ଶାଙ୍ଗ୍ରୀ-ଲା: ଦୁନିଆର ଏମିତି ଏକ ସ୍ଥାନ, ଯେଉଁଠି ନା ଅଛି ମହାମାରୀ ନା ଅଛି ମୃତ୍ୟ...

ତପସ୍ୱିନୀ ମହାଳିକ, ନୂଆଦିଲ୍ଲୀ: କୋରୋନା ଭାଇରସ୍ ପୁରା ଦୁନିଆରେ ନିଜର କାୟା ବିସ୍ତାର କରିସାରିଛି । ବିଶ୍ୱର ଏମିତି କୌଣସି ସ୍ଥାନ ନାହିଁ, ଯେଉଁଠି ବସବାସ୍ କରୁଥିବା ଲୋକଙ୍କୁ ମୃତ୍ୟର ଭୟ ନଥିବ । କିନ୍ତୁ ଆପଣମାନେ ଜାଣିଛନ୍ତି କି ? ଦୁନିଆରେ ଏମିତି ଏକ ସ୍ଥାନ ଅଛି ଯେଉଁଠି ନା ମୃତ୍ୟୁର ଭୟ ଅଛି ନା ମହାମାରୀର । ଖାସ କଥା ହେଉଛି, ଏହି ସ୍ଥାନ ଭାରତର ଅତି ନିକଟତର ଅଟେ ।

ଶାଙ୍ଗ୍ରୀ-ଲା, ସମ୍ଭାଲା, ସିଦ୍ଧ୍ୱାଶ୍ରମ ଓ ଜାନଗଞ୍ଜ...ସ୍ଥାନ ଗୋଟିଏ ହେଲେ ଭିନ୍ନ ଭିନ୍ନ ନାଁରେ ପରିଚିତ । ଯାହା ଭାରତ ଓ ତିଦ୍ଭତ ମଧ୍ୟରେ ଥିବା କୈଳାଶ ପର୍ବତ ଘାଟିରେ ଅବସ୍ଥିତ । ଏହା ଦୁନିଆର ଏମିତି ଏକ ସ୍ଥାନ 
ଯେଉଁଠି ମହାମାରୀ ଓ ମୃତ୍ୟୁର ଭୟ ନଥାଏ । କିନ୍ତୁ ଏହି ସ୍ଥାନ ଦୁନିଆର ଦୃଷ୍ଟି ଆଢ଼ୁଆଳରେ ରହିଛି ।

ଶାଙ୍ଗ୍ରୀ-ଲା କ’ଣ ?

ଶାଙ୍ଗ୍ରୀ-ଲା ତଥା ସ୍ୱିଦ୍ଧାଶ୍ରମ ଦୁନିଆର ଏମିତି ଏକ ସ୍ଥାନ, ଯାହା ଏହି ଦୁନିଆରେ ଥାଇ ମଧ୍ୟ ଭିନ୍ନ ଏକ ସ୍ଥାନ ଅଟେ । କେତେକ ଲୋକ ସେଠାକାର ଅନୁଭୂତିକୁ ବଖାଣି କହିଛନ୍ତି ଯେ, ସେହି ସ୍ଥାନ ହେଉଛି ଭୂଶୂନ୍ୟ ଏବଂ ବାୟୁ ଶୂନ୍ୟ । ଯେଉଁଠି ସମୟ ନିଜ ପ୍ରଭାବ ପକାଇ ପାରେ ନାହିଁ । ଯଦି କେହି ଏହି ଦୁନିଆକୁ ଯାଆନ୍ତି, ତେବେ ସମୟ ପ୍ରଭାବ ନ ଥିବା କାରଣରୁ ସେମାନଙ୍କୁ ବୟସ ବୃଦ୍ଧିର ରୋକ୍ ଲାଗିଯାଇଥାଏ । ସେମାନେ ଅଧିକ ଦିନ ପର୍ଯ୍ୟନ୍ତ ଯୁବାବସ୍ଥାରେ ହିଁ ଥାନ୍ତି । ଏହା ବ୍ୟତୀତ ସେମାନଙ୍କୁ କୌଣସି ରୋଗ ମଧ୍ୟ ଶୀଘ୍ର ପ୍ରଭାବିତ କରି ନ ଥାଏ । କାରଣ ସମସ୍ତ ପ୍ରକାରର ରୋଗ ସୃଷ୍ଟି କରୁଥିବା ଜୀବାଣୁ କିମ୍ବା 
ବ୍ୟାକ୍ଟେରିଆ ଅନ୍ୟ ଏକ ଦୁନିଆରେ ପ୍ରବେଶ କରିପାରିବେ ନାହିଁ । ଖାଲି ଏତିକି ନୁହେଁ, ଏହି ଘାଟିରେ ପ୍ରବେଶ କରିବା ଦ୍ୱାରା ମନପ୍ରାଣର ବିଚାର ଶକ୍ତି, ଶାରୀରିକ କ୍ଷମତା ଏବଂ ମାନସିକ ଚେତନା ଅନେତ ମାତ୍ରାରେ ବୃଦ୍ଧି ପାଇଥାଏ । 

