ଆଜି ବି ପାଦରେ ଚାଲି ଚିଠି ପହଞ୍ଚାଉଛନ୍ତି...

ନୂଆଦିଲ୍ଲୀ: ତାମିଲନାଡ଼ୁର ପୋଷ୍ଟମ୍ୟାନ ଡି। ସିଭନ। ଭାରତୀୟ ଡାକ ବିଭାଗରେ ପ୍ରାୟ ୩ ଦଶନ୍ଧିରୁ ଊର୍ଦ୍ଧ୍ୱ ସମୟ ହେବ ସେବା ଯୋଗାଇ ଦେଇ ଆସୁଛନ୍ତି। ଏହି ୩ ଦଶନ୍ଧିରୁ ଊର୍ଦ୍ଧ୍ୱ ସମୟ ଧରି ପାଦରେ ଚାଲି ଚାଲି ଚିଠି ବାଣ୍ଟୁଛନ୍ତି। ଘଞ୍ଚ ଜଙ୍ଗଲ ମଧ୍ୟରେ ପ୍ରାୟ ୧୫ କିଲୋମିଟର ରାସ୍ତା ଅତିକ୍ରମ କରି ଗାଁ କୁ ଗାଁ ବୁଲି ଚିଠି ବାଣ୍ଟୁଛନ୍ତି। ତେବେ ଏହାରି ମଧ୍ୟରେ ସେ ଅନେକ ବିପଦର ମଧ୍ୟ ସାମ୍ନା କରିସାରିଛନ୍ତି ବୋଲି କୁହନ୍ତି। ବାରମ୍ବାର ବନ୍ୟଜନ୍ତୁ ମାନଙ୍କ ଆକ୍ରମଣର ଶିକାର ହୋଇଥିବା ନେଇ ମଧ୍ୟ ସୂଚନା ଦେଇଛନ୍ତି। ତେବେ ତାଙ୍କର ଏହି ନିସ୍ୱାର୍ଥପର ସେବା ପାଇଁ ସୋସିଆଲ ମିଡ଼ିଆରେ ବେଶ ପ୍ରଶଂସା କରାଯାଉଛି। 

ଡି ସିଭନ ଜଙ୍ଗଲ ରାସ୍ତା ଦେଇ ଯିବାଆସିବା କରିଥାନ୍ତି। ଘଞ୍ଚ ଜଙ୍ଗଲ ତଥା ଖସଡ଼ା ରାସ୍ତା ଦେଇ ସେ ଲୋକମାନଙ୍କ ନିକଟରେ ଚିଠି ନେଇ ପହଞ୍ଚିଯାଇଥାନ୍ତି। କେବଳ ଏତିକି ନୁହେଁ, ରାସ୍ତାରେ ଯିବା ଆସିବା କରିବା ସମୟରେ ବଣୁଆ ଜନ୍ତୁ ମାନଙ୍କର ଆକ୍ରମଣର ଶିକାର ମଧ୍ୟ ହୋଇଥିଲେ। 

ଆଇଏଏସ୍ ଅଧିକାରୀ ସୁପ୍ରିୟା ସାହୁ ବୁଧବାର ଟ୍ୱିଟରରେ ଡି ସିଭନଙ୍କୁ ପ୍ରଶଂସା କରିଛନ୍ତି। ଯିଏ ନିଜ କର୍ତ୍ତବ୍ୟକୁ ଅତ୍ୟଧିକ ଉତ୍ସର୍ଗୀକୃତ କରିଛନ୍ତି। ଫଟୋ ପୋଷ୍ଟ କରି ସୁପ୍ରିୟା ସାହୁ କ୍ୟାପସନରେ ଲେଖିଛନ୍ତି, 'ପୋଷ୍ଟମ୍ୟାନ୍ ଡି ସିଭନ କୁନୁରର ଘଞ୍ଚ ଜଙ୍ଗଲରେ ପ୍ରତିଦିନ ୧୫ କିଲୋମିଟର ବୁଲନ୍ତି, ହାତୀ, ଭାଲୁ ଏବଂ ଲୋକଙ୍କୁ ଚିଠି ପଠାନ୍ତି। ଏହି ସମୟ ମଧ୍ୟରେ, ସେମାନେ ଜଳପ୍ରପାତ ଏବଂ ଟନେଲ ମଧ୍ୟ ଅତିକ୍ରମ କରନ୍ତି | ସେ ୩୦ ବର୍ଷ ପୂର୍ଣ୍ଣ ଭକ୍ତି ସହିତ ନିଜର କର୍ତ୍ତବ୍ୟ କରିଥିଲେ ଏବଂ ଗତ ସପ୍ତାହରେ ଅବସର ନେଇଥିଲେ।

Add Zee News as a Preferred Source

ସୁପ୍ରିୟା ଏହି ପୋଷ୍ଟକୁ ଗତ ୮ ତାରିଖରେ ଟ୍ୱିଟରରେ ସେୟାର କରିଥିଲେ। ଏପର୍ଯ୍ୟନ୍ତ ୬୩ ହଜାରରୁ ଅଧିକ ଲାଇକ୍ ଏବଂ ୧୨ ହଜାର ରି-ଟ୍ୱିଟ୍ କରାଯାଇଛି। ଏହି ପୋଷ୍ଟରେ ହଜାର ହଜାର ଲୋକ ସିଭାନଙ୍କୁ ପ୍ରଶଂସା କରିଥିଲେ। ଅନେକ ଲୋକ ସିଭାନଙ୍କୁ ତାଙ୍କର ଉତ୍ସର୍ଗୀକୃତ ପାଇଁ ପ୍ରଶଂସା କରିଥିଲେ ଏବଂ ତାଙ୍କ ସେବା ପାଇଁ ତାଙ୍କୁ ଧନ୍ୟବାଦ ଦେଇଥିଲେ | ଅନ୍ୟମାନେ କହିଥିଲେ ଯେ ସେମାନେ ପୁରସ୍କାର ପାଇବା ଉଚିତ୍।