 "ଦକ୍ଷିଣ ଓଡିଶାରେ ଅଧିକ ଡ୍ରପ୍ ଆଉଟ୍")
ଭୁବନେଶ୍ୱର: ରାଜ୍ୟରେ ଅଧାରୁ ପାଠ ଛାଡୁଥିବା ପିଲାଙ୍କ ସଂଖ୍ୟାରେ ଲାଗୁନି ଲଗାମ। ଏବେବି ୪.୭୫ ପ୍ରତିଶତ ପିଲା ଡ୍ରପ୍ ଆଉଟ ହୋଇଛନ୍ତି। ତେବେ ଦକ୍ଷିଣ ଓଡିଶାରେ ସର୍ବାଧିକ ପାଲି ଅଧାରୁ ପାଠ ଛାଡିଛନ୍ତି। ବିଜେପି ବିଧାୟକ ମୁକେଶ ମହଲିଙ୍ଗଙ୍କ ପ୍ରଶ୍ନର ଉତ୍ତରରେ ଏ କଥା ବିଦ୍ୟାଳୟ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ ଦେଇଛନ୍ତି।
ବିଧାନସଭାରେ ବିଧାୟକ ମୁକେଶ ମହାଲିଙ୍ଗ (Mukesh Mahaling) ଙ୍କ ପ୍ରଶ୍ନର ଉତ୍ତରରେ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ (Samir Dash) ରାଜ୍ୟର ଡ୍ରପ୍ ଆଉଟ୍ ହାର କହିଛନ୍ତି। ମନ୍ତ୍ରୀ ଦେଇଥିବା ସୂଚନା ଅନୁସାରେ ରାଜ୍ୟରେ ଡ୍ରପ ଆଉଟ (Odisha Dropout) ହାର ୪.୭୫ ପ୍ରତିଶତ ଅଛି। ୨୦୧୮-୧୯ ବର୍ଷରେ ଏହା ୬.୯୩ ପ୍ରତିଶତ ଥିଲା। ତେବେ ମନ୍ତ୍ରୀଙ୍କ ଅନୁସାରେ ରାଜ୍ୟରେ ଡ୍ରପ୍ ଆଉଟ୍ ହାର କେବଳ ୨.୧୮ ପ୍ରତିଶତ ହ୍ରାସ ପାଇଛି।
ରାଜ୍ୟରେ ସର୍ବାଧିକ ଡ୍ରପ୍ ଆଉଟ୍ (Dropout) ଜିଲ୍ଲା ତାଲିକାର ଶୀର୍ଷରେ ନବରଙ୍ଗପୁର (Nabrangpur) ଅଛି। ଗତବର୍ଷ ଅଧାରୁ ପାଠ ଛାଡୁଥିବା ପିଲାଙ୍କ ହାର ୧୧.୨୧ ପ୍ରତିଶତ ଥିବା ବେଳେ ଚଳିତବର୍ଷ ୨.୧୪ ପ୍ରତିଶତ ବୃଦ୍ଧି ପାଇ ତାହା ୧୩.୩୫ ପ୍ରତିଶତ ହୋଇଛି। ସେହିପରି ୧୩ ପ୍ରତିଶତ ସହ ଦ୍ୱିତୀୟରେ ମାଲକାନଗିରି ଓ ୯.୩୮ ପ୍ରତିଶତ ରହିଛି ଡ୍ରପ ଆଉଟ ହାର ସହ ତୃତୀୟରେ ଗଜପତି ଜିଲ୍ଲା ଅଛି। ଗତବର୍ଷ ଗଜପତିରେ ଡ୍ରପ ଆଉଟ ହାର ୫.୯୧ ପ୍ରତିଶତ ଥିଲା।
ସେହିପରି ଡ୍ରପ୍ ଆଉଟ୍ ତାଲିକାର ଚତୁର୍ଥରେ କୋରାପୁଟ (Koraput) ଅଛି। ଏହାର ପଛକୁ ମୟୁରଭଞ୍ଜ, କନ୍ଧମାଳ, ନୂଆପଡା ଓ ସୁନ୍ଦରଗଡ଼ ଜିଲ୍ଲା ରହିଛି। ମନ୍ତ୍ରୀଙ୍କ ଦ୍ୱାରା ଦିଆଯାଇଥିବା ତାଲିକାର ଶୀର୍ଷ ୫ରେ ଦକ୍ଷିଣ ଓଡିଶା (South Odisha) ର ୪ଟି ଜିଲ୍ଲା ଅଛି। ତେବେ ଡ୍ରପ୍ ଆଉଟ୍କୁ ଅନୁଧ୍ୟାନ କଲେ ଆଦିବାସୀ ଅଧ୍ୟୁସିତ ଜିଲ୍ଲାରେ ସର୍ବାଧିକ ପିଲା ଅଧାରୁ ପାଠ (Dropout students) ଛାଡୁଛନ୍ତି। ତେବେ ଏହି ତଥ୍ୟକୁ ଦେଖିଲେ ସରକାରଙ୍କ ଶୀକ୍ଷା ନୀତିର କାର୍ଯ୍ୟକାରିତା ଉପରେ ପ୍ରଶ୍ନ ଉଠୁଛି।
)