SBI ଗ୍ରାହକଙ୍କୁ ଝଟକା! ଜୁଲାଇ ପହିଲାରୁ ମହଙ୍ଗା ହେବ ATM ସେବା, ଏହି ନିୟମ ବି ବଦଳିଲା

ନୂଆଦିଲ୍ଲୀ: ଯଦି ଆପଣ ମଧ୍ୟ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଗ୍ରାହକ, ତେବେ ଧ୍ୟାନ ଦିଅନ୍ତୁ। ଏହି ଖବର ଆପଣଙ୍କ ପାଇଁ ଉପଯୋଗୀ। ବାସ୍ତବରେ, SBI ଅନେକ ଗୁରୁତ୍ୱପୂର୍ଣ୍ଣ ନିୟମରେ ପରିବର୍ତ୍ତନ ଆଣିଛି। ଷ୍ଟେଟ ବ୍ୟାଙ୍କରୁ ମିଳିଥିବା ସୂଚନା ଅନୁଯାୟୀ, ଏହି ନୂତନ ନିୟମ ଜୁଲାଇ ପହିଲାରୁ ଲାଗୁ ହେବ, ଯାହା ପରେ ATMରୁ ନଗଦ ଟଙ୍କା ଉଠାଇବା ଏବଂ ଚେକ୍ ବୁକ୍ ବ୍ୟବହାର କରିବା ମହଙ୍ଗା ହୋଇପାରେ।

ଜୁଲାଇ ପହିଲାରୁ ଦେଶର ବୃହତ୍ତମ ବ୍ୟାଙ୍କ SBIର ଅନେକ ନିୟମ ପରିବର୍ତ୍ତନ ହେବାକୁ ଯାଉଛି। ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଏହାର ATM ଏବଂ ବ୍ୟାଙ୍କ ସେବା ନିୟମରେ କିଛି ପରିବର୍ତ୍ତନ କରିଛି। SBIର ଅଫିସିଆଲ ୱେବସାଇଟରେ ଏହି ସୂଚନା ଦିଆଯାଇଛି। ଏଥିରେ ଚେକବୁକ୍, ଟ୍ରାନ୍ସଫର ଏବଂ ଅନ୍ୟାନ୍ୟ ଅଣ-ଆର୍ଥିକ କାରବାରରେ ନୂତନ ଚାର୍ଜ ଲାଗୁ ହେବ। ବ୍ୟାଙ୍କ ଅନୁଯାୟୀ, ଜୁଲାଇ ପହିଲାରୁ ବେସିକ ସେଭିଂ ବ୍ୟାଙ୍କ ଡିପୋଜିଟ୍ (BSBD) ଆକାଉଣ୍ଟଧାରୀଙ୍କ ପାଇଁ ସମସ୍ତ ନୂତନ ସେବା ଦେୟ ଲାଗୁ ହେବ।

ଚାରିଥର ମାଗଣା ନଗଦ ଉଠାଣ ପାଇଁ SBIର BSBD ଗ୍ରାହକଙ୍କୁ ସୁବିଧା ଦିଆଯାଇଛି। କିନ୍ତୁ ମାଗଣା ସୀମା ସରିବା ପରେ ବ୍ୟାଙ୍କ ଗ୍ରାହକଙ୍କୁ ଚାର୍ଜ କରେ। ଜୁଲାଇ ପହିଲା ପରେ ବ୍ୟାଙ୍କ ATMରୁ ନଗଦ ଟଙ୍କା ଉଠାଇବା ଉପରେ ୧୫ ଟଙ୍କା GST ଆଦାୟ କରାଯିବ। କୋରୋନା ସଙ୍କଟ ଯୋଗୁଁ ଷ୍ଟେଟ ବ୍ୟାଙ୍କ ଏହାର ଆକାଉଣ୍ଟଧାରୀମାନଙ୍କୁ ଆଶ୍ୱସ୍ତ ଦେବାକୁ ନଗଦ ଟଙ୍କା ଉଠାଣ ସୀମା ବୃଦ୍ଧି କରିଛି। ଗ୍ରାହକମାନେ ଅନ୍ୟ ଶାଖାକୁ ଯାଇ ୱିଥଡ୍ର ଫର୍ମ ମାଧ୍ୟମରେ ସେମାନଙ୍କ ସଞ୍ଚୟ ଆକାଉଣ୍ଟରୁ ୨୫ ହଜାର ଟଙ୍କା ପର୍ଯ୍ୟନ୍ତ ଟଙ୍କା ଉଠାଇ ପାରିବେ ଏବଂ ଅନ୍ୟ ଏକ ଶାଖାକୁ ଯାଇ ଚେକରୁ ଲକ୍ଷେ ଟଙ୍କା ମଧ୍ୟ ଉଠାଇ କରାଯାଇପାରିବ।

ଷ୍ଟେଟ ବ୍ୟାଙ୍କର ସେବା ଚାର୍ଜରେ ଏହି ପରିବର୍ତ୍ତନଗୁଡିକ କରାଯାଇଥିବା ନିୟମ: 

୧. SBIର BSBD ଆକାଉଣ୍ଟଧାରୀମାନେ ଆର୍ଥିକ ବର୍ଷରେ ୧୦ କପି ଚେକ୍ ମିଳିଥାଏ। ବର୍ତ୍ତମାନ ୧୦ଟି ଚେକ୍ ପାଇଁ ବ୍ୟାଙ୍କକୁ ୪୦ ଟଙ୍କା ସହ ପ୍ଲସ୍ GST ଦେବାକୁ ପଡିବ।

୨. ଜରୁରୀକାଳୀନ ଚେକ୍ ବୁକ୍ ଉପରେ ୧୦ଟି ଫର୍ଦ୍ଦ ପାଇଁ ୫୦ ଟଙ୍କା ଏବଂ GST ଦେବାକୁ ପଡିବ।

୩. ୨୫ଟି ଚେକ୍ ଫର୍ଦ୍ଦ ପାଇଁ ବ୍ୟାଙ୍କକୁ ୭୫ ଟଙ୍କା ସହ GST ଚାର୍ଜ ଦେବାକୁ ପଡିବ।

୪. ବରିଷ୍ଠ ନାଗରିକମାନେ ଚେକ୍ ବୁକ୍ ଉପରେ ନୂତନ ସେବା ଦେୟରୁ ମୁକ୍ତ ରହିବେ। ସେମାନଙ୍କୁ କୌଣସି ଚାର୍ଜ ଦେବାକୁ ପଡିବ ନାହିଁ।

୫. ନିଜର କିମ୍ବା ଅନ୍ୟ ବ୍ୟାଙ୍କ ଶାଖାରୁ BSBD ଆକାଉଣ୍ଟଧାରୀଙ୍କ ଦ୍ୱାରା ଟଙ୍କା ଉଠାଇବା ପାଇଁ କୌଣସି ଦେୟ ଲାଗୁ ହେବ ନାହିଁ।