ଜୀବନସାରା ୱାର୍କ ଫର୍ମ ହୋମ୍! ବିଶ୍ୱର ଏହି ବଡ଼ ଟେକ୍ କମ୍ପାନୀ କଲା ଘୋଷଣା

Work From Home: ଟ୍ୱିଟର ସିଇଓ ପରାଗ ଅଗ୍ରୱାଲ ଘୋଷଣା କରିଛନ୍ତି ଯେ ତାଙ୍କ କମ୍ପାନୀ ଚଳିତ ମାସରେ ଏହାର ବିଶ୍ୱ ସ୍ତରୀୟ କାର୍ଯ୍ୟାଳୟ ଖୋଲିବାକୁ ଯାଉଛି । କର୍ମଚାରୀମାନେ ନିଜ ପାଇଁ ନିଜେ ନିଷ୍ପତ୍ତି ନେଇପାରିବେ ଯେ ସେମାନେ ଘରୁ କାମ କରିବେ କିମ୍ବା ଅଫିସରୁ କାମ କରିବେ ।

ନୂଆଦିଲ୍ଲୀ: ଟ୍ୱିଟର ଏହାର କର୍ମଚାରୀମାନଙ୍କୁ ଏକ ବଡ଼ ଉପହାର ଦେଇଛି । ଟ୍ୱିଟର ମୁଖ୍ୟ ପରାଗ ଅଗ୍ରୱାଲ ଶୁକ୍ରବାର ଦିନ ଟ୍ୱିଟ୍ କରି ଘୋଷଣା କରିଛନ୍ତି ତାଙ୍କ ସୋସିଆଲ ନେଟୱାର୍କିଂ କମ୍ପାନୀ ଚଳିତ ମାସରେ ନିଜର ବିଶ୍ୱ ସ୍ତରୀୟ କାର୍ଯ୍ୟାଳୟ ଖୋଲିବାକୁ ଯାଉଛି । ଯଦି ଲୋକମାନେ ଅଫିସରୁ କାମ କରିବାକୁ ଚାହାଁନ୍ତି, ସେମାନେ ଏହା କରିପାରିବେ, କିନ୍ତୁ ଯଦି ସେମାନେ ଘରୁ କିମ୍ବା ଅନ୍ୟ କୌଣସି ସ୍ଥାନରୁ କାମ କରିବାକୁ ଚାହାଁନ୍ତି ତେବେ ଏହା କର୍ମଚାରୀଙ୍କ ଇଚ୍ଛା ଉପରେ ସମ୍ପୂର୍ଣ୍ଣ ନିର୍ଭର କରିବ ।

କହି ରଖୁଛୁ ଯେ, ପରାଗ ଅଗ୍ରୱାଲ କର୍ମଚାରୀମାନଙ୍କୁ ଅଫିସକୁ ଫେରିବା ପାଇଁ ପ୍ରୋତ୍ସାହନ ଦେଉଥିବାବେଳେ ଅଫିସରେ କାମ କରିବାର ଏକ ଜବରଦସ୍ତ କଲ୍ଚର ହେବ ଏବଂ ତୁରନ୍ତ ପ୍ରଭାବ ସହିତ ବ୍ୟବସାୟିକ ଯାତ୍ରା ମଧ୍ୟ ଖୋଲାଯିବ ବୋଲି ପୂର୍ବରୁ କହିଥିଲେ । ମାର୍ଚ୍ଚ ୧୫ ରୁ ସମସ୍ତ ବିଶ୍ୱ ଟ୍ୱିଟର କାର୍ଯ୍ୟାଳୟ ଖୋଲିବ ବୋଲି ସେ କହିଛନ୍ତି । ଟ୍ୱିଟର ସିଇଓ ପାରାଗ ଅଗ୍ରୱାଲ ଏକ ଟ୍ୱିଟରେ ଲେଖିଛନ୍ତି, କେଉଁଠାରେ କାମ କରିବେ, ଆପଣ ବ୍ୟବସାୟ ପାଇଁ ସୁରକ୍ଷିତ ଯାତ୍ରା କରିବାକୁ ଚାହୁଁଛନ୍ତି କି ନାହିଁ, କିମ୍ବା କେଉଁ ଇଭେଣ୍ଟରେ ଯୋଗଦେବାକୁ ଚାହୁଁଛନ୍ତି ତାହା ସମ୍ପୂର୍ଣ୍ଣରୂପେ କର୍ମଚାରୀଙ୍କ ଉପରେ ନିର୍ଭର କରେ ।

ଟ୍ୱିଟର ସିଇଓ କର୍ମଚାରୀମାନଙ୍କୁ କହିଛନ୍ତି ଯେ ଯେଉଁଠାରେ ସେମାନେ ଅଧିକ ପ୍ରଡକ୍ଟିଭ ଏବଂ ସୃଜନଶୀଳ ଅନୁଭବ କରନ୍ତି ସେଠାରୁ କାମ କରି ପାରିବେ । ସେ ଆହୁରି ମଧ୍ୟ କହିଛନ୍ତି ଯେ ଏଥିରେ “ଫୁଲ୍ ୱାର୍କ ଫର୍ମ ହୋମ୍ (WFH) ର ସବୁଦିନ ପାଇଁ ବିକଳ୍ପ ମଧ୍ୟ ଅନ୍ତର୍ଭୁକ୍ତ । ପରାଗ ଅଗ୍ରୱାଲ ଜୋର ଦେଇ କହିଛନ୍ତି ଯେ ଯେଉଁମାନେ ଦୂରଦୂରାନ୍ତରେ କାର୍ଯ୍ୟ ଜାରି ରଖିବାକୁ ଚାହାଁନ୍ତି ସେମାନଙ୍କୁ “Learn and Adapt” କରିବାକୁ ପଡିବ, କାରଣ “ବିଭିନ୍ନ ସ୍ଥାନରୁ କାମ କରିବା ଅଧିକ କଷ୍ଟସାଧ୍ୟ ହେବ” ।

ଯେହେତୁ COVID-19 ମହାମାରୀ ସହିତ ବିଶ୍ୱ ମୁକାବିଲା କରୁଛି, କାର୍ଯ୍ୟାଳୟକୁ ଫେରିବାର ସମ୍ଭାବନା କମ୍ ଥିଲା । ଅବଶ୍ୟ, ପରିସ୍ଥିତି ବର୍ତ୍ତମାନ ସ୍ୱାଭାବିକ ଅବସ୍ଥାକୁ ଫେରିବା ସହିତ ଗୁଗୁଲ ମଧ୍ୟ ଏପ୍ରିଲ ଆରମ୍ଭରେ କର୍ମଚାରୀଙ୍କ ପାଇଁ ସିଲିକନ୍ ଭ୍ୟାଲି କାର୍ଯ୍ୟାଳୟ ଖୋଲିବାକୁ ପ୍ରସ୍ତୁତ ହେଉଛି । ଗୁଗୁଲ ଆଶା କରେ ଯେ ସେମାନଙ୍କ କର୍ମଚାରୀମାନେ ସପ୍ତାହରୁ ମାତ୍ର ୨ ଦିନ ଘରୁ ଏବଂ ଅଫିସରୁ ବାକି ଦିନ କାମ କରିବେ ।