କୋରୋନା ଆକ୍ରାନ୍ତ ସୁସ୍ଥ ହେବା ପରେ ବି ପୁଣି ହେଲେ ସଂକ୍ରମିତ

ନୋଏଡା: କୋରୋନା ଆକ୍ରାନ୍ତ ଥରେ ସୁସ୍ଥ ହୋଇ ଘରକୁ ଫେରିବା ବେଳେ ପୁଣିଥରେ ସେମାନଙ୍କୁ କୋରୋନା ସଂକ୍ରମିତ କରିଛି । ଘଟଣାଟି ଉତ୍ତର ପ୍ରଦେଶର ଗୌତମ ବୁଦ୍ଧ ନଗରରେ ଘଟିଛି । ଗୌତମ ବୁଦ୍ଧ ନଗର ଜିଲ୍ଲାର ୨ ଜଣ ଆକ୍ରାନ୍ତଙ୍କ କୋରୋନା ରିପୋର୍ଟ ନେଗେଟିଭ ଆସିଥିଲେ ମଧ୍ୟ ପରେ ସେମାନଙ୍କ ରିପୋର୍ଟ ପଜିଟିଭ ବାହାରିଛି । ଫଳରେ ଦୁହେଁଙ୍କୁ ପୁଣି ଗ୍ରେଟର ନୋଏଡାର 'ଜିମ୍ସ'ରେ ଭର୍ତ୍ତି କରାଯାଇଛି । ଚତୁର୍ଥ ଥର ପାଇଁ ଉଭୟ ରୋଗୀଙ୍କ ନମୁନା ନିଆଯାଇଛି ଏବଂ ପରୀକ୍ଷା ପାଇଁ ପଠାଯାଇଛି । ଏହି ଅବସ୍ଥା ଦେଖିବା ପରେ ଡାକ୍ତରମାନେ ମଧ୍ୟ ଦ୍ୱନ୍ଦ୍ୱରେ ପଡ଼ିଛନ୍ତି ।

ଏପରି ହେବାର ପଛରେ କଣ କାରଣ ରହିଛି, ତାହା ତଥ୍ୟ ସେମାନେ ସଂଗ୍ରହ କରୁଛନ୍ତି । ଉଭୟ ଆକ୍ରାନ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା ଆରମ୍ଭ ହୋଇଛି । ସେମାନଙ୍କ ସ୍ପର୍ଶରେ ଆସିଥିବା ଲୋକଙ୍କୁ ମଧ୍ୟ କ୍ୱାରେଣ୍ଟାଇନ କରାଯାଇଛି । ଅନ୍ୟପକ୍ଷେ ବିଶେଷଜ୍ଞମାନେ ଏପରି ହେବା ପଛରେ ବିଭିନ୍ନ କାରଣ ରହିଥିବାର କହିଛନ୍ତି । ଜିଲ୍ଲା ପ୍ରଶାସନର ଦଳ ରବିବାର ୧ ଲକ୍ଷ ୬ ହଜାର ୮୧୯ ଲୋକଙ୍କ ସ୍କ୍ରିନିଂ କରିଥିଲା । ଏଥିମଧ୍ୟରୁ କୌଣସି ପ୍ରକାରର କୋରୋନା ଭାଇରସ୍ ପ୍ରଭାବର ଲକ୍ଷଣ ମିଳି ନାହିଁ । ଏଥି ସହିତ କୋରୋନାର ୪୩ ସନ୍ଦିଗ୍ଧ ରୋଗୀଙ୍କ ଅନୁସନ୍ଧାନ ରିପୋର୍ଟ ରବିବାର ଆସିଛି, ସବୁ ରିପୋର୍ଟ ନେଗେଟିଭ ରହିଛି ।

କ୍ରମାଗତ ଦ୍ୱିତୀୟ ଦିନ ଜିଲ୍ଲାରେ କୋଭିଡ 19 (COVID-19)ର କୌଣସି ଆକ୍ରାନ୍ତ ଚିହ୍ନଟ ହୋଇ ନାହିଁ । ଏହା ବ୍ୟତୀତ ଜଣେ ରୋଗୀ 'ଜିମ୍ସ'ରେ ଆରୋଗ୍ୟ ଲାଭ କରିଛନ୍ତି । ନୋଏଡାର ସେକ୍ଟର ୧୩୭ ସ୍ଥିତ ଜଣେ ୨୧ ବର୍ଷର ଯୁବତୀ  ଏବଂ ସେକ୍ଟର ୧୨୮ର ଜଣେ ଯୁବକ ଦୁଇଟି କୋରୋନା ରିପୋର୍ଟ ନେଗେଟିଭ ହେବା ପରେ ମଧ୍ୟ ପଜିଟିଭ ମିଳିଛି । ୩ ଦିନ ପୂର୍ବରୁ ଚିକିତ୍ସା ପରେ ଉଭୟଙ୍କୁ ଘରକୁ ପଠାଯାଇଥିଲା । ଆରୋଗ୍ୟ ଆକ୍ରାନ୍ତଙ୍କୁ ଘରକୁ ପଠାଇବା ପୂର୍ବରୁ ତୃତୀୟ ପରୀକ୍ଷା ପାଇଁ ଏକ ନମୁନା ନିଆଯାଇଥାଏ । ଯଦି ରୋଗୀ ଏଥିରେ ନେଗେଟିଭ ଆସନ୍ତି, ତେବେ ୧୪ ଦିନ ଘରେ କ୍ୱାରେଣ୍ଚାଇନକୁ ରହିବାକୁ ପଡ଼ିଥାଏ । ଉଭୟ ରୋଗୀଙ୍କ ରିପୋର୍ଟ ପଜିଟିଭ ଆସିବା ପରେ ସେମାନଙ୍କୁ ପୁନର୍ବାର ଗ୍ରେଟର ନୋଏଡାର 'ଜିମ୍ସ'ରେ ଭର୍ତ୍ତି କରାଯାଇଛି । ଚତୁର୍ଥ ଥର ପାଇଁ ଉଭୟ ରୋଗୀଙ୍କ ନମୁନା ନିଆଯାଇଛି ଏବଂ ପରୀକ୍ଷା ପାଇଁ ପଠାଯାଇଛି ।