ଅଲୋଡ଼ା ନବଜାତ, ଜଙ୍ଗଲରେ କଇଁ କଇଁ ଶବ୍ଦ

ଅଭୟ ମହାନ୍ତି, କେନ୍ଦୁଝର: ପୁଣି ଅଲୋଡା ହେଲା ଶିଶୁପୁତ୍ର । ସଦର ଥାନା ପୋଟଳ ଗାଁ ନିକଟ ଜଙ୍ଗଲରେ ନବଜାତ ଶିଶୁ ପୁତ୍ରକୁ ଛାଡ଼ି ଚାଲି ଗଲା ମା । ଶିଶୁର କାନ୍ଦ ଶୁଣି ଗାଁ ଲୋକେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । କିଏ ଓ କାହିଁକି ଏଠାରେ ଛାଡ଼ି ଚାଲି ଯାଇଛି, ତାହା ଜଣାପଡ଼ିନାହିଁ । ପୋଲିସ ତଦନ୍ତ ଆରମ୍ଭ କରିଛି । 

ଯାହା ଜଣାପଡ଼ିଛି, ନବଜାତ ଶିଶୁପୁତ୍ରଟିକୁ ଗୁରୁତର ରହିଛି । କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ତାକୁ ଭର୍ତ୍ତି କରାଯାଇଛି । ଏବେ ଗୁରୁତର ଶିଶୁକୁ ଆଇସିୟୁରେ ରଖାଯାଇଛି । 

କହିରଖୁଛୁ, ଗୁରୁବାର ଦିନ ମଧ୍ୟ ଏଭଳି ଏକ ଶିଶୁପୁତ୍ର ଟାଉନ ଥାନାର ସିଲୁଆ ଗ୍ରାମରୁ ଉଦ୍ଧାର କରାଯାଇଥିଲା । ପ୍ରଶ୍ନ ଉଠୁଛି, ଯେଉଁ ମାଆ ନିଜ ଗର୍ଭରେ ଶିଶୁଟିକୁ ରଖି ଜନ୍ମ ଦେଉଛି, ପରେ କେଉଁ ପରିସ୍ଥିତିରେ ଏମିତି ପକେଇଦେଉଛି ?