• ମୟୁରଭଞ୍ଜରେ ଭୁମିକମ୍ପ । ରାତି ପ୍ରାୟ ସାଢେ ୩ଟା ବେଳେ ଏହି ଭୁକମ୍ପ ଅନୁଭୂତ ହୋଇଥିବା ସୂଚନା ।
  • ଜାମିନ ଖାରଜ ପରେ ବିଚାର ବିଭାଗୀୟ ହାଜତକୁ ଗଲେ ବିଧାୟକ ପ୍ରଦୀପ ପାଣିଗ୍ରାହୀ ॥
  • ବିଶ୍ୱରେ କୋରୋନା ଜନିତ ମୃତ୍ୟୁ ସଂଖ୍ୟା ୧୫,୧୦,୯୪୨ରେ ପହଞ୍ଚିଲା ।
  • ସଂକ୍ରମିତଙ୍କ ସଂଖ୍ୟା ସମଗ୍ର ବିଶ୍ୱରେ ୬,୦୫,୫୫,୬୮୬ରେ ପହଞ୍ଚିଛି ॥
  • ଭଞ୍ଜନଗର ଅଞ୍ଚଳରେ ହାତୀର ମୃତ୍ୟୁ ସୂଚନା । ଉତ୍ତର ଘୁମୁସୁର ବନଖଣ୍ଡରେ ପଡ଼ିଛି ମୃତଦେହ ॥

ବିହାର ନିର୍ବାଚନ: ପ୍ରଥମ ପର୍ଯ୍ୟାୟରେ ହେଲା ୫୩.୫୩ ମତଦାନ, ଜମୁଇରେ ହୋଇଛି ସର୍ବାଧିକ ମତଦାନ

ପ୍ରଥମ ପର୍ଯ୍ୟାୟ ବେଶ ଶାନ୍ତିପୂର୍ଣ୍ଣ ଉପାୟରେ ଅନୁଷ୍ଠିତ ହୋଇଛି। ଏହି ସମୟରେ କୋରୋନା ସଂକଟ ଲାଗି ଜାରି ହୋଇଥିବା ଗାଇଡଲାଇନ୍ସକୁ ପାଳନ କରାଯାଇଥିଲା। 

ବିହାର ନିର୍ବାଚନ: ପ୍ରଥମ ପର୍ଯ୍ୟାୟରେ ହେଲା ୫୩.୫୩ ମତଦାନ, ଜମୁଇରେ ହୋଇଛି ସର୍ବାଧିକ ମତଦାନ

ପାଟନା: ବିହାର ବିଧାନସଭା ନିର୍ବାଚନ ୨୦୨୦ (Bihar Assembly Poll 2020) ଲାଗି  ପ୍ରଥମ ପର୍ଯ୍ୟାୟ ମତଦାନ ଅକ୍ଟୋବର ୨୮ ତାରିଖ ବୁଧବାର ସନ୍ଧ୍ୟା ୬ଟାରେ ଶେଷ ହୋଇଛି। ଏହି ପର୍ଯ୍ୟାୟରେ ରାଜ୍ୟର  ୧୬ଟି ଜିଲ୍ଲାର ୭୧ଟି ଆସନରେ ଭୋଟ୍ ଗ୍ରହଣ କରାଯାଇଥିଲା। ପ୍ରଥମ ପର୍ଯ୍ୟାୟରେ ମୋଟ ୧୦୬୬ ପ୍ରାର୍ଥୀଙ୍କ ଭାଗ୍ୟ ଇଭିଏମ (EVM) ମେସିନରେ ବନ୍ଦ ହୋଇଯାଇଛି। ମତଦାନ ସମୟରେ କୌଣସି ଅଘଟଣ ଘଟିନାହିଁ। ନିର୍ବାଚନ ଆୟୋଗ-ଇସି (Election Commission) ରିପୋର୍ଟ ଅନୁସାରେ ପ୍ରଥମ ପର୍ଯ୍ୟାୟରେ ମୋଟ ୫୩.୫୩ ପ୍ରତିଶତ ମତଦାନ ହୋଇଛି।