ଶାଙ୍ଗ୍ରୀ-ଲା କାହିଁକି ଦୃଷ୍ଟି ଆଢ଼ୁଆଳର ବାହାରେ ? 

ଯାହା ପୃଥିବୀର ତିନୋଟି ପରିମେୟ ପରିସର ମଧ୍ୟରୁ ପରିଚତୁର୍ଥ ପରିମେୟ ପରିସରରେ ଅବସ୍ଥିତ ।  ସାଧାରଣତଃ ଆମଦୁନିଆର ଆକାର ଉଚ୍ଚତା, ଲମ୍ବ ଓ ଓସାର ଅଲଗା ପ୍ରକାରର ଘାଟି ସ୍ଥାନରେ ଅବସ୍ଥିତ । ପ୍ରସିଦ୍ଧ ବୈଜ୍ଞାନିକ ଷ୍ଟିଫେନ୍ ହକିଙ୍ଗ ପରିମାପର ସଂଖ୍ୟା ୧୧ ପର୍ଯ୍ୟନ୍ତ ବୋଲି ମତ ରଖିଛନ୍ତି । ଶାଙ୍ଗ୍ରୀ-ଲା ଉପତ୍ୟକା ଚତୁର୍ଥ ଆକାରରେ ଅବସ୍ଥିତ । କିନ୍ତୁ ଆମେ ଆମର ତିନୋଟି ଆକାରରେ ବିଚରଣ କରିବାରେ ଏତେ ଅଭ୍ୟସ୍ତ ହୋଇଗଲୁ ଯେ ଚତୁର୍ଥ ଆକାରର ବସ୍ତୁ ଦେଖୁନାହୁଁ । କେବଳ ଧ୍ୟାନ କରୁଥିବା ସିଦ୍ଧ ମୁନିଋଷିମାନେ ନିଜର ଏକାଗ୍ରତା ଓ ଧ୍ୟାନ ଦ୍ୱାରା ଏହି ଦୁନିଆର ବସ୍ତୁକୁ ଦେଖିପାରନ୍ତି । ଏଥିପାଇଁ ଶାଙ୍ଗ୍ରୀ-ଲାଙ୍କୁ ଆମେ ଦେଖିପାରୁନାହୁଁ । 

ନ୍ୟାସନାଲ ଜିଓଗ୍ରାଫି ଚ୍ୟାନେଲର ଏକ ଟିମ ଏହି ଶାଙ୍ଗ୍ରୀ-ଲା ଘାଟିର ଅନୁସନ୍ଧାର ଚଳାଇଛନ୍ତି । କିନ୍ତୁ ସେମାନଙ୍କ ଟିମ ଏହି ଶାଙ୍ଗ୍ରୀ-ଲା ଘାଟିର କେବଳ ବାହ୍ୟ ଅଂଶ ପର୍ଯ୍ୟନ୍ତ ପହଞ୍ଚି ପାରିଛନ୍ତି ।