ଯୁବପିଢିଙ୍କ ମାନସିକ ସ୍ୱାସ୍ଥ୍ୟ ବିଗାଡିଦେଲା ମହାମାରୀ; ବଢ଼ିଲା ଅବସାଦ, ଆତ୍ମହତ୍ୟା ମୃତ୍ୟୁର ଦ୍ୱିତୀୟ କାରଣ

ନୂଆଦିଲ୍ଲୀ: କୋରୋନା ମହାମାରୀ ସମଗ୍ର ବିଶ୍ୱରେ ଯୁବପିଢି଼ଙ୍କୁ ମାନସିକ ସ୍ତରରେ ଭାଙ୍ଗି ଦେଇଛି । ଆମେରିକୀୟ ମେଡିକାଲ୍ ଜର୍ନାଲ୍ ଜାମା ପେଡିଆଟ୍ରିକ୍ସ ଏହା ଉପରେ ୨୯ଟି ରିପୋର୍ଟ ପ୍ରକାଶ କରିଛି । ୮୦,୮୭୯ ଯୁବକଙ୍କ ଉପରେ ହୋଇଥିବା ଏକ ସର୍ଭେରୁ ଜଣାପଡିଛି ଯେ, ମହାମାରୀ ସମୟରେ ଶିଶୁ ଏବଂ କିଶୋରଙ୍କ ମଧ୍ୟରେ ଅବସାଦ ଏବଂ ଚିନ୍ତାର କାରଣ ଦ୍ୱିଗୁଣିତ ହୋଇଛି। ୟୁରୋପରେ ନିକଟରେ ୟୁନିସେଫ୍ ରିପୋର୍ଟ ଅନୁଯାୟୀ, ଯୁବକପିଢିଙ୍କ ମୃତ୍ୟୁରେ ଆତ୍ମହତ୍ୟା ହେଉଛି ଦ୍ୱିତୀୟ ପ୍ରମୁଖ କାରଣ।

ରିପୋର୍ଟ ଅନୁସାରେ, ଇଟାଲୀର ଯୁବକପିଢି ଦୁନିଆର ସବୁଠୁ ଅଧିକ ସମସ୍ୟାର ସମ୍ମୁଖୀନ ହେଉଛନ୍ତି । ମହାମାରୀ ଆରମ୍ଭରୁ ମାନସିକ ସ୍ୱାସ୍ଥ୍ୟରେ ପୀଡି଼ତ ଯୁବକଙ୍କ ସଂଖ୍ୟାରେ ୬୪% ବୃଦ୍ଧି ଘଟିଛି। ମାନସିକ ରୋଗ ବିଶେଷଜ୍ଞ ଏହି ବିପଜ୍ଜନକ ଧାରାକୁ 'ସାଇକୋପାଣ୍ଡେମିକ୍' ବୋଲି କହିଛନ୍ତି । ଇଟାଲୀର ସାଇକୋଲୋଜିକାଲ ଆସୋସିଏସନର ସଭାପତି ଡେଭିଡ ଲାଜାରି କହିଛନ୍ତି ଯେ, ମହାମାରୀର ପ୍ରଭାବରୁ ମୁକ୍ତି ପାଇବାକୁ ବର୍ଷ ବର୍ଷ ଲାଗିବ।

ଭର୍ଚୁଆଲ୍ ଶିକ୍ଷା ହେତୁ ପିଲାମାନେ ପରସ୍ପର ସହ ମିଶି ପାରିନଥିଲେ

ଇଟାଲୀର ମିଲାନ ସହରର ସ୍ନାୟୁ ବିଜ୍ଞାନ ଏବଂ ମାନସିକ ସ୍ୱାସ୍ଥ୍ୟ ବିଭାଗର ନିର୍ଦ୍ଦେଶକ କ୍ଲାଉଡିଆ ମେନକାସୀ କହିଛନ୍ତି ଯେ, ଭର୍ଚୁଆଲ୍ ଶିକ୍ଷା ହେତୁ ପିଲାମାନେ ପରସ୍ପର ସହ ମିଶି ପାରିଲେ ନାହିଁ, ଯାହା ସେମାନଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା । ମହାମାରୀ ଯୁବକମାନଙ୍କୁ ସ୍ନାତକୋତ୍ତର ଏବଂ ପ୍ରଥମ ପ୍ରେମ ପରି କିଛି ଜୀବନର ପ୍ରମୁଖ ଘଟଣାରୁ ବଞ୍ଚିତ କରିଛି । ଏହି ଅବସ୍ଥାରେ ଅବସାଦ, ଚିନ୍ତା, ଚାପ ମଧ୍ୟ ସ୍ୱାଭାବିକ । ୨୦୧୭ ପରଠାରୁ ଆତ୍ମହତ୍ୟା ଉପରେ ଇଟାଲୀ ସର୍ବସାଧାରଣ ଅନୁସନ୍ଧାନ କରିନାହିଁ।

ନିଜକୁ କ୍ଷତି କରୁଥିବା ଯୁବକଙ୍କ ସଂଖ୍ୟାକୁ ଦୁଇଗୁଣିତ

ବିଶେଷଜ୍ଞଙ୍କ ଅନୁଯାୟୀ, ତଥ୍ୟର ଅଭାବ, ବଢ଼ୁଥିବା ଜନସ୍ୱାସ୍ଥ୍ୟ ସମସ୍ୟା ଉପରେ ଇଟାଲୀ ସରକାରଙ୍କ ଅବହେଳାକୁ ପ୍ରତିଫଳିତ କରୁଛି । ନ୍ୟାସନାଲ ସାଇକୋଲୋଜିଷ୍ଟ ବୋର୍ଡର ସଦସ୍ୟ ଫୁଲଭିଆ ସିଗାନି ଏବଂ କ୍ରିଷ୍ଟିଆନ ରୋମାନିଏଲୋ ଇଟାଲୀର ସ୍ୱାସ୍ଥ୍ୟ ପତ୍ରିକାରେ ଲେଖିଛନ୍ତି ଯେ, ଆମେ ଏକ ଜରୁରୀକାଳୀନ ପରିସ୍ଥିତିର ସମ୍ମୁଖୀନ ହେଉଛୁ। ରୋମରେ ଥିବା ଶିଶୁ ହସପିଟାଲ୍ ବାମ୍ବିନୋ ଗାସୋଙ୍କ ଏକ ରିପୋର୍ଟରୁ ଜଣାପଡିଛି ଯେ, ମହାମାରୀ ସମୟରେ ଆତ୍ମହତ୍ୟା ଉଦ୍ୟମ ଏବଂ ଆତ୍ମହତ୍ୟା ଦ୍ୱିଗୁଣିତ ହୋଇଛି। ୧୫ରୁ ୨୪ ବର୍ଷର ଯୁବକମାନଙ୍କ ମଧ୍ୟରେ ଏହାର ସର୍ବାଧିକ ସଂଖ୍ୟା।