ସୁଶାନ୍ତଙ୍କ ନକଲ ଏବେ ଟିକଟକରେ ଭାଇରାଲ

ନୂଆଦିଲ୍ଲୀ: ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ଖବର ତାଙ୍କର ସମସ୍ତ ପ୍ରଶଂସକଙ୍କୁ ଶୋକରେ ବୁଡାଇ ରଖିଛି। ରାଜନେତାମାନଙ୍କ ଠାରୁ ଆରମ୍ଭ କରି ବଲିଉଡ ସେଲିବ୍ରିଟିମାନେ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ। ତେବେ ଏହି ସମୟରେ ସୁଶାନ୍ତ ସିଂ ରାଜପୁତଙ୍କ ଅବିକଳ ଲୁକରେ ଆଉ ଜଣେ ଚରିତ୍ରଙ୍କୁ ଟିକଟକ(TikTok)ରେ ଦେଖିବାକୁ ମିଳିଛି। ଏହି ବ୍ୟକ୍ତିର ନାମ ସାକ୍କି ପାଦାୟା, ଯାହାର ଚେହେରା ସୁଶାନ୍ତ ସିଂ ରାଜପୁତଙ୍କ ଚେହେରା ସହିତ ମିଶି ଯାଉଥିବା ଦେଖିବାକୁ ମିଳିଛି । ଟିକଟକ(TikTok)ରେ ତାଙ୍କର ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି ।

ସାଇକି (Saqqy Padaya) ଟିକଟକ(TikTok)ରେ ସୁଶାନ୍ତ ସିଂ ରାଜପୁତଙ୍କୁ ଶ୍ରଦ୍ଧାଞ୍ଜଳି ଜଣାଇ ଏକ ଭିଡିଓ ତିଆରି କରିଥିଲେ। ଯେଉଁଥିରେ ସେ ସୁଶାନ୍ତ ସିଂ ରାଜପୁତଙ୍କ ପରି ଠିକ୍ ଚାଲୁଥିବାର ନଜର ଆସିଛନ୍ତି ଏବଂ କ୍ୟାପସନରେ ଲେଖିଛନ୍ତି, 'ରେଷ୍ଟ ଇନ ପିସ ମାଇ ଆଇଡଲ'। ତାଙ୍କର ଏହି ଭିଡିଓ ସବୁ ସ୍ଥାନରେ ସେୟାର କରାଯାଉଛି । ଲୋକମାନେ ତାଙ୍କୁ ବଲିଉଡରେ ପ୍ରବେଶ କରାଇବାକୁ କହୁଛନ୍ତି।

୩ ଲକ୍ଷରୁ ଅଧିକ ଲାଇକ୍ ଏବଂ 2 ହଜାରରୁ ଅଧିକ କମେଣ୍ଟ ସହିତ ଟିକଟକରେ ବର୍ତ୍ତମାନ ପର୍ଯ୍ୟନ୍ତ ୭.୧ ମିଲିୟନ୍ ଭ୍ୟୁ ମିଳି ସାରିଛି। ସେ ଏହି ଭିଡିଓକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ଏବଂ ଲେଖିଛନ୍ତି, 'ନମସ୍କାର ବନ୍ଧୁଗଣ, ମୁଁ କେଉଁଠାରୁ ଆରମ୍ଭ କରିବି ଜାଣିନାହିଁ, କିନ୍ତୁ ମୁଁ ସମସ୍ତଙ୍କୁ ଧନ୍ୟବାଦ ଦେବାକୁ ଚାହୁଁଛି। ମୁଁ ମୋର ଆଦର୍ଶ ସୁଶାନ୍ତ ସିଂ ରାଜପୁତଙ୍କୁ ଟିକଟକରେ ମୋର ଶ୍ରଦ୍ଧାଞ୍ଜଳିର ଏକ ଭିଡିଓ ପୋଷ୍ଟ କରିଥିଲି, ଯାହାକୁ ତୁମେ ଢେର ଭଲ ପାଇବା ଦେଇଥିଲେ । ଏହି ଭିଡିଓ ଏକ ଘଣ୍ଟା ମଧ୍ୟରେ ଭାଇରାଲ ହେଲା । ଏହା କେବଳ ମୋର ପ୍ରତିମା ସୁଶାନ୍ତ ସିଂ ରାଜପୁତ ସାର୍ ଏବଂ ଆପଣମାନଙ୍କ ଯୋଗୁଁ ସମ୍ଭବ ହୋଇଥିଲା । ଏଥିପାଇଁ ଆପଣଙ୍କୁ ଅଶେଷ ଅଶେଷ ଧନ୍ୟବାଦ ।