ଆସନ୍ତା ୩ ଦିନରେ ସାରନ୍ତୁ ବ୍ୟାଙ୍କ କାମ, ନ ହେଲେ ବଢିବ ଟେନସନ୍!

ଏପ୍ରିଲ ମାସରେ ବ୍ୟାଙ୍କଗୁଡିକ ୧୨ ଦିନ ବନ୍ଦ ରହିବ। ଏହି ମାସରେ କେବଳ ୧୮ ଦିନ ବ୍ୟାଙ୍କ କାମ ହେବ। ତେବେ ଏହି ସମସ୍ତ ଛୁଟି ସମସ୍ତ ଶାଖାରେ କାର୍ଯ୍ୟକାରୀ ହେବ ନାହିଁ।

Written By Shankarshan Bagh|Edited By: Zee Odisha Desk|Last Updated: Mar 24, 2021, 04:34 PM IST

ପ୍ରତିକାତ୍ମକ ଫଟୋ

ନୂଆଦିଲ୍ଲୀ: ଲଗାତାର ସରକାର ବ୍ୟାଙ୍କ ଗୁଡିକ ଝଟକା ଦେଉଥିବାବେଳେ ବ୍ୟାଙ୍କ, ତାର କଷ୍ଟମରଙ୍କ ଟେନସନ ବଢାଉଛି। ଆସନ୍ତା ସପ୍ତାହରେ ମାତ୍ର ୨ ଦିନ ବ୍ୟାଙ୍କ ଖୋଲା ରହିବ। ତେଣୁ ଯଥାଶୀଘ୍ର ଗ୍ରାହକମାନେ ନିଜ ନିଜର ବ୍ୟାଙ୍କ କାମ ସରାନ୍ତୁ। ହୋଲି ସହ ବିଭିନ୍ନ ଛୁଟି କାରଣରୁ ଏକ ଲମ୍ବା ସମୟ ପାଇଁ ବ୍ୟାଙ୍କ ବନ୍ଦ ରହିବ।

ଆସନ୍ତା ଶନିବାର ଠାରୁ ବ୍ୟାଙ୍କ ଛୁଟି (Bank Holidays) ଆରମ୍ଭ ହେଉଛି। ମାର୍ଚ୍ଚ ୨୭ ଚତୁର୍ଥ ଶନିବାର ପଡୁଥିବାରୁ ରିଜର୍ଭ ବ୍ୟାଙ୍କ (RBI) ର ଗାଇଡଲାଇନ ଅନୁସାରେ ବ୍ୟାଙ୍କ ଛୁଟି ରହିବ। ଏହା ପରେ ରବିବାର ଛୁଟିଦିନ। ହୋଲି ପାଇ ମାର୍ଚ୍ଚ ୩୦ ତାରିଖ ଛୁଟି ରହୁଥିବାବେଳେ ୩୦ ତାରିଖରେ କେବଳ ପାଟନା (Patna) ରେ ବ୍ୟାଙ୍କ ବନ୍ଦ ରହିବ ଏବଂ ଦେଶର ଅନ୍ୟ ଅଞ୍ଚଳରେ ସେବା ମିଳିବ।

Also Read: ଖୁବଶୀଘ୍ର ଶସ୍ତା ହେବ ପେଟ୍ରୋଲ-ଡିଜେଲ ଦାମ, ଜାଣନ୍ତୁ କଣ କହିଲେ ଅର୍ଥମନ୍ତ୍ରୀ?

Add Zee News as a Preferred Source

ମାର୍ଚ୍ଚ ୩୧ ତାରିଖ ୨୦୨୦-୨୧ ଆର୍ଥିକ ବର୍ଷର ଶେଷ ଦିନ ତେଣୁ ସେହି ଦିନ ବ୍ୟାଙ୍କ ବନ୍ଦ ରହିବ। ଏପ୍ରିଲ ୧ ବ୍ୟାଙ୍କ ଗୁଡିକ ନିଜର ଆକାଉଣ୍ଟର କ୍ଲୋଜିଂ କରିବେ, ସେଥିପାଇଁ ଏହି ଦିନ ମଧ୍ୟ ବ୍ୟାଙ୍କରେ ଗ୍ରାହକଙ୍କ କାମ ହେବ ନାହିଁ। ଏହାପରେ ଏପ୍ରିଲ ୨ରେ ଗୁଡଫ୍ରାଇଡେ ପାଇଁ ବ୍ୟାଙ୍କ ଛୁଟି ରହିବ। ଏପ୍ରିଲ ୩ ତାରିଖ ଗୋଟିଏ ଦିନ ବ୍ୟାଙ୍କ ଖୋଲା ରହିବା ପରେ ପୁଣି ଥରେ ଏପ୍ରିଲ ୪ ତାରିଖରେ ରବିବାର ପଡୁଥିବାରୁ ଛୁଟି ରହିବ।

ସେହିପରି ଏପ୍ରିଲ ମାସରେ ବ୍ୟାଙ୍କଗୁଡିକ ୧୨ ଦିନ ବନ୍ଦ ରହିବ। ଏହି ମାସରେ କେବଳ ୧୮ ଦିନ ବ୍ୟାଙ୍କ କାମ ହେବ। ତେବେ ଏହି ସମସ୍ତ ଛୁଟି ସମସ୍ତ ଶାଖାରେ କାର୍ଯ୍ୟକାରୀ ହେବ ନାହିଁ।