ପ୍ରତିଟି ଓଡ଼ିଆଙ୍କ ପରିଚୟ 'ପଖାଳ କଂସା'

ପଖାଳ ଭିନ୍ନ ଭିନ୍ନ ନାମରେ ପଶ୍ଚିମବଙ୍ଗ, ବିହାର, ଝାଡ଼ଖଣ୍ଡ ଓ ପଡ଼ୋଶୀ ଦେଶ ବାଂଲାଦେଶରେ ଖିଆଯାଇଥାଏ । ଏହାକୁ ବଙ୍ଗଳାରେ "ପନ୍ତ ଭାତ" ଓ ଭୋଜପୁରୀରେ "ମାରା ଭାତ" ଓ ମାଲାୟାଲାମରେ "ବଲ୍ଲୁ ଚୋରୁ" ବୋଲି କୁହାଯାଏ।

ଆଜି ବିଶ୍ୱ ପଖାଳ ଦିବସ । ଝାଞ୍ଜି ଖରାରେ ଯେତେବେଳେ ଜୀବନ ଛଟପଟ ହୁଏ ସେତେବେଳେ ସଞ୍ଜୀବନି ପାଲଟିଯାଏ ପଖାଳ କଂସା । ପ୍ରତିଟି ଓଡ଼ିଆ ଲୋକଙ୍କ ପ୍ରିୟ ଖାଦ୍ୟ ପଖାଳ । ସ୍ୱତନ୍ତ୍ର ପରିଚୟ ସୃଷ୍ଟି କରିଛି ପଖାଳ ।
କେବଳ ଆମ ରାଜ୍ୟ ଓଡ଼ିଶାରେ ନୁହେଁ ବିଶ୍ୱର କୋଣ ଅନୁକୋଣରେ ବାସ କରୁଥିବା ପ୍ରତ୍ୟେକ ଓଡିଆଙ୍କ ପାଇଁ ମାର୍ଚ୍ଚ ମାସ ଆଜିର ଦିନ କିଛି ଅଲଗା ବିଶେଷ୍ୱତ ଓ ମହତ ରଖିଥାଏ। 

ସାଧାରଣତଃ ପଖାଳ ଗରମ ଭାତରେ ପାଣି ମିଶାଇ କେଇ ଘଣ୍ଟାରୁ ଆରମ୍ଭ କରି ରାତିଏ ଯାଏ ରଖାଯାଇଥାଏ । ଅଧିକ ସମୟ ରହୁଥିବା ପଖାଳରେ କିଣ୍ୱନ ପ୍ରକ୍ରିୟା ଯୋଗୁ ଏହା ଆମ୍ବିଳା ଲାଗିଥାଏ । ପଖାଳର ଭାତ ଓ ତୋରାଣି ପାଣି ଉଭୟ ଖିଆଯାଇଥାଏ । ପଖାଳ (Pakhala) ଭିନ୍ନ ଭିନ୍ନ ନାମରେ ପଶ୍ଚିମବଙ୍ଗ, ବିହାର, ଝାଡ଼ଖଣ୍ଡ ଓ ପଡ଼ୋଶୀ ଦେଶ ବାଂଲାଦେଶରେ ଖିଆଯାଇଥାଏ । ଏହାକୁ ବଙ୍ଗଳାରେ "ପନ୍ତ ଭାତ" ଓ ଭୋଜପୁରୀରେ "ମାରା ଭାତ" ଓ ମାଲାୟାଲାମରେ "ବଲ୍ଲୁ ଚୋରୁ" ବୋଲି କୁହାଯାଏ। 

Add Zee News as a Preferred Source

ଆଉ ଆମ ଓଡ଼ିଆ ଘରେ ଦହି ଛୁଙ୍କ ପଖାଳ (Pakhala Diwas)  ସାଙ୍ଗକୁ ଭଜା, ଶାଗ ଭଜା, ବାଇଗଣ ଭର୍ତ୍ତା, ଟମାଟୋ ଚକଟା, ବଢି ଚୁରା ସହ ଆମିଷ ବାରରେ ମାଛ ଭଜା ଟିକେ ହେଲେ କଥା ସରିଲା । ଏହି ଖାଦ୍ୟ ଖାଇ ପ୍ରତିଟି ମଣିଷକୁ ସ୍ବର୍ଗ ପ୍ରାପ୍ତି ହେବା ଭଳି ଅନୁଭବ ହୁଏ । କାରଣ ପଖାଳ କଂସାଏ ରେ ଯେତିକି ଶାନ୍ତି ମିଳେ ତାହା କୌଣସି ରେସ୍ତୋରାଁ କି 5Star ହୋଟେଲର ଖାଦ୍ୟ ଦେଇନଥାଏ । ତେବେ ପଖାଳର ଚାହିଦା ଦେଖି ଏବେ ରେସ୍ତୋରାଁ ଓ ହୋଟେଲ ଗୁଡ଼ିକର Menu ରେ ବି ପଖାଳ ଏକ ସ୍ବତନ୍ତ୍ର ସ୍ଥାନ ନେଇଛି ।

ତେବେ ଏହି ଦିବସକୁ ଆନୁଷ୍ଠାନିକ ଭାବେ ପାଳନ କରାଯାଉନଥିବାରୁ ଏହାର ଉତ୍ପତ୍ତି ବିଷୟରେ ବିଶେଷ ତଥ୍ୟ ମଧ୍ୟ କାହା ପାଖେ ନାହିଁ । ୨୦୧୧ ମସିହାରୁ କିଛି ଓଡ଼ିଆ (Odia) ଓ ଅଣଓଡ଼ିଆ (NonOdia) ଖାଦ୍ୟ ପ୍ରେମୀଙ୍କ ଉତ୍ସାହରୁ ଏହି ଦିବସ ପାଳନ କରାଯାଉଛି ବୋଲି କୁହାଯାଇଛି । ୨୦୧୫ମସିହାରେ ପ୍ରଥମ କରି ପଖାଳ ଦିବସ ପାଇଁ ସୋସିଆଲ ମିଡିଆ (Social Media) ରେ ଟ୍ରେଣ୍ଡ ଆରମ୍ଭ ହୋଇଥିଲା ।