 

 

ମତଦାନକୁ ନେଇ ଖୁସିବ୍ୟକ୍ତ କରିଛନ୍ତି ନିର୍ବାଚନ ଆୟୋଗ। ଏନେଇ ଇସିଙ୍କ ପକ୍ଷରୁ କୁହାଯାଇଛି କୋରୋନା ସଂକ୍ରମଣ ସମୟରେ ୫୩.୫୩ ପ୍ରତିଶତ ମତଦାନ ଏକ ଭଲ ଫଳାଫଳ। ୨୦୧୫ ବିଧାନସଭା ନିର୍ବାଚନ ତୁଳନାରେ କମ୍ ଭୋଟିଂ ହୋଇନାହିଁ। ଗତ ୨୦୧୫ ବିଧାନସଭା ନିର୍ବାଚନରେ ୫୪.୭୫ ପ୍ରତିଶତ ମତଦାନ ହୋଇଥିଲା । ବିହାର ନିର୍ବାଚନର ପ୍ରଥମ ପର୍ଯ୍ୟାୟ ଶାନ୍ତିପୂର୍ଣ୍ଣ ଭାବରେ ଶେଷ ହୋଇଛି। ଗୟା ଠାରେ ଆଦର୍ଶ ଆଚରଣ ବିଧି ଉଲ୍ଲଂଘନ କରିବା ଅଭିଯୋଗରେ ବିଜେପି ପ୍ରାର୍ଥୀ ପ୍ରେମ କୁମାରଙ୍କ ବିରୋଧରେ ପ୍ରାଥମିକ ଅଭିଯୋଗ ଦାଖଲ କରାଯାଇଛି। ଏହା ସହିତ ଜମୁଇରେ କମ୍ ଭୋଟିଂ ହେବା ଉପରେ ପ୍ରତିକ୍ରିୟା ରଖି ସିଇଓ କହିଛନ୍ତି ଗତଥର ତୁଳନାରେ ଟିକେ କମ୍ ହୋଇଛି। ଇଭିଏମରେ ତ୍ରୁଟି ଯୋଗୁଁ ମତଦାନ ବ୍ୟାହତ ହୋଇଛି। ସନ୍ଧ୍ୟା ୬ଟା ପରେ ମତଦାନ ଚାଲିଛି।

ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ପାଇଁ ଭୋଟଗ୍ରହଣ ଶେଷ ହୋଇଥିଲା। ପ୍ରଥମ ପର୍ଯ୍ୟାୟରେ ସନ୍ଧ୍ୟା ୬ଟା ପର୍ଯ୍ୟନ୍ତ ସମୁଦାୟ ୫୩.୫୩ ପ୍ରତିଶତ ମତଦାନ କରାଯାଇଥିଲା। ଏହି ସମୟ ମଧ୍ୟରେ ମୁଙ୍ଗରରେ ସର୍ବନିମ୍ନ ଭୋଟ ହାର ୪୭.୩୬ ପ୍ରତିଶତ ରହିଥିଲା । ଜମୁଇରେ ସର୍ବାଧିକ ଭୋଟ ହାର ୫୭.୪୧ ପ୍ରତିଶତ ରେକର୍ଡ କରିଛି। ଏଥି ସହିତ ଭାଗଲପୁର ୫୪.୨୦, ବାଙ୍କାରେ ୫୯.୫୭, ମୁଙ୍ଗେରରେ ୪୭.୩୬, ଲଖିସରାୟରେ ୫୫.୪୪,  ଶୈଖପୁରାରେ ୫୫.୯୬, ପାଟନାରେ ୫୨.୫୧, ଭୋଜପୁରରେ ୪୮.୨୯, ବକ୍ସରରେ ୫୪.୦୭, ଔରଙ୍ଗାବାଦରେ ୫୨.୮୫, ଗୟାରେ ୫୭.୦୫, ନାବାଦରେ ୫୨.୩୪ ଏବଂ ଜମୁଇରେ ୫୭.୪୧ ପ୍ରତିଶତ ମତଦାନ ରେକର୍ଡ କରାଯାଇଛି।

