ଝାରସୁଗୁଡ଼ାରେ କୁନି ଭାଇ-ଭଉଣୀଙ୍କୁ କୋରୋନା

ଝାରସୁଗୁଡ଼ା: ଜିଲ୍ଲାରେ ପୂର୍ବରୁ ୨ ଆକ୍ରାନ୍ତ ଚିହ୍ନଟ ହୋଇଥିଲେ । ଏବେ ସେମାନେ ସୁସ୍ଥ ହୋଇସାରିଲେଣି । ତେବେ ଏହାରି ଭିତରେ ଅନ୍ୟ ୩ ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ଆକ୍ରାନ୍ତଙ୍କ ସଂଖ୍ୟା ୫କୁ ବୃଦ୍ଧି ପାଇଛି । ନୂଆ ମାମଲା ମଧ୍ୟରେ ଦୁଇ ଜଣ ସମ୍ପର୍କରେ ଭାଇ-ଭଉଣୀ । ଭାଇର ବୟସ ୫ ବର୍ଷ ହୋଇଥିବା ବେଳେ ଏକ ବର୍ଷୀୟ ଶିଶୁ(ଭଉଣୀ) ମଧ୍ୟ କୋରୋନା ପଜିଟିଭ ବୋଲି ଜଣାପଡ଼ିଛି । ସେହିପରି ମହାରାଷ୍ଟ୍ର ଫେରନ୍ତା ଜଣେ ୪୦ ବର୍ଷୀୟ ଯୁବକ ମଧ୍ୟ କୋରୋନା ଆକ୍ରାନ୍ତ ବୋଲି ସ୍ପଷ୍ଟ ହୋଇଛି । ଝାରସୁଗୁଡ଼ା ପ୍ରଶାସନ ପକ୍ଷରୁ ଏନେଇ ସୂଚନା ଦିଆଯାଇଛି । 

Two more asymptomatic cases are tested COVID positive.
1-One year old girl child is of the same family of Mangal Bazar, Jharsuguda. The family is in home quarantine and under our constant vigilance
2-A forty year old male,returnee from Maharashtra is institutionally quarantined pic.twitter.com/4rdYcnipYl

— DM_Jharsuguda (@dm_jharsuguda) May 22, 2020

ଯାହା ଜଣାପଡ଼ିଛି, ୨ ଆକ୍ରାନ୍ତ(ଭାଇ-ଭଉଣୀ) ଝାରସୁଗୁଡ଼ା ମଙ୍ଗଳବଜାର ଅଞ୍ଚଳର । ସେମାନେ ସପରିବାର ଗତ ୧୬ ତାରିଖରେ ଆଗ୍ରାରୁ ଫେରିଥିଲେ । ତେବେ ପରିବାରର ସମସ୍ତ ସଦସ୍ୟଙ୍କୁ ହୋମ୍ କ୍ୱାରେଣ୍ଟାଇନରେ ରଖାଯାଇଥିଲା । ପରେ ତାଙ୍କର ସ୍ୱାବ ପରୀକ୍ଷା ହୋଇଥିଲା । ପ୍ରଥମେ ପରିବାରର ୫ ବର୍ଷୀୟ ଶିଶୁ କୋରୋନା ଆକ୍ରାନ୍ତ ବୋଲି ଜଣାପଡ଼ିଥିଲେ । ଆଉ ଏହାର କିଛି ସମୟ ପରେ ହିଁ ଆକ୍ରାନ୍ତଙ୍କ ଭଉଣୀ(୧ ବର୍ଷୀୟ ଶିଶୁକନ୍ୟା)ଙ୍କ ଠାରେ ମଧ୍ୟ ଏହି ଭାଇରସ୍ ଠାବ ହୋଇଛି । ତେବେ କୋରୋନା ଆକ୍ରାନ୍ତ ଉଭୟ ଭାଇ-ଭଉଣୀଙ୍କ ହୋମ ଆଇସୋଲେସନରେ ରଖି ଚିକିତ୍ସା ଯୋଗାଇ ଦିଆଯାଉଥିବା ଜଣାପଡ଼ିଛି । ସେହିପରି ମହାରାଷ୍ଟ୍ର ଫେରନ୍ତା ଆକ୍ରାନ୍ତ ଜଣକ କ୍ୱାରେଣ୍ଟାଇନ ସେଣ୍ଟରରୁ ହିଁ ଚିହ୍ନଟ ହୋଇଛନ୍ତି । ଫଳରେ ଗୋଷ୍ଠୀ ସଂକ୍ରମଣର ଆଶଙ୍କା ନାହିଁ । 

A very small part of Mangal Bazar and the TMC at DAV School, Hill Top, Brajarajnagar are hereby declared as zones of containment. There may be a little inconvenience for few resident families of Mangal Bazar, Jharsuguda. pic.twitter.com/YlvBLyH0qc

— DM_Jharsuguda (@dm_jharsuguda) May 22, 2020

ଅନ୍ୟପଟେ ଜିଲ୍ଲାରେ ପୁଣି ୩ ନୂଆ ମାମଲା ଆସିବା ପରେ ସତଦର୍କତାମୂଳକ ପଦକ୍ଷେପ ନେଇଛି ଜିଲ୍ଲା ପ୍ରଶାସନ । ମଙ୍ଗଳବାଜାରର କିଛି ଅଂଶ ଏବଂ DAV ସ୍କୁଲ ହିଲଟପ କଲୋନୀ ବ୍ରଜରାଜନଗର ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଛି । ଝାରସୁଗୁଡ଼ା ଜିଲ୍ଲାପାଳ ଏନେଇ ଟ୍ୱିଟର ମାଧ୍ୟମରେ ସୂଚନା ଦେଇଛନ୍ତି ।