alkaline water benefits: ସେଲିବ୍ରିଟିମାନେ କାହିଁକି ଆଲକାଇନ୍ ପାଣି ପିଅନ୍ତି ? ଆସନ୍ତୁ ଜାଣିବା ଏହି ପାଣିରେ ରହିଛି କି ଲାଭ
)
ସୂଚନା ମୁତାବକ, ବିଶ୍ୱର ୨ ବିଲିୟନ ଲୋକଙ୍କ ପାଖରେ ସୁରକ୍ଷିତ ପାଣି ନାହିଁ। ପ୍ରତିବର୍ଷ ପ୍ରାୟ ଦୁଇ-ତୃତୀୟାଂଶ ଜନସଂଖ୍ୟା ଅତି କମରେ ଗୋଟିଏ ମାସ ପାଇଁ ଗୁରୁତର ଜଳ ଅଭାବର ଶିକାର ହୋଇଥାନ୍ତି। ଏକ ଗବେଷଣାରୁ ଜଣାପଡିଛି ଯେ, ୨୦୩୦ ସୁଦ୍ଧା ପ୍ରାୟ ୭୦୦ ନିୟୁତ ଲୋକ ଗମ୍ଭୀର ଜଳ ସଙ୍କଟ ଯୋଗୁଁ ବିସ୍ଥାପିତ ହୋଇପାରନ୍ତି।
)
ଆପଣ କ’ଣ ଜାଣନ୍ତି ଯେ, ପାଣିର ଅନେକ ପ୍ରକାର ରହିଛି। ଆପଣ ଟ୍ୟାପ୍ ପାଣି, ମିନେରାଲ୍ ପାଣି, ଡିଷ୍ଟିଲ୍ ପାଣି ଏବଂ ପ୍ୟୁରିଫାଏଡ୍ ପାଣିର ନାମ ନିଶ୍ଚୟ ଶୁଣିଥିବେ। ଏହି କ୍ରମରେ, ଆଜି ଆମେ ଏଠାରେ କଳା କ୍ଷାରୀୟ ପାଣି ବିଷୟରେ କହିବାକୁ ଯାଉଛୁ। ପୂର୍ବରୁ ବିରାଟ କୋହଲି ଏବଂ ମଲାଇକା ଆରୋରାଙ୍କୁ ଏହି କ୍ଷାରୀୟ ପାଣି ପିଉଥିବାର ଫଟୋ ସୋସିଆଲ ମିଡିଆରେ ସାମ୍ନାକୁ ଆସିସାରିଛି ।
)
ଚଳଚ୍ଚିତ୍ର ଅଭିନେତ୍ରୀ ମଲାଇକା ଆରୋରା ଆଲକାଲାଇନ୍ ପାଣି ପିଉଥିବା ଅନେକ ଥର ଦେଖାଯାଇଛି। କ୍ରିକେଟର ବିରାଟ କୋହଲି ମଧ୍ୟ ଏହି ଆଲକାଲାଇନ୍ ପାଣିକୁ ନେଇ ଶିରୋନାମାରେ ଆସିଛନ୍ତି।
)
ସାଧାରଣ ପାଣି ବୋତଲର ମୂଲ୍ୟ ବିଷୟରେ କହିବାକୁ ଗଲେ, ଏହା ପ୍ରତି ଲିଟର ୨୦ ରୁ ୩୦ ଟଙ୍କା। କିନ୍ତୁ ଆଲକାଇନ ପାଣିର ମୂଲ୍ୟ ୨୦୦ ଟଙ୍କାରୁ ଆରମ୍ଭ କରି ୪ରୁ ୫ ହଜାର ଟଙ୍କା ପର୍ଯ୍ୟନ୍ତ ହୋଇପାରେ।
)
ସରଳ ଭାଷାରେ କହିବାକୁ ଗଲେ ଆଲକାଇନ୍ ପାଣି ଏକ କ୍ଷାରୀୟ ପାଣି, ଯାହା ସାଧାରଣ ପାଣିଠାରୁ ଖୁବ ଭିନ୍ନ। ସାଧାରଣ ପାଣିର pH ସ୍ତର ୬ ରୁ ୭ ମଧ୍ୟରେ ଥାଏ। କିନ୍ତୁ ଆଲକାଇନ୍ କ୍ଷାରୀୟ ପାଣିର pH ସାଧାରଣତଃ ୮ ରୁ ୯ ମଧ୍ୟରେ ଅଧିକ ରହିଥାଏ। ଗବେଷଣାରୁ ଜଣାପଡିଛି ଯେ, କ୍ଷାରୀୟ ପାଣିରେ କ୍ୟାଲସିୟମ କ୍ଲୋରାଇଡ, ମ୍ୟାଗ୍ନେସିୟମ ସଲଫେଟ, ପୋଟାସିୟମ ଏବଂ ସୋଡିୟମ ବାଇକାର୍ବୋନେଟ ଭଳି ପୁଷ୍ଟିକର ପଦାର୍ଥ ମିଳିଥାଏ, ଯାହା ସ୍ୱାସ୍ଥ୍ୟ ପାଇଁ ଲାଭଦାୟକ ସାବ୍ୟସ୍ତ ହୋଇଥାଏ ।
)
