Hyderabad Loksabha Election:ସେଇ ଲୋକସଭା ଆସନ ,ଯେଉଁଠି ଗଲା ୪୦ ବର୍ଷ ହେଲା ନିର୍ବାଚନ ଜିତି ନାହାନ୍ତି ଜଣେ ବି ହିନ୍ଦୁ

Hyderabad Loksabha Election: ଲୋକସଭା ନିର୍ବାଚନ ପାଇଁ ବିଗୁଲ୍ ବାଜି ସାରିଛି। ଏପ୍ରିଲ ୧୯ତାରିଖରୁ ଆରମ୍ଭ ହୋଇ ଜୁନ୍ ପହିଲା ପର୍ଯ୍ୟନ୍ତ ୭ଟି ପର୍ଯ୍ୟାୟରେ ମତଦାନ ଶେଷ ହେବ। ଜୁନ୍ ୪ତାରିଖରେ ଫଳାଫଳ ଆସିବ। ହାଇଦ୍ରାବାଦ ଲୋକସଭା ଆସନ ସମେତ ପ୍ରତ୍ୟେକ ଆସନ ପାଇଁ ରାଜନୈତିକ ଦଳଗୁଡ଼ିକ ରଣନୀତି ପ୍ରସ୍ତୁତ କରୁଛନ୍ତି। ଗତ ୪୦ ବର୍ଷ ମଧ୍ୟରେ କୌଣସି ହିନ୍ଦୁ ନେତା ଏହି ଆସନରୁ ସାଂସଦ ହୋଇନାହାନ୍ତି। ୧୯୮୪ ମସିହାରୁ ଏହି ଆସନ କ୍ରମାଗତ ଭାବେ ଓୱେସି ପରିବାର ପାଖରେ ରହି ଆସିଛି।

୧୯୬୨ ଓ ୧୯୬୭ ଲୋକସଭା ନିର୍ବାଚନରେ କଂଗ୍ରେସ  ଏହି ଆସନରେ ବିଜୟୀ ହୋଇଥିଲା। ଉଭୟ ଥର କଂଗ୍ରେସ ନେତା ଗୋପାଲିଆ ସୁବୁକୃଷ୍ଣ ମେଲକୋଟ ବିଜୟୀ ହୋଇଥିଲେ। ୧୯୭୧ ଲୋକସଭା ନିର୍ବାଚନରେ ସେ କଂଗ୍ରେସ ଛାଡି ତେଲେଙ୍ଗାନା ପ୍ରଜା ସମିତିରେ ଯୋଗ ଦେଇ କ୍ରମାଗତ ତୃତୀୟ ଥର ପାଇଁ ଏହି ଆସନରୁ ବିଜୟୀ ହୋଇଥିଲେ।

୧୯୭୭ ଲୋକସଭା ନିର୍ବାଚନରେ କଂଗ୍ରେସ ନେତା କେଏସ୍ ନାରାୟଣ ପୁଣି ଥରେ ଏହି ଆସନରେ ବିଜୟୀ ହୋଇଥିଲେ, କିନ୍ତୁ ଏଥର କଂଗ୍ରେସ (ଆଇ) ଟିକେଟରେ। ଏହାପରେ କୌଣସି ହିନ୍ଦୁ ନେତା ଏହି ଆସନରେ ବିଜୟୀ ହୋଇନାହାନ୍ତି। ୧୯୮୪ରେ ସୁଲତାନ ସଲାହୁଦ୍ଦିନ ଓୱେସି ପ୍ରଥମ ଥର ପାଇଁ ସ୍ୱାଧୀନ ପ୍ରାର୍ଥୀ ଭାବେ ଏହି ଆସନରୁ ବିଜୟୀ ହୋଇଥିଲେ।

Add Zee News as a Preferred Source

ଏହାପରେ ସୁଲତାନ ସଲାହୁଦ୍ଦିନ ଓୱେସି ୧୯୮୯, ୧୯୯୧, ୧୯୯୬, ୧୯୯୮, ୧୯୯୯ରେ ଏହି ଆସନରୁ ବିଜୟୀ ହୋଇ ଲୋକସଭାରେ ପହଞ୍ଚିଥିଲେ। ତାଙ୍କ ମୃତ୍ୟୁ ପରେ ତାଙ୍କ ବଡ଼ ପୁଅ ଅସଦୁଦ୍ଦିନ ଓୱେସି ୨୦୦୪ରେ ପ୍ରଥମ ଥର ପାଇଁ ଏହି ଆସନରୁ ନିର୍ବାଚନ ଲଢ଼ିଥିଲେ ଏବଂ ୨୦୦୯, ୨୦୧୪ ଓ ୨୦୧୯ରେ ବିଜୟୀ ହୋଇଥିଲେ। ବର୍ତ୍ତମାନ ସୁଦ୍ଧା ସେ ୪ ଥର ସାଂସଦ ହୋଇଛନ୍ତି। ଏଥର ପୁଣି ଥରେ ସେ ଏହି ଆସନରୁ ନିର୍ବାଚନ ଲଢ଼ିବାକୁ ପ୍ରସ୍ତୁତି ଚଳାଇଛନ୍ତି।

୧୯୬୨ ଓ ୧୯୬୭ ଲୋକସଭା ନିର୍ବାଚନରେ କଂଗ୍ରେସ ପୁଣି ଥରେ ଏହି ଆସନରେ ବିଜୟୀ ହୋଇଥିଲା। ଉଭୟ ଥର କଂଗ୍ରେସ ନେତା ଗୋପାଲିଆ ସୁବୁକୃଷ୍ଣ ମେଲକୋଟ ବିଜୟୀ ହୋଇଥିଲେ। ୧୯୭୧ ଲୋକସଭା ନିର୍ବାଚନରେ ସେ କଂଗ୍ରେସ ଛାଡି ତେଲେଙ୍ଗାନା ପ୍ରଜା ସମିତିରେ ଯୋଗ ଦେଇ କ୍ରମାଗତ ତୃତୀୟ ଥର ପାଇଁ ଏହି ଆସନରୁ ବିଜୟୀ ହୋଇଥିଲେ