Plus 2 exam result: ୬ ମେ'ରେ ପ୍ରକାଶ ପାଇବ କି +୨ ପରିକ୍ଷାଫଳ? CHSE କହିଲା ଭାଇରାଲ୍ ହେଉଥିବା ନୋଟିସ୍ ର ସତ୍ୟତା

CHSE Plus 2 exam result: ବାର୍ଷିକ +୨ ପରିକ୍ଷାଫଳ ମେ ୬ ତାରିଖରେ ଘୋଷଣା କରାଯିବ କି? ଏପରି ଏକ ନୋଟିସ୍ ବର୍ତ୍ତମାନ ସୋସିଆଲ ମିଡିଆରେ ଜୋରଦାର ଭାଇରାଲ ହେବାରେ ଲାଗିଛି। ଶନିବାର ଦିନ ଏହି ଭାଇରାଲ୍ ନୋଟିସ ଉପରେ CHSE ନିଜର ସ୍ଫଷ୍ଟିକରଣ ରଖିଛି।

CHSE Plus 2 exam result 2025: ବାର୍ଷିକ +୨ ପରିକ୍ଷାଫଳ ମେ ୬ ତାରିଖରେ ଘୋଷଣା କରାଯିବ କି? ଏପରି ଏକ ନୋଟିସ୍ ବର୍ତ୍ତମାନ ସୋସିଆଲ ମିଡିଆରେ ଜୋରଦାର ଭାଇରାଲ ହେବାରେ ଲାଗିଛି। ଶନିବାର ଦିନ ଏହି ଭାଇରାଲ୍ ନୋଟିସ ଉପରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ (CHSE) ନିଜର ସ୍ଫଷ୍ଟିକରଣ ରଖି ଏହାକୁ ନକଲି ବୋଲି କହିଛି।

ଯୁକ୍ତ ଦୁଇ (ଦ୍ୱାଦଶ ଶ୍ରେଣୀ) ପରୀକ୍ଷା ଫଳ ଘୋଷଣା ତାରିଖ ସମ୍ପର୍କରେ ସୋସିଆଲ ମିଡିଆ ଏବଂ ବିଭିନ୍ନ ଅନଲାଇନ୍ ପ୍ଲାଟଫର୍ମରେ ଗୁଜବ ପ୍ରସାରିତ ହେବା ପରେ ସାରା ଓଡ଼ିଶାରେ ହଜାର ହଜାର ଛାତ୍ରଛାତ୍ରୀ ଦ୍ୱନ୍ଦ୍ୱରେ ପଡ଼ିଛନ୍ତି। ଭାଇରାଲ୍ ନୋଟିସ୍ ରେ ଦାବି କରାଯାଇଛି ଯେ ଯୁକ୍ତ ଦୁଇ ପରୀକ୍ଷା ଫଳାଫଳ ୬ ମଇ ସକାଳ ୧୦ଟାରେ ଘୋଷଣା କରାଯିବ। ଏହି ଦାବି ପରୀକ୍ଷାର୍ଥୀ ଏବଂ ସେମାନଙ୍କ ପରିବାର ମଧ୍ୟରେ ଅନିଶ୍ଚିତତା ଏବଂ ଚିନ୍ତା ସୃଷ୍ଟି କରିଛି। 

Add Zee News as a Preferred Source

ସମସ୍ତ ଦ୍ୱନ୍ଦ ଦୂର କରି CHSE ଏହି ତାରିଖର ସତ୍ୟତାକୁ ଅସ୍ୱୀକାର କରି ନିଜର ବୟାନ ଜାରି କରିଛି। ପରିଷଦର ଅଧିକାରୀମାନେ ସ୍ପଷ୍ଟ ଭାବରେ କହିଛନ୍ତି ଯେ ପ୍ଲସ୍ ଟୁ ପରୀକ୍ଷା ଫଳ ପ୍ରକାଶନ ସମ୍ପର୍କରେ ଏପର୍ଯ୍ୟନ୍ତ କୌଣସି ଅଫିସିଆଲ୍ ତାରିଖ ଘୋଷଣା କରାଯାଇ ନାହିଁ। ଛାତ୍ରଛାତ୍ରୀମାନଙ୍କୁ ଏପରି ଭୁଲ ସୂଚନାର ଶିକାର ନ ହେବାକୁ ଅପିଲ କରି CHSEର ଜଣେ ବରିଷ୍ଠ ଅଧିକାରୀ କହିଛନ୍ତି, "ପ୍ରଚାରିତ ବିଜ୍ଞପ୍ତି ସମ୍ପୂର୍ଣ୍ଣ ଭିତ୍ତିହୀନ ଏବଂ ମିଥ୍ୟା। CHSE ଫଳାଫଳ ଘୋଷଣା ପାଇଁ କୌଣସି ତାରିଖ ପ୍ରକାଶ କରିନାହିଁ।"

ଲକ୍ଷ ଲକ୍ଷ ଛାତ୍ରଛାତ୍ରୀ ସେମାନଙ୍କ ଫଳାଫଳ ଅପେକ୍ଷା କରିଥିବା ବେଳେ CHSE ପୁଣି ଥରେ କେବଳ ଅଫିସିଆଲ୍ ସୂଚନା ଉପରେ ନିର୍ଭର କରିବାର ଗୁରୁତ୍ୱ ଦେଇଛି। ପରିଷଦ ଖୁବ୍ ଶୀଘ୍ର ନିଶ୍ଚିତ ଫଳାଫଳ ତାରିଖ ସହିତ ଏକ ସରକାରୀ ବିଜ୍ଞପ୍ତି ଜାରି କରିବ ବୋଲି ଆଶା କରାଯାଉଛି।

ସେପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କୁ ଶାନ୍ତ ରହିବା ଏବଂ ଗୁଜବରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି ଏବଂ ଯେକୌଣସି ଅଫିସିଆଲ୍ ଅପଡେଟ୍ ପାଇଁ ସରକାରୀ CHSE ଓଡ଼ିଶା ୱେବସାଇଟ୍ ଉପରେ ନଜର ରଖିବାକୁ ପରାମର୍ଶ ଦିଆଯାଇଛି।