ପ୍ରଥମ ପର୍ଯ୍ୟାୟ ବେଶ ଶାନ୍ତିପୂର୍ଣ୍ଣ ଉପାୟରେ ଅନୁଷ୍ଠିତ ହୋଇଛି। ଏହି ସମୟରେ କୋରୋନା ସଂକଟ ଲାଗି ଜାରି ହୋଇଥିବା ଗାଇଡଲାଇନ୍ସକୁ ପାଳନ କରାଯାଇଥିଲା। ବିହାରର କେତେକ ଆସନରେ ସନ୍ଧ୍ୟା ୫ଟା ସୁଦ୍ଧା ମତଦାନ ଶେଷ ହୋଇଥିଲା । ଯାହା ମଧ୍ୟରେ ରହିଛି ଅରୱାଲ ଜିଲ୍ଲାର କୁର୍ତ୍ତା ଏବଂ ଅରୱାଲ ବିଧାନସଭା ଆସନ, ଜହାନାବାଦ ଜିଲ୍ଲାର ଜହାନାବାଦ ବିଧାନସଭା, ଘୋସି, ମଖଦମ୍ପୁରରେ। ସେହିପରି କେତେକ ଆସନରେ ଅପରାହ୍ନ ୩ଟାରୁ ୪ଟା ମଧ୍ୟରେ ଭୋଟ ଗ୍ରହଣ ଶେଷ ହୋଇଥିଲା। ଅନ୍ୟ ସ୍ଥାନରେ ଭୋଟ୍ ଗ୍ରହଣ ସନ୍ଧ୍ୟା ୬ଟା ପର୍ଯ୍ୟନ୍ତ ହୋଇଥିଲା ।

ବିହାରର ଔରଙ୍ଗାବାଦ ଜିଲ୍ଲାର ନବିନଗର, ରାଫିଗଞ୍ଜ ଏବଂ କୁଟୁମ୍ବା ଏବଂ କୈମୁର ଜିଲ୍ଲାର ଚେନପୁର ବିଧାନସଭା ଆସନରେ ଅପରାହ୍ନ ୩ଟାରେ ମତଦାନ ଶେଷ ହୋଇଥିଲା। ଏହା ବ୍ୟତୀତ ଅପରାହ୍ନ ୪ଟା ପର୍ଯ୍ୟନ୍ତ ବାଙ୍କାର କାଟୋରିଆ ଏବଂ ବେଲହର, ମୁଙ୍ଗେର ଜିଲ୍ଲାର ମୁଙ୍ଗେର ବିଧାନସଭାର ତାରାପୁର ଏବଂ ଜମାଲପୁର, ଲଖିସରାୟର ସୂର୍ଯ୍ୟଗଡା, ପାଟନାର ମସୌଢୀ ଏବଂ ପାଲିଗଞ୍ଜ, ରୋହତାସର ଚେନାରୀ, ସାସାରାମ ଏବଂ କାରକାଟ, ଔରଙ୍ଗାବାଦର ଗୋହ, ଔରଙ୍ଗାବାଦ, ଓବରା ଏବଂ ଗୁରୁଆ, ଗୟା ଜିଲ୍ଲାର ଶେରଘାଟୀ, ଇମାମଗଞ୍ଜ, ବାରାଚାଟି, ବୋଧଗୟା, ଟିକାରି ଏବଂ ରଜୌଲି, ନାୱାଦା ଜିଲ୍ଲାର ଗୋବିନ୍ଦପୁର ଏବଂ ସିକନ୍ଦ୍ରରା, ଜାମୁଇ, ଝାଝା ଏବଂ ଚକାଇ ଠାରେ ମତଦାନ ଶେଷ ହୋଇଥିଲା। 

