କୋରୋନାକୁ ମାତ୍ ଦେଲେ ଏହି ରାଜ୍ୟର ଜଣେ ୧୦୩ ବର୍ଷୀୟ ବୃଦ୍ଧ, ମାସେ ଯାଏ ଚାଲିଥିଲା ଚିକିତ୍ସା

ନୂଆଦିଲ୍ଲୀ: ଭାରତରେ କ୍ରମାଗତ କାୟା ବିସ୍ତାର କରି ଚାଲିଛି କୋରୋନା ଭୂତାଣୁ । ପ୍ରତିଦିନ କୋରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏହାସହ ବୃଦ୍ଧି ପାଉଛି କୋରୋନା ଜନିତ ମୃତ୍ୟୁ ସଂଖ୍ୟା । ଅନ୍ୟପକ୍ଷେ ମହାରାଷ୍ଟ୍ରର ଜଣେ ୧୦୩ ବର୍ଷୀୟ ବୃଦ୍ଧ ବ୍ୟକ୍ତି ସୋମବାର କୋଭିଡ-19କୁ ମାତ୍ ଦେଇଛନ୍ତି । ସେ ସୁସ୍ଥ ହେବା ପରେ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି । ତାଙ୍କୁ ଚିକିତ୍ସା କରୁଥିବା ଡାକ୍ତର ଏହି ସୂଚନା ଦେଇଛନ୍ତି । ଡାକ୍ତର ଡକ୍ଟର ସମିତ ସୋହୋନି କହିଛନ୍ତି ଯେ, ୧୦୩ ବର୍ଷୀୟ ବୃଦ୍ଧ ବ୍ୟକ୍ତିଙ୍କ ୮୫ ବର୍ଷୀୟ ଭାଇ ମଧ୍ୟ ଭୂତାଣୁ ସଂକ୍ରମଣରୁ ସୁସ୍ଥ ହେଉଛନ୍ତି । ତାଙ୍କୁ ମଧ୍ୟ ଶୀଘ୍ର ଡିସଚାର୍ଜ କରାଯିବ । ସୋହୋନି କହିଛନ୍ତି ଯେ, ସିଦ୍ଧେଶ୍ୱର ତାଲାଓ ଅଞ୍ଚଳର ଜଣେ ବାସିନ୍ଦା ଏକ ମାସ ପୂର୍ବରୁ କୋଭିଡ-ନିମୋନିଆ କାରଣରୁ ଡାକ୍ତରଖାନାରେ ଭର୍ତ୍ତି ହୋଇଥିଲେ ।

ସେ କହିଛନ୍ତି ଯେ, ତାଙ୍କୁ ୨୦ ଦିନ ପାଇଁ ଆଇସିୟୁରେ ଭର୍ତ୍ତି କରାଯାଇଥିଲା । ସଂକ୍ରମଣରୁ ସେ ସମ୍ପୂର୍ଣ୍ଣ ସୁସ୍ଥ ହୋଇ ସୋମବାର ଡିସଚାର୍ଜ ହୋଇଛନ୍ତି । ଏଠାରେ କହି ରଖୁଛୁ ଯେ, ଗୋଟିଏ ପଟେ ଭାରତରେ ଏହି ଭୂତାଣୁ ଯୋଗୁଁ ହଜାର ହଜାର ଲୋକଙ୍କର ମୃତ୍ୟୁ ଘଟୁଛି ।