ସୁଶାନ୍ତ ସିଂହ ରାଜପୁତ ଆତ୍ମହତ୍ୟା ମାମଲା: ପଛଘୁଞ୍ଚା ଦେଲେ ଶେଖର, କହିଲେ ଏପରି କଥା...

ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାର ସିବିଆଇ ତଦନ୍ତ ଦାବି କରିଥିଲେ ରାଜନେତା ଓ ଅଭିନେତା। ତେବେ ସିବିଆଇ ତଦନ୍ତ ଦାବି କରିଥିବା ଅଭିନେତା ଶେଖର ସୁମନ ନିଜ ଦାବିରୁ ପଛଘୁଞ୍ଚା ଦେଇଛନ୍ତି। ପୂର୍ବରୁ ସେ କେବଳ ଆତ୍ମହତ୍ୟା ମାମଲାରେ ସୀମିତ ରଖିବା ଭୁଲ ହେବ ବୋଲି କହିଥିଲେ।

ସୁଶାନ୍ତ ସିଂହ ରାଜପୁତ ଆତ୍ମହତ୍ୟା ମାମଲା:  ପଛଘୁଞ୍ଚା ଦେଲେ ଶେଖର, କହିଲେ ଏପରି କଥା...

ନୂଆଦିଲ୍ଲୀ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାର ସିବିଆଇ ତଦନ୍ତ ଦାବି କରିଥିଲେ ରାଜନେତା ଓ ଅଭିନେତା। ତେବେ ସିବିଆଇ ତଦନ୍ତ ଦାବି କରିଥିବା ଅଭିନେତା ଶେଖର ସୁମନ ନିଜ ଦାବିରୁ ପଛଘୁଞ୍ଚା ଦେଇଛନ୍ତି। ପୂର୍ବରୁ ସେ କେବଳ ଆତ୍ମହତ୍ୟା ମାମଲାରେ ସୀମିତ ରଖିବା ଭୁଲ ହେବ ବୋଲି କହିଥିଲେ। ଫଳରେ ସୁଶାନ୍ତଙ୍କୁ ନ୍ୟାୟ ଦେବା ଦାବିରେ ଅଭିନେତା ଶେଖର ସୁମନ ସୋସିଆଲ ମିଡିଆରେ ପ୍ରଚାର କରିଥିଲେ। କିନ୍ତୁ ବର୍ତ୍ତମାନ ସୁଶାନ୍ତଙ୍କ ମୃତ୍ୟୁକୁ ଏକ ମାସ ବିତିସାରିଛି। 

ତେବେ ଶେଖର ଏହି ନ୍ୟାୟ ଦେବା ଦାବିରେ ଏକୁଟିଆ ହୋଇଯିବା ଫଳରେ ପଛଘୁଞ୍ଚା ଦେଇଛନ୍ତି। ସୋସିଆଲ ମିଡିଆରେ ଶେଖର ସୁମନ ଏପରି କିଛି ଟ୍ୱିଟ୍ କରିଛନ୍ତି, ଯାହା ମାଧ୍ୟମରେ ତାଙ୍କ ମନରେ ଥିବା ଭିତର ଅସନ୍ତୋଷକୁ ସ୍ପଷ୍ଟ ଭାବରେ ବୁଝିହେବ। ଶେଖର ସୁମନ ତାଙ୍କର  ଟ୍ୱିଟରେ ସୁଶାନ୍ତ ମାମଲାରୁ ନିଜକୁ ଦୂରେଇ ରଖିବା କଥା କହିଛନ୍ତି। ସେ କହିଛନ୍ତି ଯେ ଯେତେବେଳେ ପରିବାର ନ୍ୟାୟ ଦେବାରେ କୌଣସି ଜୋର ଦେଉ ନାହାନ୍ତି। ପରିବାରର ସଦସ୍ୟ ନିରବ ରହୁଛନ୍ତି, ତେବେ କେହି କିପରି ନ୍ୟାୟ ଦେବା ବିଷୟରେ ଆଲୋଚନା କରିପାରିବେ । 

