• ତପନ ଚାନ୍ଦ ବେଦାନ୍ତ କମ୍ପାନିର ଆବାସିକ ନିର୍ଦେଶକ ନିଯୁକ୍ତ
  • ୨୧ ବର୍ଷ ପରେ ଭାରୋତ୍ତୋଳନରେ ଭାରତକୁ ଅଲିମ୍ପିକ ପଦକ
  • ମହିଳା ୪୯ କେଜି ବର୍ଗରେ ମୀରାବାଈ ଚାନୁଙ୍କୁ ରୌପ୍ୟ ପଦକ
  • ମୀରାବାଈ ଚାନୁଙ୍କୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦି
  • ତୀରନ୍ଦାଜି ମିକ୍ସଡ ରିକର୍ଭ କ୍ବାର୍ଟର ଫାଇନାଲରେ ଦୀପିକା କୁମାରୀ ଓ ପ୍ରବୀଣ ଯାଦବ ପରାସ୍ତ
  • ଗତ ୨୪ ଘଣ୍ଟାରେ ଦେଶରେ ୩୯,୦୯୭ ନୂଆ କୋରୋନା ମାମଲା ଚିହ୍ନଟ, ୫୪୬ ମୃତ
  • ରାଜ୍ୟରେ ଦିନକରେ ଆଉ ୧୮୬୪କୋରୋନା ଆକ୍ରାନ୍ତ ଚିହ୍ନଟ, ୬୮ ମୃତ
  • ଚତୁର୍ଥ ପର୍ଯ୍ୟାୟ ଜାତୀୟ ସେରୋ ସର୍ଭେର ଓଡ଼ିଶା ରିପୋର୍ଟ
  • ୬୫.୧୨% ସାଧାରଣ ଲୋକ, ୮୫.୫୩% ସ୍ବାସ୍ଥ୍ୟକର୍ମୀଙ୍କ ଦେହରେ ଅଛି ଆଣ୍ଟିବଡି
  • ଗଞ୍ଜାମ ଜିଲ୍ଲାରେ ସର୍ବାଧିକ ୭୦.୯% ଲୋକଙ୍କ ଦେହରେ ଆଣ୍ଟିବଡି

ମନ ମୋହୁଛି ଫଗୁଣ ମାସରେ ପେନ୍ଥା ପେନ୍ଥା ବଉଳ

ଫଗୁଣ ମାସରେ ଆମ୍ବ ଗଛରେ ଝୁଲୁଛି ପେନ୍ଥାପେନ୍ଥା ବଉଳ,  ଯାହା ସମ୍ପୂର୍ଣ୍ଣ ପରିବେଶକୁ ମହକାଇ ଦେଉଛି । ଏ ଦୃଶ୍ୟ ଅତ୍ୟନ୍ତ ମନୋରମ ଓ ହୃଦୟସ୍ପର୍ଶୀ।

ମନ ମୋହୁଛି ଫଗୁଣ ମାସରେ ପେନ୍ଥା ପେନ୍ଥା ବଉଳ

ବିକାଶ କୁମାର ଷଡ଼ଙ୍ଗୀ, କଳାହାଣ୍ଡି: ଋତୁରାଜ ବସନ୍ତର ଆଗମନରେ ପ୍ରକୃତି ପ୍ରାଣରେ ଭରି ଉଠିଛି ନବ ଉନ୍ମାଦନା। ବସନ୍ତର ମଳୟ ପ୍ରକୃତିକୁ କରୁଛି ରୋମାଞ୍ଚିତ । ପତ୍ରଝଡା ପରେ ପରେ ବୃକ୍ଷରାଜି ଧାରଣ କରୁଛନ୍ତି ନବପଲ୍ଲବ । ଫଗୁଣ ମାସରେ ଆମ୍ବ ଗଛରେ ଝୁଲୁଥିବା ବଉଳ ନିଜକୁ ପ୍ରସ୍ତୁତ କରୁଛନ୍ତି ପୁଷ୍ପବତୀ ଫଳବତୀ କରିବାକୁ । 

