ସହରରେ ବୁଲୁଛନ୍ତି କୋରୋନା ଆକ୍ରାନ୍ତ

ସୁଜିତ ବିଷୋୟୀ, ପାରଳାଖେମୁଣ୍ଡି: ମାର୍କେଟରେ ଖୋଲାରେ ବୁଲୁଛନ୍ତି କୋରୋନା ସଂକ୍ରମିତ।  ପାରଳାଖେମୁଣ୍ଡି ସହରରେ ଘୁରି ବୁଲୁଛନ୍ତି କୋରୋନା ଆକ୍ରାନ୍ତ । ହାଇଦ୍ରାବାଦ ଫେରନ୍ତା ଦୁଇ ପ୍ରବାସୀ ପଜୋଟିଭ ଚିହ୍ନଟ ହେବା ପରେ ନିଜ ଜିଲ୍ଲାରେ ଚିକିତ୍ସା ପାଇଁ ଏକ ସ୍ୱତନ୍ତ୍ର ଗାଡ଼ିରେ ଚାଲିଆସିଲେ ପାରଳାଖେମୁଣ୍ଡି । ସେଠାରୁ ସିଧା ଗଜପତି ଜିଲ୍ଲା ଆର ସିତାପୁର ସ୍ଥିତ ଭାରତମାତା ହୋଷ୍ଟେଲ ପରିସରରେ ଥିବା କୋଭିଡ ହସ୍ପିଟାଲକୁ ଯାଇଥିଲେ । କିନ୍ତୁ ସେଠାରେ କାର୍ଯ୍ୟରତ କର୍ମଚାରୀ ଭିତରେ ପ୍ରବେଶ ଅନୁମତି ନଦେଇ ତାଙ୍କୁ ଫେରାଇ ଦେଇଥିଲେ । 

ପରେ ଥାନାର ସହାୟତା ପାଇଁ ସହର ମଧ୍ୟରେ ପ୍ରବେଶ କଲେ । ଦୁଇ ଡ୍ରାଇଭର ଗଲେ ଖାଇବାକୁ ସହର ମଧ୍ୟକୁ।  ପରେ ସ୍ୱା ସ୍ଥ୍ୟ ବିଭାଗର ସାହାଯ୍ୟ ଲୋଡି ସହର ଭିତରେ ଘୁରି ବୁଲିଲେ ଆକ୍ରାନ୍ତ । ଖବର ପାଇ ଆକ୍ରାନ୍ତଙ୍କ ସମ୍ପର୍କୀୟ ସ୍ୱାସ୍ଥ୍ୟ ବିଭାଗର ଅଧିକାରୀ ମାନଙ୍କ ସହ ଯୋଗାଯୋଗ କରିବା ପରେ ପୁଣି ହସ୍ପିଟାଲକୁ ଯାଇଥିଲେ ଆକ୍ରାନ୍ତ । ଦୀର୍ଘ ସମୟ ଧରି ଅପେକ୍ଷା କରିବା ପରେ ଖବର ପାଇ ସେମାନଙ୍କୁ ପୁଣି କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିବା କହିଛନ୍ତି ଜିଲ୍ଲା ମୂଖ୍ୟ ଚିକିତ୍ସାଧିକାରୀ । କିନ୍ତୁ  ବାହାରେ ବୁଲୁଥିବା ଅଞ୍ଚଳ ଓ ହୋଟେଲକୁ ଚିହ୍ନଟ କରି ସାନିଟାଇଜ କରିବା ଆବଶ୍ୟକ ରହିଛି ।