖ ଟ୍ରେନ୍, ଯାତ୍ରା କରିବା ପୂର୍ବରୁ ଦେଖନ୍ତୁ ସମ୍ପୂର୍ଣ୍ଣ ତାଲିକା


ଆଇଏମଡି ବିହାରର ଆନନ୍ଦ ଶଙ୍କର କହିଛନ୍ତି ଯେ ବିହାରରେ ୟାସର ପ୍ରଭାବ ମେ ୨୭, ୨୮ ଏବଂ ୨୯ରେ ଦେଖାଯିବ । ଯାହା ଫଳରେ ଏଠାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ, ଧର୍ମେନ୍ଦ୍ର ପ୍ରଧାନ ଏବଂ ମନସୁଖ ମଣ୍ଡଭିଆ ୟାସକୁ ନେଇ ଏକ ଉଚ୍ଚ ସ୍ତରୀୟ ବୈଠକ କରିଛନ୍ତି । କେନ୍ଦ୍ର ଗୃହମନ୍ତ୍ରୀ ଅମିତ ଶାହା ସୋମବାର ଆଣ୍ଡାମାନ ଓ ନିକୋବରର ଉପରାଜ୍ୟପାଳ ସହିତ ପଶ୍ଚିମବଙ୍ଗ, ଓଡିଶା, ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀଙ୍କ ସମେତ ବାତ୍ୟା ୟାସ ସମ୍ପର୍କରେ ଏକ ବୈଠକ କରିଛନ୍ତି ।