ବିଜୟଙ୍କ ମୃତ୍ୟୁରେ ନସିରୁଦ୍ଦିନ ଜଣାଇଲେ ଶୋକ, କହିଲେ ଏଭଳି କଥା...

ସରିଛି ବିଜୟ ମହାନ୍ତିଙ୍କ ଅନ୍ତିମ ସଂସ୍କାର। ବିଜୟଙ୍କ ଦେହାନ୍ତ ଫଳରେ ଓଡ଼ିଆ ସିନେ ଜଗତରେ ଏକ ଯୁଗର ଅବସାନ ଘଟିଛି। ସୃଷ୍ଟି ହୋଇଛି ଏକ ବୃହତ୍ତ ଶୂନ୍ୟସ୍ଥାନ। ବିଜୟଙ୍କ ଦେହାନ୍ତ ଅନେକ କଳାକାରଙ୍କୁ ଗଭୀର ଆଘାତ ଦେଇଛି। ଗତକାଲି ସନ୍ଧ୍ୟାରେ ଯେତେବେଳେ ବିଜୟଙ୍କ ଦେହାନ୍ତଙ୍କ ଖବର ପ୍ରଚାରିତ ହୋଇଥିଲା, ସେତେବେଳେ ଅନେକ ଏହାକୁ ଗୁଜବ ବୋଲି ଧରି ନେଇଥିଲେ

ବିଜୟଙ୍କ ମୃତ୍ୟୁରେ ନସିରୁଦ୍ଦିନ ଜଣାଇଲେ ଶୋକ, କହିଲେ ଏଭଳି କଥା...

ନୂଆଦିଲ୍ଲୀ: ସରିଛି ବିଜୟ ମହାନ୍ତିଙ୍କ ଅନ୍ତିମ ସଂସ୍କାର। ବିଜୟଙ୍କ ଦେହାନ୍ତ ଫଳରେ ଓଡ଼ିଆ ସିନେ ଜଗତରେ ଏକ ଯୁଗର ଅବସାନ ଘଟିଛି। ସୃଷ୍ଟି ହୋଇଛି ଏକ ବୃହତ୍ତ ଶୂନ୍ୟସ୍ଥାନ। ବିଜୟଙ୍କ ଦେହାନ୍ତ ଅନେକ କଳାକାରଙ୍କୁ ଗଭୀର ଆଘାତ ଦେଇଛି। ଗତକାଲି ସନ୍ଧ୍ୟାରେ ଯେତେବେଳେ ବିଜୟଙ୍କ ଦେହାନ୍ତଙ୍କ ଖବର ପ୍ରଚାରିତ ହୋଇଥିଲା, ସେତେବେଳେ ଅନେକ ଏହାକୁ ଗୁଜବ ବୋଲି ଧରି ନେଇଥିଲେ। କାରଣ ପୂର୍ବରୁ ମଧ୍ୟ ଏଭଳି ଗୁଜବ ସୃଷ୍ଟି ହୋଇଛି। 

ତେବେ ସେ ଯାହାବି ହେଉ ବିଜୟଙ୍କ ଅଚାନକ ଦେହାନ୍ତ ଖବର ସମସ୍ତଙ୍କୁ ସ୍ତମ୍ଭିଭୁତ କରିପକାଇଛି। ବିଜୟଙ୍କ ସହିତ ଥିବା ଅଭୁଲା ସ୍ମୃତିଙ୍କୁ ବଖାଣିଛନ୍ତି। ବିଜୟଙ୍କର ସମ୍ପର୍କ କେବଳ ଓଡ଼ିଆ ସିନେ ଜଗତରେ ସୀମିତ ନଥିଲା। ନ୍ୟାସନାଲ ଡ୍ରାମା ସ୍କୁଲରେ ପଢିବା ବେଳେ ବଲିଉଡ଼ ସହିତ ମଧ୍ୟ ତାଙ୍କର ସମ୍ପର୍କ ଯୋଡ଼ି ହୋଇ ଯାଇଥିଲା। ସ୍କୁଲରେ ପଢିବା ସମୟରେ ବଲିଉଡ଼ର ଆଗଧାଡ଼ିର ଅଭିନେତା ନସିରୁଦ୍ଦିନ ଶାହ ଓ ଓମପୁରୀଙ୍କ ସହିତ ବନ୍ଧୁତ୍ୱ ଗଢିଉଠିଥିଲା। ଏହି ଦୁଇ ବନ୍ଧୁ ବଲିଓଡ଼ରେ ନିଜର କ୍ୟାରିୟର ଗଢିବା ପାଇଁ ବିଜୟଙ୍କୁ ସୁଯୋଗ ଦେଇଥିଲେ ମଧ୍ୟ ନିଜ ଜନ୍ମମାଟିକୁ ଫେରି ଆସିଥିଲେ ବିଜୟ। 

