୪ ଦିନ ପାଇଁ ଆର ଉଦୟଗିରି ସହର ସଟଡାଉନ୍

 ଆସନ୍ତା କାଲି ଠାରୁ ସଂପୂର୍ଣ୍ଣ ଆର ଉଦୟଗିରି ସହରକୁ ୪ ଦିନ ପାଇଁ ସଟଡାଉନ୍ ଘୋଷଣା କରିଛନ୍ତି ।

୪ ଦିନ ପାଇଁ ଆର ଉଦୟଗିରି ସହର ସଟଡାଉନ୍
ଫାଇଲ ଫଟୋ

ପ୍ରେମାନନ୍ଦ ପୂଜାରୀ, ମୋହନା : ଗଜପତି ଜିଲ୍ଲାର ଆର. ଉଦୟଗିରିର ସାରଳା ସାହି , ଗୌଡ଼ ସାହି ଓ ତେନ୍ତୁଳି ସାହି ପରି ତିନୋଟି ସାହି ଓ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରୁ କୋରୋନା ସଂକ୍ରମିତଙ୍କ ଚିହ୍ନଟ ହୋଇଥିଲା । ଯାହା ପରେ ଗତକାଲି(ରବିବାର)  ଜିଲ୍ଲା ପ୍ରଶାସନ ପକ୍ଷରୁ ଉକ୍ତ ଅଞ୍ଚଳକୁ ସିଲ କରିବା ସହ କଣ୍ଟେନମେଣ୍ଟ ଜୋନ ଘୋଷଣା କରାଯାଇଥିଲା । ଅନ୍ୟପକ୍ଷେ ବଢୁଥିବା ସଂକ୍ରମଣକୁ ରୋକିବା ପାଇଁ ଜିଲ୍ଲାପାଳ କ୍ଷମତା ପ୍ରୟୋଗ କଲେ ସ୍ଥାନୀୟ ସରପଞ୍ଚ ସଂଯୁକ୍ତା ପୁଜାରୀ । ଆସନ୍ତା କାଲି ଠାରୁ ସଂପୂର୍ଣ୍ଣ ଆର ଉଦୟଗିରି ସହରକୁ ୪ ଦିନ ପାଇଁ ସଟଡାଉନ୍ ଘୋଷଣା କରିଛନ୍ତି ।

ଅତ୍ୟାଶ୍ୟକୀୟ ସାମଗ୍ରୀ ଯଥା କ୍ଷୀର ଓ ଔଷଧକୁ ବାଦ ଦେଲେ ଅନ୍ୟ କୌଣସି ଦୋକାନ ଖୋଲାଯିବ ନାହଁ ବୋଲି ନିର୍ଦ୍ଦେଶ ଦେଇଛନ୍ତି । ଏଥି ସହ ବିଭିନ୍ନ କାର୍ଯ୍ୟାଳୟକୁ ଜରୁରୀ କାମରେ ଆସୁଥିବା ଲୋକଙ୍କୁ ସାମାଜିକ ଦୂରତା ବଜାୟ ରଖିବାକୁ ନିର୍ଦ୍ଦେଶ ଦେଇଛନ୍ତି । ଆର ଉଦୟଗିରି ସହରର ସାରଳା ସାହି, ଗୌଡ଼ ସାହି ଓ ତେନ୍ତୁଳି ସାହିରୁ ଶନିବାର ୬ ଜଣ କୋରୋନା ସଂକ୍ରମିତ ଚିହ୍ନଟ ପରେ ଉକ୍ତ ସାହିକୁ ୭ଦିନ ପାଇଁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । ଏହା ସହ ସ୍ଥାନୀୟ ମେଡିକାଲରୁ ଜଣେ ଡାକ୍ତର ଓ ମେଡିକାଲ କର୍ମଚାରୀ ଏବଂ ପୋଲିସ ଡ୍ରାଇଭର କୋରାନା ଆକ୍ରାନ୍ତ ହୋଇଥିବା ଜଣାପଡିବା ପରେ ଆର ଉଦୟଗିରି ମେଡିକାଲ ସମେତ ଥାନାକୁ ମଧ୍ୟ୍ୟ ବ୍ୟାରିକେଟ ବାନ୍ଧି ସିଲ କରାଯାଇଛି । ଯାତାୟତ ଉପରେ କଟକଣା ଲାଗୁ କରିବା ସହ ସହରର ସମସ୍ତ ଜନସାଧାରଣ ଏହାକୁ ପାଳନ କରିବା ପାଇଁ ନିବେଦନ କରିଛନ୍ତି ।