ବିହାରରେ ପ୍ରଥମ ପର୍ଯ୍ୟାୟ ମତଦାନ ସମୟରେ ଅନେକ ସ୍ଥାନରେ ଇଭିଏମରେ ସମସ୍ୟା ଦେଖାଦେଇଛି। ଜମୁଇର ଚକାଇ ବୁଥ ନମ୍ବର ୧୯୯ ଗ୍ରାମ ନାୱାଦା ଠାରେ ସକାଳ ସାଢେ ପର୍ଯ୍ୟନ୍ତ ମତଦାନ ଆରମ୍ଭ ହୋଇନଥିଲା । ଇଭିଏମ୍ ମେସିନରେ ତ୍ରୁଟି ଯୋଗୁଁ ମତଦାନ ଆରମ୍ଭ ହୋଇନାହିଁ। ଏହା ସହିତ ଅରୱାଲ ବିଧାନସଭାର ବୁଥ ନମ୍ବର 202 (କ) ରେ ଇଭିଏମ ତ୍ରୁଟି ଯୋଗୁଁ ଭୋଟ୍ ଆରମ୍ଭ ହୋଇନାହିଁ। ଏହି କାରଣରୁ ଲୋକେ ଦୀର୍ଘ ସମୟ ଧରି ଅପେକ୍ଷା କରିଥିଲେ। ଏହାସହ ମୁଙ୍ଗେରର ତାରାପୁର ବିଧାନସଭାର ବୁଥ ନଂ ୭୭ରେ ଇଭିଏମ ତ୍ରୁଟି ଯୋଗୁଁ ମତଦାନ ପ୍ରଭାବିତ ହୋଇଛି। ଯାହାକୁ ନେଇ ଭୋଟରଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।

ବିହାର ହେଉଛି ପ୍ରଥମ ରାଜ୍ୟ ଯେଉଁଠି କୋରୋନା  ମହାମାରୀ ସମୟରେ ମତଦାନ ଅନୁଷ୍ଠିତ ହେଉଛି। ଏଭଳି ପରିସ୍ଥିତିରେ ନିର୍ବାଚନ ସମୟରେ ନିର୍ବାଚନ ଆୟୋଗ ସମସ୍ତଙ୍କୁ କୋଭିଡ୧୯ ନିର୍ଦ୍ଦେଶାବଳୀ ପାଳନ କରିବାକୁ ନିବେଦନ କରିଛନ୍ତି। ଏହା ସହିତ ସମସ୍ତ ବୁଥରେ ସାନିଟାଇଜର ସମେତ ସମସ୍ତ ସୁରକ୍ଷା ବ୍ୟବସ୍ଥା ବ୍ୟବସ୍ଥା କରାଯାଇଛି। ଏହି କ୍ରମରେ ମୁଙ୍ଗେର ଆସନର ୫୬ ଏବଂ ୫୭ ନମ୍ବର ବୁଥରେ ପରିମଳ ବ୍ୟବସ୍ଥା କରାଯାଇଥିଲା। ବିହାରରେ ପ୍ରଥମ ପର୍ଯ୍ୟାୟ ମତଦାନ ସମୟରେ ସିଆରପିଏଫ ବାହିନୀ ଦ୍ୱାରା ୨ଟି ଆଇଇଡି ଜବତ କରାଯିବା ପରେ ଏହାକୁ ନିଷ୍କ୍ରିୟ କରାଯାଇଥିଲା । ମତଦାନ ଡ୍ୟୁଟିରେ ଥିବା ଲୋକେ ମାସ୍କ ଏବଂ ଗ୍ଲୋଭସ୍ ପିନ୍ଧିଛନ୍ତି। ଏହା ସହିତ ନିର୍ବାଚନ ଦାୟିତ୍ୱରେ ଥିବା ଲୋକଙ୍କୁ ସାନିଟାଇଜର ମଧ୍ୟ ଦିଆଯାଇଛି।