ବିଶ୍ୱବ୍ୟାପୀ କେମିତି ରହିଛି କୋରୋନା ସ୍ଥିତି ?

ନୂଆଦିଲ୍ଲୀ: ବିଶ୍ୱବ୍ୟାପୀ କୋରୋନା ତୀବ୍ର ଗତିରେ ବଢ଼ୁଛି । ଏପର୍ଯ୍ୟନ୍ତ ୧ କୋଟି ୧୧ ଲକ୍ଷ ୯୦ ହଜାର ୬୭୮ ଜଣ ଆକ୍ରାନ୍ତ ଚିହ୍ନଟ ହେଲେଣି । ସେହିପରି ୫ଲକ୍ଷ ୨୯ ହଜାର ୧୧୩ ଆକ୍ରାନ୍ତଙ୍କ ମୃତ୍ୟୁ ହେଲାଣି । ତେବେ ଆଶ୍ୱସ୍ତକର ଖବର ଏହା ଯେ, ଆକ୍ରାନ୍ତଙ୍କ ମଧ୍ୟରୁ ୬୨ଲକ୍ଷ ୯୭ ହଜାର ୬୧୦ ଆକ୍ରାନ୍ତ ସୁସ୍ଥ ହୋଇସାରିଛନ୍ତି । ଏବେ ୪୩ଲକ୍ଷ ୬୩ ହଜାର ୯୫୫ଟି ଆକ୍ଟିଭ କେସ ରହିଛି । 

ଆକ୍ରାନ୍ତଙ୍କ ସଂଖ୍ୟାରେ ଟପ-1ରେ ରହିଛି ଆମେରିକା । ୨୮ ଲକ୍ଷ ୯୦ ହଜାର ୫୮୮ଜଣ ଆକ୍ରାନ୍ତ ଆମେରିକାରେ ଚିହ୍ନଟ ହେଲେଣି । ସେହିପରି ୧ଲକ୍ଷ ୩୨ ହଜାର ୧୦୧ ଆକ୍ରାନ୍ତଙ୍କ ମୃତ୍ୟୁ ହେଲାଣି । ଆକ୍ରାନ୍ତଙ୍କ ମଧ୍ୟରୁ ୧୨ଲକ୍ଷ ୩୫ ହଜାର ୪୮୮ଜଣ ସୁସ୍ଥ ମଧ୍ୟ ହୋଇସାରିଛନ୍ତି । 

ତାଲିକାର ଦ୍ୱିତୀୟ ଓ ତୃତୀୟରେ ବ୍ରାଜିଲ ଓ ଋଷ ରହିଛନ୍ତି । ବ୍ରାଜିଲରେ ଆକ୍ରାନ୍ତଙ୍କ ସଂଖ୍ୟା ୧୫ଲକ୍ଷ ୪୩ ହଜାର ୩୪୧ ରହିଛି । ୬୩ ହଜାର ୨୫୪ ଜଣଙ୍କ ମୃତ୍ୟୁ ମଧ୍ୟ ହେଲାଣି । ତେବେ ୯ଲକ୍ଷ ୪୫ ହଜାରରୁ ଉର୍ଦ୍ଧ୍ୱ ଆକ୍ରାନ୍ତ ଏହି ଦେଶରେ ସୁସ୍ଥ ମଧ୍ୟ ହୋଇସାରିଛନ୍ତି । ଅନ୍ୟପଟେ ଋଷରେ ୬ଲକ୍ଷ ୬୭ ହଜାର ୮୮୩ଟି ମାମଲା ସାମ୍ନାକୁ ଆସିଛି । ଅବଶ୍ୟ ମୃତ୍ୟୁ ସଂଖ୍ୟାକୁ ବେଶ ନିୟନ୍ତ୍ରଣରେ ରଖିପାରିଛି ଋଷ । ୯ ହଜାର ୮୫୯ କୋରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ସେହିପରି ଆକ୍ରାନ୍ତଙ୍କ ମଧ୍ୟରୁ ୪ ଲକ୍ଷ ୩୭ ହଜାର ୮୯୩ ଆକ୍ରାନ୍ତ ସୁସ୍ଥ ହେଲେଣି । 

ଆମ ଦେଶ ଭାରତ ତାଲିକାର ଚତୁର୍ଥ ସ୍ଥାନରେ ରହିଛି । ସ୍ପେନ ଓ ପେରୁ ପଞ୍ଜମ ଓ ଷଷ୍ଠ ସ୍ଥାନରେ ରହିଛନ୍ତି । ଭାରତରେ ଏବେ ପ୍ରତ୍ୟାକ ଦିନ ପାଖାପାଖି ୨୦ ହଜାର ନୂଆ ମାମଲା ସାମ୍ନାକୁ ଆସୁଛି । ଭାରତ ଯେ ଖୁବଶୀଘ୍ର ଋଷକୁ ଅତିକ୍ରମ କରି ତାଲିକାର ତୃତୀୟ ସ୍ଥାନରେ ପହଞ୍ଚିବ, ତାହା ଗୋଟିଏ ପ୍ରକାର ସ୍ପଷ୍ଟ ହେଉଛି ।