ତେଲୁଗୁ ସୁପରଷ୍ଟାର ଜୟପ୍ରକାଶଙ୍କ ହୃଦଘାତରେ ମୃତ୍ୟୁ

ନୂଆଦିଲ୍ଲୀ: ତେଲୁଗୁ ସୁପରଷ୍ଟାର ଜୟ ପ୍ରକାଶ ରେଡ୍ଡୀ(Jaya Prakash Reddy)ଙ୍କର ଆଜି ସକାଳେ ତାଙ୍କ ବାସଭବନରେ ଦେହାନ୍ତ ହୋଇ ଯାଇଛି । ୭୪ ବର୍ଷୀୟ ଜୟପ୍ରକାଶଙ୍କର ଆନ୍ଧ୍ରପ୍ରଦେଶର ଗୁଣ୍ଟୁରସ୍ଥିତ ତାଙ୍କ ବାସଭବନରେ ହୃଦଘାତରେ ଆଜି ଦେହାନ୍ତ ହୋଇଛି। ସାଉଥ ସିନେ ଇଣ୍ଡଷ୍ଟ୍ରୀର ଅଭିନେତା ସୁଧୀର ବାବୁ ଟ୍ୱିଟ ଯୋଗେ ଏହି ସୂଚନା ଦେଇଥିଲେ। ସୁଧୀର ବାବୁ ଟ୍ୱିଟରରେ ଜୟପ୍ରକାଶଙ୍କ ଏକ ଫଟୋ ପୋଷ୍ଟ କରି ଲେଖିଥିଲେ କି, ଏହା ଏକ ଭୟଙ୍କର ଖବର। ରିପ ସାର ଜୟପ୍ରକାଶ ରେଡ୍ଡୀ।  

ସେହିପରି ଜୟପ୍ରକାଶଙ୍କ ନିଧନରେ ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡ଼ୁ ମଧ୍ୟ ଶୋକବ୍ୟକ୍ତ କରିଛନ୍ତି। ସେ ତାଙ୍କ ଟ୍ୱିଟରରେ ଲେଖିଛନ୍ତି କି, ତେଲୁଗୁ ସିନେମା ଏବଂ ଥିଏଟରରେ ଜୟପ୍ରକାଶ ଭାଇଙ୍କ ନିଧନ ସହିତ ଆଜି ଏକ ରତ୍ନଙ୍କୁ ହରାଇଛି। ଦଶନ୍ଧି ଦଶନ୍ଧି ଧରି ସେ ବିଭିନ୍ନ ଚରିତ୍ରରେ ଅଭିନୟ କରିସାରିଛନ୍ତି। ସେଏକାଧିକ ଦମଦାର ସିନେମା ଦକ୍ଷିଣ ଭାରତୀୟ ସିନେ ଇଣ୍ଡଷ୍ଟ୍ରୀକୁ ଦେଇଛନ୍ତି ବୋଲି ଚନ୍ଦ୍ରବାବୁ ନାୟିଡ଼ୁ ତାଙ୍କ ଟ୍ୱିଟରରେ ଉଲ୍ଲେଖ କରିଛନ୍ତି।  

ସୂଚନାଯୋଗ୍ୟ ଜୟପ୍ରକାଶ ୧୯୮୮ ମସିହାରେ ବ୍ରହ୍ମପୁତ୍ର ସିନେମାରେ ଟଲିଉଡ଼ି ଜଗତରେ ପ୍ରବେଶ କରିଥିଲେ। ତେବେ ସେ ଅଧିକାଂଶ ସିନେମାରେ ନେଗେଟିଭ ରୋଲରେ ଅଭିନୟ କରୁଥିଲେ। ତେବେ ତାଙ୍କ ମୃତ୍ୟୁରେ ଏହ ବିରାଟ ଶୁନ୍ୟସ୍ଥାନ ସୃଷ୍ଟି ହୋଇଛି ବୋଲି ଦକ୍ଷିଣ ଭାରତୀୟ ସିନେ ଜଗତର ଅଧିକାଂଶ ଅଭିନେତା ଅଭିନେତ୍ରୀ କହିଛନ୍ତି।