କୋରୋନା ତାଣ୍ଡବ: ଆଜି ମୁମ୍ୱାଇରେ କୋରୋନାର ୧୫୦ଟି ନୂଆ ମାମଲା, ୯ ଜଣଙ୍କ ମୃତ୍ୟୁ

ମୁମ୍ବାଇ: କୋରୋନା ଭାଇର ଦେଶରେ ଦ୍ରୁତଗତିରେ ବ୍ୟାପିବାରେ ଲାଗିଛି । ଏହି ଭାଇରସ ସୋକଙ୍କ ମଧ୍ୟରେ ଆତଙ୍କ ସୃଷ୍ଟି କରୁଛି । ଭାରତରେ କୋରୋନା ଆକ୍ରାନ୍ତଙ୍କ ସଂଖ୍ୟା ସର୍ବାଧିକ ମହାରାଷ୍ଟ୍ରରେ ରହିଛି । ଆଉ ମହାରାଷ୍ଟ୍ର ମଧ୍ୟରୁ ମୁମ୍ୱାଇ ହେଉଛି କୋଭିଡ-19ର କେନ୍ଦ୍ରସ୍ଥଳୀ । ଭାରତରେ ମହାମାରୀ କୋରୋନା ଭାଇରସ୍ ଯୋଗୁଁ ବର୍ତ୍ତମାନ ସୁଦ୍ଧା ୩୦୦ରୁ ଅଧିକ ଲୋକଙ୍କ ମୃତ୍ୟୁ ଘଟିଠି । ଏବଂ ସଂକ୍ରମିତଙ୍କ ସଂଖ୍ୟା 9 ହଜାର ଅତିକ୍ରମ କରିସାରିଛି ।

ଏହି ସମୟରେ ସବୁଠାରୁ କୋରୋନା ପ୍ରଭାବିତ ରାଜ୍ୟ ମହାରାଷ୍ଟ୍ରର ମୁମ୍ବାଇରେ ସୋମବାର ୧୫୦ଟି ନୂଆ କୋରୋନା ମାମଲା ସାମ୍ନାକୁ ଆସିଛି । ଏହାସହ ୯ ଜଣ କୋରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏଠାରେ କହି ରଖୁଛୁ ଯେ ଏହି ସଂଖ୍ୟାଗୁଡିକ BMC ଦ୍ୱାରା ପ୍ରକାଶିତ ହୋଇଛି ।

ଏହି ସମୟ ମଧ୍ୟରେ ଭାରତରେ କୋରୋନା ଭାଇରସ ବିପଦ ଦ୍ରୁତ ଗତିରେ ବୃଦ୍ଧି ପାଉଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ ଭାରତରେ ସଂକ୍ରମିତ କୋରୋନା ଭାଇରସ୍ ସଂଖ୍ୟା ୯.୩୫୨ ପହଞ୍ଚିଛି । ଗତ ୨୪ ଘଣ୍ଟା ମଧ୍ୟରେ ୯୦୫ଟି ନୂଆ କୋରୋନା ପଜିଟିଭ ମିଳିଥିବା ସୂଚନା ମିଳିଛି । ଏବଂ ୫୧ ଜଣଙ୍କର ମୃତ୍ୟୁ ହୋଇଛି । ଦେଶରେ କୋରୋନା କାରଣରୁ ଏପର୍ଯ୍ୟନ୍ତ ୩୨୪ ଜଣଙ୍କର ମୃତ୍ୟୁ ହୋଇଛି, ଯଦିଓ ୯୮୦ ରୋଗୀ ମଧ୍ୟ ଏହି ରୋଗକୁ ପରାସ୍ତ କରିବାରେ ସଫଳ ହୋଇଛନ୍ତି । 

ସୂଚନାଯୋଗ୍ୟ, କୋରୋନା ଭାଇରସ ମୁକାବିଲା ପାଇଁ ଦେଶରେ ୨୧ ଦିନର ଲକ୍ ଡାଉନ ଜାରି ରହିଛି । ଯାହା ଆସନ୍ତାକାଲି ଶେଷ ହେବାକୁ ଯାଉଛି । ତେବେ ଏହା ମଧ୍ୟରେ ଖବର ଆସୁଛି ଯେ ଏହି ଲକ୍ ଡାଉନ୍ ଅବଧି ବୃଦ୍ଧି ପାଇପାରେ । କୋରୋନା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଅନେକ ରାଜ୍ୟ ଏପ୍ରିଲ ୩୦ ପର୍ଯ୍ୟନ୍ତ ଲକ୍ ଡାଉନ୍ ବୃଦ୍ଧି କରିଛନ୍ତି ।