ଆଲକାଇନ୍ ପାଣି ପ୍ରାକୃତିକ ଏବଂ କୃତ୍ରିମ ଉଭୟ ହୋଇପାରେ। ପଥର ମଧ୍ୟ ଦେଇ ପ୍ରବାହିତ ହେଉଥିବା ଜଳପ୍ରପାତରୁ ପ୍ରାକୃତିକ ଆଲକାଇନ୍ ପାଣି ବାହାରକୁ ଆସିଥାଏ। ଯେଉଁଠାରେ, କୃତ୍ରିମ ଆଲକାଇନ୍ ପାଣି ଇଲେକ୍ଟ୍ରୋଲିସିସ୍ ନାମକ ଏକ ରାସାୟନିକ ପ୍ରକ୍ରିୟା ଦ୍ୱାରା ପ୍ରସ୍ତୁତ କରାଯାଏ। ଏହି କୌଶଳରେ, ସାଧାରଣ ପାଣିର pH ସ୍ତର ବୃଦ୍ଧି ପାଏ। ଆଲକାଇନ୍ ପାଣିର ଅନେକ ଲାଭ ରହିଥାଏ ବୋଲି କୁହାଯାଏ।
)
ସାଧାରଣତଃ, ସାଧାରଣ ପାଣି ଅଧିକାଂଶ ଲୋକଙ୍କ ପାଇଁ ଭଲ। କିନ୍ତୁ, ଏସିଡ୍ ରିଫ୍ଲକ୍ସ (ପେଟ ପୋଡ଼ା) ଥିବା ଲୋକଙ୍କ ପାଇଁ କ୍ଷାରୀୟ ପାଣି ଅଧିକ ଲାଭଦାୟକ ସାବ୍ୟସ୍ତ ହୋଇପାରେ। ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁଯାୟୀ, କ୍ଷାରୀୟ ପାଣି ପିଇବା ଦ୍ୱାରା ପେପ୍ସିନ ନାମକ ଏକ ଏନଜାଇମ ଦୁର୍ବଳ ହୋଇପାରେ, ଯାହା ଏସିଡ୍ ରିଫ୍ଲକ୍ସର ମୁଖ୍ୟ କାରଣ ହୋଇପାରେ।
)
୨୦୧୬ ମସିହାରେ ହୋଇଥିବା ଏକ ଗବେଷଣାରେ, ୧୦୦ ଜଣଙ୍କୁ ବ୍ୟାୟାମ ପରେ ପିଇବା ପାଇଁ ଉଚ୍ଚ pH କ୍ଷାରୀୟ ପାଣି ଦିଆଯାଇଥିଲା, ଯେତେବେଳେ ବାକି ଲୋକଙ୍କୁ ସାଧାରଣ ନଳ ପାଣି ପିଇବାକୁ କୁହାଯାଇଥିଲା। ଗବେଷଣା ପରେ, ଗବେଷକମାନେ ଜାଣିପାରିଲେ ଯେ ଉଚ୍ଚ pH କ୍ଷାରୀୟ ପାଣି ପିଇଥିବା ୧୦୦ ଜଣଙ୍କ ରକ୍ତ ଘନତା ୬.୩% ହ୍ରାସ ପାଇଛି, ଯେତେବେଳେ ସାଧାରଣ ପାଣି ପିଇଥିବା ଲୋକଙ୍କ ମଧ୍ୟରେ ଏହା କେବଳ ୩.୩% ହ୍ରାସ ପାଇଛି।
)
୨୦୧୮ ମସିହାରେ କ୍ଷାରୀୟ ପାଣି ଉପରେ କରାଯାଇଥିବା ଏକ ଗବେଷଣା ପରେ, ଦାବି କରାଯାଇଥିଲା ଯେ, ଏହା ଫ୍ୟାଟି ଲିଭରକୁ ସୁସ୍ଥ ରଖିବାରେ ସାହାଯ୍ୟ କରିପାରିବ। ଏହି ଅଧ୍ୟୟନ ମୂଷା ଉପରେ କରାଯାଇଥିଲା, ଯେଉଁଥିରେ ବୈଜ୍ଞାନିକମାନେ ଜାଣିପାରିଥିଲେ ଯେ, କ୍ଷାରୀୟ ପାଣି ଫ୍ୟାଟି ଲିଭର ରୋଗର ଲକ୍ଷଣଗୁଡ଼ିକୁ ହ୍ରାସ କରିବାରେ ସାହାଯ୍ୟ କରିପାରେ। ଅଷ୍ଟିଓପୋରୋସିସ୍ ପୀଡିତ ଲୋକଙ୍କ ପାଇଁ ମଧ୍ୟ କ୍ଷାରୀୟ ପାଣି ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ।
)
Disclamer: ଏଠାରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ସାଧାରଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହା ପ୍ରଦାନ କରାଯାଇଛି। ଆପଣଙ୍କ କୌଣସି ଆପତ୍ତି ପାଇଁ ZEE ODISHA NEWS ଦାୟୀ ରହିବ ନାହିଁ ।
ट्रेन्डिंग फोटोज़
5)
)
)
)
)
