International Trade Fraud:ଆମେରିକାରେ ବସି ଦୁନିଆକୁ ଠକୁଥିବା ଭାରତୀୟ ଅଳଙ୍କାର ବ୍ୟବସାୟୀ

International Trade Fraud: ଭାରତୀୟ-ଆମେରିକୀୟ ଅଳଙ୍କାର ବ୍ୟବସାୟୀଙ୍କ ବିରୋଧରେ ଲକ୍ଷ ଲକ୍ଷ ଡଲାରର  ଠକେଇ ଅଭିଯୋଗ ହୋଇଛି। ଏହି ଭାରତୀୟଙ୍କ  ନାମ ହେଉଛି ମୋନିଶ କୁମାର କିରଣ କୁମାର ଦୋସି ଶାହା । ବୟସ ୩୯ ବର୍ଷ । ବିନା ଲାଇସେନ୍ସରେ ଆମେରିକାକୁ ସେ ଲକ୍ଷ ଲକ୍ଷ ଡଲାର ମୂଲ୍ୟର ଅଳଙ୍କାର ଆମଦାନି କରିଥିବା ଅଭିଯୋଗ ହୋଇଛି ।  ସେ ଏହି କାମକୁ ଏତେ ସଫେଇର ସହ କରୁଥିଲେ ଯେ ପୋଲିସକୁ ଏହା ଜାଣିବାକୁ ୯ ବର୍ଷ ସମୟ ଲାଗିଥିଲା ଗତ ସପ୍ତାହରେ ମୋନିଶ କୁମାରଙ୍କୁ ଗିରଫ କରାଯାଇଥିଲା ଏବଂ ଫେବୃଆରୀ ୨୬ ରେ ଆମେରିକାର ମାଜିଷ୍ଟ୍ରେଟ ଜଜ ଆଣ୍ଡ୍ରେ ଏମ ଏସପିନୋସାଙ୍କ ନିକଟରେ ତାଙ୍କୁ ହାଜର କରାଯାଇଥିଲା । ତେବେ ତାଙ୍କୁ ପରେ  ୧ଲକ୍ଷ ଆମେରିକୀୟ ଡଲାର ବଣ୍ଡରେ ମୁକ୍ତ କରାଯାଇଥିଲା।

ମୋନିଶ କୁମାର କେମିତି ଧରା ପଡିଲେ ?

ଜାନୁଆରୀ ୨୦୧୫ ରୁ ସେପ୍ଟେମ୍ବର ୨୦୨୩ ପର୍ଯ୍ୟନ୍ତ ମୋନିଶ କୁମାର ଏହି ବେଆଇନ ବ୍ୟବସାୟ କରୁଥିଲେ। ତୁର୍କୀ ଏବଂ ଭାରତରୁ ଆମେରିକାକୁ ଅଳଙ୍କାର ପଠାଇବାରେ କିପରି ବର୍ହିଶୁଳ୍କ ଦେବାକୁ ପଡିବନି ସେନେଇ ମନିଶ ଚକ୍ରାନ୍ତ କରିଥିଲା । ବର୍ହିଶୁଳ୍କ ବା ଡ୍ୟୁଟି ମାରିବା ପାଇଁ  ଶାହା ଭାରତ ଓ ତୁର୍କିରୁ ଦକ୍ଷିଣ କୋରିଆ ମାଲ ପଠାଉଥିଲା । ସେଠାରେ ତା’ର ସାଥି ଅଳଙ୍କାରରେ ଥିବା ଲେବଲ୍ ବଦଳାଇ ଦେଉଥଇଲେ । ଅଳଙ୍କାରରେ ଦକ୍ଷୀଣ କୋରିଆ ଲେବଲ ଲଗାଇ ତାକୁ ଆମେରିକା ପଠାଉଥିଲେ । ଏମିତି କରି ମନିଶ କୁମାର ଟିକସ ଚୋରି କରୁଥିଲା ।

ବିନା ପଂଜୀକରଣରେ କମ୍ପାନୀ

ଜୁଲାଇ ୨୦୨୦ ରୁ ନଭେମ୍ବର ୨୦୨୧ ପର୍ଯ୍ୟନ୍ତ, ଶାହା ନ୍ୟୁୟର୍କ ସହରର ଡାଇମଣ୍ଡ୍ ଡିଷ୍ଟ୍ରିକ୍ଟରେ ଅନେକ ଗହଣା କମ୍ପାନୀ ପରିଚାଳନା କରିଥିଲେ ।  MKore LLC, MKore USA Inc. ଭଳି କମ୍ପାନୀକୁ ସେ ବିନା ପଂଜୀକରଣରେ ଚଲାଉଥିଲେ । ଗ୍ରାହକମାନଙ୍କଠାରୁ ନଗଦ ସଂଗ୍ରହ କରିବା ଏବଂ ନଗଦକୁ ଇଲେକ୍ଟ୍ରୋନିକାଲି ସ୍ଥାନାନ୍ତର କିମ୍ବା ଚେକ୍ ଜରିଆରେ ପଠାଇବାକୁ ସେ ଏହି କଂପାନୀଗୁଡ଼ିକୁ ବ୍ୟବହାର କରିଥିଲେ ବୋଲି ଡକ୍ୟୁମେଣ୍ଟରେ ଦର୍ଶାଯାଇଛି। ତଦନ୍ତରୁ ଜଣା ପଡିଛି ଯେ, ଦିନେଦିନେ  ଶାହା ଏବଂ ତାଙ୍କ ସହଯୋଗୀମାନେ ଗୋଟିଏ ଦିନରେ ଏକ ମିଲିୟନ ଡଲାରରୁ ଅଧିକ ନଗଦ ଟ୍ରାନ୍ସଫର କରିଥିଲେ । ମୋନିଶ ଶାହାର କୌଣସି କଂପାନୀ ନ୍ୟୁୟର୍କ, ନ୍ୟୁ ଜର୍ସି କିମ୍ବା ଆର୍ଥିକ ଅପରାଧ ଏନଫୋର୍ସମେଣ୍ଟ ନେଟୱାର୍କରେ ପଞ୍ଜିକୃତ ହୋଇନଥିଲେ।