ଅଧିକ ପଢନ୍ତୁ: ପଞ୍ଚଭୂତରେ ବିଲୀନ ବିଜୟ

ତେବେ ଆଜି ତାଙ୍କ ମୃତ୍ୟୁରେ ଶୋକ ବ୍ୟକ୍ତ କରିଛନ୍ତି ବଲିଉଡ଼ ଅଭିନେତା ତଥା ବରିଷ୍ଠ ଅଭିନେତା ନସିରୁଦ୍ଦିନ ଶାହ। ନଶିରୁଦ୍ଦିନ ଶାହ କହିଛନ୍ତି କି, ଓଲିଉଡ଼ ସିନେ ଇଣ୍ଡଷ୍ଟ୍ରୀରେ ଏକ ଜୁଏଲ ଆକ୍ଟର ଥିଲେ ବିଜୟ। ଏନଏସଡ଼ି ସମୟରୁ ହିଁ ମୁଁ ତାକୁ ଜାଣିଛି। ପ୍ରତିଟି ଚରିତ୍ରକୁ କିପରି ନିଖୁଣ ଭାବରେ ଅଭିନୟମାଧ୍ୟମରେ ନିଭାଉଥିଲେ। ନସିରୁଦ୍ଦିନ ଗତ ସୋମବାର ତାଙ୍କର ୭୦ ତମ ଜନ୍ମବାର୍ଷିକି ପାଳନ କରିଛନ୍ତି। ନସିରୁଦ୍ଦିନ ଯେତେବେଳେ ୨୦୧୬ ମସିହାରେ ଭୁବନେଶ୍ୱର ଆସିଥିଲେ ସେହି ସମୟରେ ସେ ବିଜୟ ମହାନ୍ତିଙ୍କୁ ଭେଟିଥିଲେ। ନ୍ୟାସନାଲ ସ୍କୁଲ ଅଫ ଡ୍ରାମା ସମୟର ଅନୁଭୁତିକୁ ମଧ୍ୟ ବଖାଣିଥିଲେ। 

ଅଧିକ ପଢନ୍ତୁ: ପରପାରିରେ ବିଶିଷ୍ଟ ଓଲିଉଡ ଅଭିନେତା ବିଜୟ ମହାନ୍ତି

ସୂଚନା ଯୋଗ୍ୟ ବିଜୟ ଚିଲିକା ତୀରେ ସିନେମାରୁ ଓଡ଼ିଆ ସିନେମା ଜଗତରେ ପାଦ ଥାପିଥିଲେ। ୩ ଶହରୁ ଊର୍ଦ୍ଧ୍ୱ ସିନେମାରେ ବିଜୟ ମହାନ୍ତି କାମ କରିଥିବା ବେଳେ ପାଖାପାଖି ୪୦ଟି ବଙ୍ଗଳା ସିନେମା, ଦୁଇଟି ଦକ୍ଷିଣ ଭାରତୀୟ ସିନେମା କରିଥିବା ଜଣାପଡ଼ିଛି।