ଫଗୁଣ ମାସରେ ଆମ୍ବ ଗଛ (Mango Tree) ରେ ଝୁଲୁଛି ପେନ୍ଥାପେନ୍ଥା ବଉଳ,  ଯାହା ସମ୍ପୂର୍ଣ୍ଣ ପରିବେଶକୁ ମହକାଇ ଦେଉଛି । ଏ ଦୃଶ୍ୟ ଅତ୍ୟନ୍ତ ମନୋରମ ଓ ହୃଦୟସ୍ପର୍ଶୀ। ବଉଳ ଆଣିଦେଉଛି ଭାବୁକ ମନରେ ଭାବନା । ଏସବୁ ଭିତରେ ସବୁଠୁ ବେଶି ଦୃଷ୍ଟି ଆକର୍ଷଣ କରୁଛି ଆମ୍ବବଉଳ। ବଉଳର ବାସ୍ନାରେ ମହକୁଛି ଚତୁର୍ଦ୍ଦିଗ । ଆମ୍ବ ବଉଳର ବାସ୍ନା ସାଙ୍ଗକୁ କୋଇଲିର କୁହୁକୁହୁ ସ୍ୱର ଆନମନା କରୁଛି ଅବାଳ ବୃଦ୍ଧବନିତାଙ୍କୁ । ବାଟରେ ଯାଉଥିବା ପଥିକଟିଏ ବି ଘଡ଼ିଏ ଅଟକି ଯାଉଛି । କବି (Poet) ଲେଖନୀରୁ ଝରିପଡୁଛି କବିତା। ଏହା ଖାଲି ମଣିଷ ନୁହେଁ, ପଶୁପକ୍ଷୀ ଜୀବଜନ୍ତୁ ପ୍ରାଣରେ ବି ଭରିଦେଉଛି ରୋମାଞ୍ଚ ଓ ଉନ୍ମାଦନା । ଏମିତି ପରିବେଶରେ କବିର ଲେଖନୀରୁ ଆପେଆପେ ଝରିପଡେ କବିତାର (Poetry) ଧାରା।

Also Read: ଟଳିଲା ବର୍ଷା ଭୟ, ରାଜ୍ୟକୁ ଘେରିବ କୁହୁଡି ବଳୟ

କ୍ଳାନ୍ତି ଦୂର ପାଇଁ ବାଟୋଇ ଟିଏ ଗଛ ମୂଳେ କ୍ଷଣକ ଟିଏ ବସିପଡିଲେ ମନରେ ଆସିଯାଏ ଅସୁମାରୀ ଶାନ୍ତି । ଆମ୍ବ ବଉଳକୁ ତାଳ ଦେଈ କୋଇଲିର କୁହୁକୁହୁ ତାନ ବାଟୋଇକୁ ଆହୁରି ରୋମାଞ୍ଚିତ କରେ। କୋଇଲିର ପଞ୍ଚମ ରାଗିଣୀ ତା ମନରେ କୁକୁମ ଲେପେ। ମନେପଡ଼ିଯାଏ ପିଲାବେଳ (Child Hood Memory) ର କିଛି ସ୍ମୃତି । କିଛି ସମୟ ପାଇଁ ଭୁଲି ହୋଇଯାଏ ସବୁ ଦୁଃଖ ଯନ୍ତ୍ରଣା । ଜୀବନର ଦୁଃଖ, ନୈରାଶ୍ୟ, ହତାଶା ତଥା ସ୍ବପ୍ନଭଙ୍ଗ ଜୀବନରେ ଆମ୍ବ ବଉଳର ବାସ୍ନା ଯେ ବଞ୍ଚିବାର ଉନ୍ମାଦନା ଯୋଗେଇ ଦେବାରେ ସମର୍ଥ, ଏକଥାକୁ କେହି ଅସ୍ବୀକାର କରି ପାରିବେନି।

Edited: Zee Odisha Desk