ଶେଖର ଆହୁରି ମଧ୍ୟ କହିଛନ୍ତି, ଯେଉଁମାନେ ଏହି ଅଭିଯାନରେ ମୋ ସ୍ୱରକୁ ମଜବୁତ କରିଛନ୍ତି, ମୋତେ ସହଯୋଗ କରିଛନ୍ତି ସେମାନଙ୍କୁ ଧନ୍ୟବାଦ । କିନ୍ତୁ ବର୍ତ୍ତମାନ ମୁଁ ଏହି ପ୍ରସଙ୍ଗରୁ ଓହରିବାକୁ ବାଧ୍ୟ ହେଉଛି । ସୁଶାନ୍ତଙ୍କ ପରିବାର ସମ୍ପୂର୍ଣ୍ଣ ନିରବ, ଏଭଳି ଆଚରଣ ମୋତେ ବ୍ୟଥିତ କରୁଛି । ମୁଁ ସହଜରେ ଏହାକୁ ଗ୍ରହଣ କରିପାରୁନାହିଁ । ଶାନ୍ତ ରହିବା ସେମାନଙ୍କର ଅଧିକାର ଏବଂ ଆମେ ଏହାକୁ ସମ୍ମାନ ଦେବା ଉଚିତ୍ ବୋଲି ଶେଖର କହିଛନ୍ତି ।

ସେ ଆହୁରି କହିଛନ୍ତି ଯେ, ସୁଶାନ୍ତ ମାମଲା ମାଧ୍ୟମରେ ସମଗ୍ର ବିଶ୍ୱ ଆମର ଏକତା ଦେଖିବାର ସୁଯୋଗ ପାଇବ। ସମସ୍ତେ ଜାଣିବେ ଯେ ଏକ ଗୋଷ୍ଠୀ କିପରି ସକ୍ରିୟ ହୋଇ ବଲିଉଡ଼କୁ ନିୟନ୍ତ୍ରଣ କରୁଛି। ସେମାନଙ୍କ ଅପରାଧ ପାଇଁ ସେମାନଙ୍କୁ କିପରି ଦଣ୍ଡ ଦିଆଯାଇଛି । ତେବେ ଶେଖର ସୁମନଙ୍କ ଏହି ଟ୍ୱିଟ୍ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସେତେବେଳେ ସମସ୍ତେ ଅନୁଭବ କରିବାକୁ ଲାଗିଲେ ଯେ ବର୍ତ୍ତମାନ ସୁଶାନ୍ତଙ୍କୁ ନ୍ୟାୟ ଦେବାରେ ଜଣଙ୍କର ହ୍ରାସ ପାଇଛି, ସେତେବେଳେ ଶେଖର ସୁମନଙ୍କ ଆଉ ଏକ ଟ୍ୱିଟ ଆସିଥିଲା।

ଶେଖର ସୁମନଙ୍କ ଉକ୍ତ ଟ୍ୱିଟ କେବଳ ୟୁ-ଟର୍ଣ୍ଣ ପାଇଁ ନୁହେଁ ବରଂ ସେ ତାଙ୍କ ମନରେ ଚାଲିଥିବା ଅଶାନ୍ତି ବିଷୟରେ ମଧ୍ୟ ବୁଝାଉଥିଲା। ଶେଖର କହିଛନ୍ତି, ମୁଁ ପୁଣି ଭାବିଲି ଏବଂ ଅନୁଭବ କଲି ଯେ ଆମେ ଅନେକ ଲୋକଙ୍କ ଭାବନାକୁ ଆଘାତ କରିପାରିବୁ ନାହିଁ । ମୋତେ ଏହି ଯୁଦ୍ଧ କରିବାକୁ ପଡ଼ିବ । ଯଦି ପରିବାର ଏକାଠି ନ ହୁଅନ୍ତି ତେବେ ସୁଶାନ୍ତ ଜଣେ ସାଧାରଣ ବ୍ୟକ୍ତି ଥିଲେ ଏବଂ ଆମେ ତାଙ୍କ ପାଇଁ ଲଢୁଛୁ ବୋଲି ସେ ଟ୍ୱିଟ ଯୋଗେ ସୂଚନା ଦେଇଥିଲେ।