Maoist: ଚାଲିଛି ମାଓ ନିପାତ ଅଭିଯାନ, ୩୦ ନକ୍ସଲ ନିହତ...

Maoist: ଛତିଶଗଡ଼ର ନାରାୟଣପୁର ଜିଲ୍ଲାର ଓରଛା ଥାନା ଅଞ୍ଚଳର ଘନ ଜଙ୍ଗଲରେ ସୁରକ୍ଷା ବାହିନୀ ଏବଂ ମାଓବାଦୀଙ୍କ ମଧ୍ୟରେ ଚାଲିଥିବା ଏନକାଉଣ୍ଟରରେ ସୁରକ୍ଷାକର୍ମୀ ମାନେ ବଡ଼ ସଫଳତା ହାସଲ କରିଛନ୍ତି। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଏହି ଏନକାଉଣ୍ଟରରେ ମୋଷ୍ଟ ୱାଣ୍ଟେଡ୍ ମାଓ କମାଣ୍ଡର ନାମ୍ବାଲା କେଶବ ରାଓ ଓରଫ ବାସଭ ରାଜୁ ନିହତ ହୋଇଥିବା କୁହା ଯାଉଛି। ବାସଭ ରାଜୁ ମାଓବାଦୀଙ୍କ କମ୍ପାନୀ ନମ୍ବର ୦୭ ସହିତ ଜଡିତ ଥିଲେ ଏବଂ ତାଙ୍କୁ ସିସିଏମ (କେନ୍ଦ୍ରୀୟ କମିଟି ସଦସ୍ୟ) ଏବଂ ପିବିଏମ (ପଲିଟବ୍ୟୁରୋ ସଦସ୍ୟ) ଭଳି ଉଚ୍ଚପଦସ୍ଥ ମାଓବାଦୀଙ୍କୁ ସୁରକ୍ଷା ଯୋଗାଇବାର ଦାୟିତ୍ୱ ଦିଆଯାଇଥିଲା।

ଏନକାଉଣ୍ଟର ସ୍ଥଳ ରେ ସର୍ଚ୍ଚ ଅପରେସନ ଜାରି ରହିଥିବା ଜଣା ପଡ଼ିଛି। ଏବଂ କୁହାଯାଉଛି ଯେ ଏହି ଅପରେସନରେ ପ୍ରାୟ ୩୦ ଜଣ ମାଓବାଦୀ ନିହତ ହୋଇଛନ୍ତି, ଯଦିଓ ଏହା ଏପର୍ଯ୍ୟନ୍ତ ସରକାରୀ ଭାବରେ ନିଶ୍ଚିତ ହୋଇନାହିଁ।

ମାଓବାଦୀଙ୍କ ଗଡ଼ କୁହାଯାଉଥିବା ନାରାୟଣପୁରର ଦୁର୍ଗମ ଏବଂ ଘନ ଜଙ୍ଗଲରେ ସୁରକ୍ଷା ବାହିନୀ ଏହି ଅପରେସନ୍ କରିଥିଲେ। ଏହି ସଫଳତାକୁ ମାଓବାଦୀଙ୍କ ବିରୋଧରେ ଚାଲିଥିବା ଅଭିଯାନରେ ଏକ ବଡ଼ ସଫଳତା ଭାବରେ ଦେଖାଯାଉଛି। ଏଥି ପୂର୍ବରୁ ମଧ୍ୟ ଛତିଶଗଡ ରାଜ୍ୟରେ ବଡ ବଡ ଅପରେସନ କରା ଯାଇଛି। ଚଳିତ ଅପରେସନ ରେ ବାସବା ରାଯୁଙ୍କ ମୃତ୍ୟୁ ସବୁଠାରୁ ଗୁରୁତ୍ୱପୂର୍ଣ୍ଣ। ଆଗାମୀ ଦିନରେ ମଧ୍ୟ ସମ୍ପୂର୍ଣ ମାଓ ନିପାତ ହେବାଯାଏ ଏହିଭଳି ମାଓ ନିପାତ୍ ଅଭିଯାନ ଜାରି ରହିବ ବୋଲି ଜଣା ପଡିଛି।