ମୌସୁମୀ ଅଧିବେଶନର ପ୍ରଥମ ଦିନ ୧୭ ଜଣ ସାଂସଦ କୋରୋନା ସଂକ୍ରମିତ

ନୂଆଦିଲ୍ଲୀ: ଦେଶର ୧୭ ଜଣ ସାଂସଦଙ୍କ କୋରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି । ଏହି ସାଂସଦମାନଙ୍କ ମଧ୍ୟରେ ବିଜେପି ସାଂସଦ ମୀନାକ୍ଷୀ ଲେଖୀ, ପ୍ରବେଶ ସାହିବ ସିଂ ବର୍ମା, କର୍ଣ୍ଣାଟକର ବିଜେପି ସାଂସଦ ଅନନ୍ତ କୁମାର ହେଗଡେ ସାମିଲ ଅଛନ୍ତି । ସଂସଦର ମୌସୁମୀ ଅଧିବେଶନ ଆରମ୍ଭ ହେବା ପୂର୍ବରୁ ଏହି ସାଂସଦଙ୍କ କୋରୋନା ଟେଷ୍ଟ କରାଯାଇଥିଲା ।

ଆଜି(ସୋମବାର) ସଂସଦର ମୌସୁମୀ ଅଧିବେଶନ ଆରମ୍ଭ ହୋଇଛି । କୋରୋନା ସଂକ୍ରମଣ ହେତୁ ସଂସଦରେ ବହୁତ ସତର୍କତା ଅବଲମ୍ବନ କରାଯାଉଛି । ସଂସଦର କାର୍ଯ୍ୟବାହୀରେ କେବଳ ସେହି ସାଂସଦ ଅଂଶ ଗ୍ରହଣ କରୁଛନ୍ତି, ଯାହାର କୋରୋନା ଟେଷ୍ଟ ରିପୋର୍ଟ ନେଗେଟିଭ ଆସିଛି । ଏହା ଅନ୍ତର୍ଗତ ଦିଲ୍ଲୀରେ ସଂସଦର କାର୍ଯ୍ୟବାହୀରେ ଯୋଗଦେବା ପାଇଁ ଆସୁଥିବା ସମସ୍ତ ସାଂସଦଙ୍କ କୋରୋନା ଟେଷ୍ଟ କରାଯାଉଛି ।

ଅଧିକ ପଢ଼ନ୍ତୁ:-ସାଧାରଣ ଜନତାଙ୍କୁ ଝଟକା ! ଆସନ୍ତା ମାସରୁ ବୃଦ୍ଧି ପାଇବ TV ମୂଲ୍ୟ

ଏହି ସମୟ ମଧ୍ୟରେ ବିଜେପି ସାଂସଦ ମୀନାକ୍ଷୀ ଲେଖୀ, ପ୍ରବେଶ ସାହିବ ସିଂ ବର୍ମା ଏବଂ ଅନନ୍ତ କୁମାର ହେଗଡେଙ୍କ କୋରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି । ଏହି କାରଣରୁ ଏହି ସାଂସଦମାନେ ଗୃହ ପ୍ରକ୍ରିୟାରେ ଯୋଗ ଦେଉନାହାଁନ୍ତି ।

ଅଧିକ ପଢ଼ନ୍ତୁ:-କୋରୋନାକୁ ନେଇ ସତ ଲୁଚାଉଛି ଭାରତ !

କୋରୋନା ପଜିଟିଭ୍ ଥିବା ଅନ୍ୟ ସାଂସଦମାନଙ୍କ ମଧ୍ୟରେ ସୁଖବୀର ସିଂ, ପ୍ରତାପ ରାଓ ଯାଦବ, ଜନାର୍ଦ୍ଦନ ସିଂ, ହନୁମାନ ବେନିୱାଲ, ସେଲଭମ ଜୀ, ପ୍ରତାପ ରାଓ ପାଟିଲ, ରାମଶଙ୍କର କଠେରିଆ, ସତ୍ୟପାଲ ସିଂ ସାମିଲ ଅଛନ୍ତି । ସେପଟେ ସାଂସଦ ହନୁମାନ ବେନିୱାଲ କହିଛନ୍ତି ଯେ ତାଙ୍କ ରିପୋର୍ଟ କେଉଠି ନେଗେଟିଭ ଆସୁଥିବା ବେଳେ କେଉଠି ପଜିଟିଭ ଆସୁଛି । ଏପରି ପରିସ୍ଥିତିରେ ସେ କେଉଁ ରିପୋର୍ଟକୁ ସଠିକ ମାନିବେ ବୋଲି କହିଛନ୍ତି ।