ICICI Bank latest news: ବ୍ୟାଙ୍କ ଅନୁଯାୟୀ ସମସ୍ତ ଆର୍ଥିକ କାରବାର ମାଗଣା ଅଟେ । ଏବଂ ଅଣ-ଆର୍ଥିକ କାରବାରରେ ବାଲାନ୍ସ ଯାଞ୍ଚ, ମିନି ଷ୍ଟେଟମେଣ୍ଟ ଏବଂ ପିନ୍ ପରିବର୍ତ୍ତନ ଇତ୍ୟାଦି ଅନ୍ତର୍ଭୁକ୍ତ ।
Trending Photos
ନୂଆଦିଲ୍ଲୀ: ଦେଶର ବେସରକାରୀ ବ୍ୟାଙ୍କ ଆଇସିଆଇସିଆଇ (ICICI bank) ଘୋଷଣା କରିଛି ଯେ ୦୧ ଜାନୁୟାରୀ ୨୦୨୨ ରୁ ସେଭିଂ ଆକାଉଣ୍ଟରେ (Savings account) ସେବା ଚାର୍ଜ ବଦଳାଇବାକୁ ଯାଉଛି । ଏହି ବ୍ୟାଙ୍କ ୧ ଜାନୁଆରୀରୁ ଘରୋଇ ସେଭିଂ ଆକାଉଣ୍ଟଧାରୀଙ୍କ ସହ ଜଡିତ ଏଟିଏମ୍ କାରବାର ଚାର୍ଜରେ ପରିବର୍ତ୍ତନ ଘୋଷଣା କରିଛି ।
ICICI Bank ଏଟିଏମ୍ / କ୍ୟାଶ୍ ରିସାଇକ୍ଲର୍ ମେସିନ୍ (ନଗଦ ପ୍ରତ୍ୟାହାର) ରେ କାରବାର ପାଇଁ ଏକ ମାସରେ ପ୍ରଥମ ୫ ଟି କାରବାର ମାଗଣା । ଏହା ପରେ କାରବାର ପାଇଁ ୨୦ ଟଙ୍କା ଆଦାୟ କରାଯାଏ । ଯଦିଓ ଏଟିଏମ୍ କାରବାର ଚାର୍ଜରେ ପରିବର୍ତ୍ତନ ପରେ, ଗୋଟିଏ ମାସରେ ପ୍ରଥମ ୫ ଟି କାରବାର ବିନା ମୂଲ୍ୟରେ ହେବ; ଏହା ପରେ ଆର୍ଥିକ କାରବାର ପାଇଁ ୨୧ ଟଙ୍କା ଆଦାୟ କରାଯିବ ।
କଣ ହୋଇଛି ନୂଆ ପରିବର୍ତ୍ତନ?
ବ୍ୟାଙ୍କ ଅନୁଯାୟୀ, ସମସ୍ତ ଅଣ-ଆର୍ଥିକ କାରବାର ମାଗଣା ଅଟେ । ଆର୍ଥିକ କାରବାରରେ ନଗଦ ପ୍ରତ୍ୟାହାର ଏବଂ ଅଣ-ଆର୍ଥିକ କାରବାରରେ ବାଲାନ୍ସ ଯାଞ୍ଚ, ମିନି ଷ୍ଟେଟମେଣ୍ଟ ଏବଂ ପିନ୍ ପରିବର୍ତ୍ତନ ଇତ୍ୟାଦି ଅନ୍ତର୍ଭୁକ୍ତ ।
୬ ଟି ମେଟ୍ରୋ ସହରରେ (ମୁମ୍ବାଇ, ନୂଆଦିଲ୍ଲୀ, ଚେନ୍ନାଇ, କୋଲକାତା, ବେଙ୍ଗାଲୁରୁ ଏବଂ ହାଇଦ୍ରାବାଦ) ପ୍ରଥମ ମାସରେ ୩ ଟି କାରବାର (ଆଇସିଆଇସିଆଇ ବ୍ୟାଙ୍କ ବ୍ୟତୀତ ଏଟିଏମରେ କାରବାର) ମାଗଣା ଅଟେ । ଅନ୍ୟ ସମସ୍ତ ସହରରେ ଏକ ମାସରେ ପ୍ରଥମ ୫ ଟି କାରବାର (ଆର୍ଥିକ ଏବଂ ଅଣ-ଆର୍ଥିକ ଅନ୍ତର୍ଭୁକ୍ତ) ମାଗଣା ଅଟେ ।
ଗୋଟିଏ ମାସରେ ସର୍ବାଧିକ ୫ ଟି କାରବାର ମାଗଣା, ୬ ଟି ମେଟ୍ରୋ ସହରରେ ୩ ଟି ମାଗଣା କାରବାରର ସୀମା ଅଛି । ଏହା ପରେ, ଆର୍ଥିକ କାରବାର ପାଇଁ ୨୦ ଟଙ୍କା ଏବଂ ଅଣ-ଆର୍ଥିକ କାରବାର ପାଇଁ ୮.୫୦ ଟଙ୍କା ଦେବାକୁ ପଡିବ । ତେବେ ନିୟମ ପରିବର୍ତ୍ତନ ପରେ, ଆର୍ଥିକ କାରବାର ପାଇଁ ୨୧ ଟଙ୍କା ଏବଂ ଅଣ-ଆର୍ଥିକ କାରବାର ପାଇଁ ୮.୫୦ ଟଙ୍କା ଏଟିଏମ୍ କାରବାର ଶୁଳ୍କ ଭାବରେ ଆଦାୟ କରାଯିବ ।
ଏହା ବି ପଢ଼ନ୍ତୁ: IND vs NZ: ଏଜାଜଙ୍କ ବୋଲିଂ ଆଗରେ ଧରାଶାୟୀ ଭାରତ; ସମସ୍ତ ୧୦ ୱିକେଟ୍ ନେଇ ରଚିଲେ ଇତିହାସ