ଆଜିଠୁ ବିମାନ ସେବା ଆରମ୍ଭ, ଝାରସୁଗୁଡ଼ାକୁ ଆସିବାକୁ ଥିବା ଦୁଇ ଫ୍ଲାଇଟ ବାତିଲ

ଝାରସୁଗୁଡ଼ା: ଦୀର୍ଘ ଦୁଇ ମାସ ପରେ ଦେଶରେ ପୁଣିଥରେ ଆରମ୍ଭ ହୋଇଛି ଘରୋଇ ବିମାନ ସେବା । ଆନ୍ଧ୍ରପ୍ରଦେଶ ଓ ପଶ୍ଚିମବଙ୍ଗକୁ ଛାଡ଼ି ଅନ୍ୟ ସମସ୍ତ ରାଜ୍ୟରେ ଆଜିଠୁ ଘରୋଇ ବିମାନ ସେବା ଆରମ୍ଭ ହେଉଛି । ଓଡ଼ିଶାର ଭୁବନେଶ୍ୱର ଅନ୍ତର୍ଜାତୀୟ ବିମାନ ବନ୍ଦର ସହ ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନ ବନ୍ଦର ମଧ୍ୟ ଖୋଲିଛି । ନୂତନ ସରକାରୀ ଗାଇଡ୍ ଲାଇନ ସହ ଉଭୟ ବିମାନ ବନ୍ଦରରେ ବିମାନ ସେବା ଆରମ୍ଭ ହେବାକୁ ଯାଉଛି । 

ତେବେ ଝାରସୁଗୁଡ଼ା ବିମାନ ବନ୍ଦରରେ ଦୁଇ ଫ୍ଲାଇଟକୁ ବାତିଲ କରାଯାଇଛି । କଲିକତାରୁ ଆସିବାକୁ ଥିବା ପ୍ରଥମ ଫ୍ଲାଇଟ ଏବଂ ଭୁବନେଶ୍ୱରରୁ ଆସିବାକୁ ଥିବା ଦ୍ୱିତୀୟ ଫ୍ଲାଇଟ ବାତିଲ ହୋଇଛି । ଅନ୍ୟପଟେ ହାଇଦ୍ରାବାଦକୁ ସ୍ୱାଭାବିକ ସମୟରେ ବିମାନ ଚାଲିବ । ସେହିପରି ଦେଶର ରାଜଧାନୀ ଦିଲ୍ଲୀକୁ ମଧ୍ୟ ଠିକ୍ ସମୟରେ ବିମାନ ଉଡ଼ାଣ ଭରିବ ବୋଲି ଜଣାପଡ଼ିଛି ।