କେନ୍ଦ୍ର କର୍ମଚାରୀଙ୍କ ବେତନରେ ହେବ ବମ୍ପର ବୃଦ୍ଧି, ୧୧ ପ୍ରତିଶତରୁ ଅଧିକ ମିଳିବ ମହଙ୍ଗା ଭତ୍ତା!

ନୂଆଦିଲ୍ଲୀ: 7th Pay Commission, 7th CPC Latest News, Central Government Employees: ୫୨ ଲକ୍ଷ କେନ୍ଦ୍ର କର୍ମଚାରୀ ଓ ୬୧ ଲକ୍ଷ ପେନ୍‌ସନ୍‌ଭୋଗୀଙ୍କ ମୁହଁରେ ଖୁବ୍ ଶୀଘ୍ର ହସ ଫୁଟିବ । କେନ୍ଦ୍ର ସରକାର ନିଜ କର୍ମଚାରୀଙ୍କୁ ମହଙ୍ଗା ଭତ୍ତା (DA) ଓ ମହଙ୍ଗା ରିଲିଫ୍ (DR) ବର୍ତ୍ତମାନ ୨୮ ପ୍ରତିଶତ ହାରରେ ଦେଇପାରନ୍ତି । ଏହି ଭତ୍ତା ଦୀର୍ଘ ସମୟ ଧରି ଅଟକି ରହିଛି । କୋରୋନା ସଂକ୍ରମଣ ଯୋଗୁଁ କର୍ମଚାରୀଙ୍କ ବର୍ଦ୍ଧିତ ଭତ୍ତା ଉପରେ ସରକାର ରୋକ ଲଗାଇ ରଖିଛନ୍ତି । ତେବେ ମୋଦି ସରକାର (Modi Govt) ସଂସଦରେ କହି ସାରିଛନ୍ତି ଯେ ଚଳିତ ବର୍ଷ ଜୁଲାଇ ୧ରୁ ଅଟକି ରହିଥିବା ମହଙ୍ଗା ଭତ୍ତା ପୁଣିଥରେ ଆରମ୍ଭ କରିଦିଆଯିବ । ମହଙ୍ଗା ଭତ୍ତା ଯାହା ବର୍ତ୍ତମାନ ୧୭ ପ୍ରତିଶତ ହାରରେ ମିଳୁଛ, ଏଥିରେ ୧୧ ପ୍ରତିଶତ ବୃଦ୍ଧି କରାଯାଇପାରେ । ଅର୍ଥାତ୍ ଏହା ସିଧା ସଳଖ ୨୮ ପ୍ରତିଶତ ହେବ ବୋଲି ଆଶା କରାଯାଉଛି । 

ଅଧିକ ପଢ଼ନ୍ତୁ:-କୋରୋନା ଭୂତାଣୁକୁ ନେଇ ଆଉ ଏକ କଡ଼ା ଚେତାବନୀ ଜାରି କଲା WHO

ଆପଣଙ୍କୁ କହି ରଖୁଛୁ ଯେ କୋରୋନା ମହାମାରୀକୁ ଦୃଷ୍ଟିରେ ରଖି କେନ୍ଦ୍ର କର୍ମଚାରୀ ଓ ପେନସନଭୋଗୀଙ୍କ ଜାନୁଆରୀ ୨୦୨୦, ଜୁଲାଇ ୨୦୨୦ ଏବଂ ଜାନୁୟାରୀ ୨୦୨୧ର DA ଓ DR ଉପରେ ରୋକ ଲଗାଇଦେଇଥିଲେ । ବର୍ତ୍ତମାନ ସରକାର ସ୍ପଷ୍ଟ କରିଛନ୍ତି ଯେ ଚଳିତ ବର୍ଷ ଜୁଲାଇ ୧ରେ ପୁଣି ମହଙ୍ଗା ଭତ୍ତା ମିଳିବା ଆରମ୍ଭ ହୋଇଯିବ । ଯାହାକି ଲକ୍ଷ ୫୦ କେନ୍ଦ୍ର କର୍ମଚାରୀ ଓ ଲକ୍ଷ ୬୫ ଲକ୍ଷ ପେନସନଭୋଗୀଙ୍କ ପାଇଁ ଏକ ବଡ଼ ଆଶ୍ୱସ୍ତିକର ଖବର । ମିଡିଆ ରିପୋର୍ଟରେ ପ୍ରକାଶିତ ରିପୋର୍ଟ ଅନୁଯାୟୀ, ବର୍ତ୍ତମାନ କର୍ମଚାରୀମାନେ ୧୭ ପ୍ରତିଶତ ହାରରେ DA, DR ପାଉଛନ୍ତି । ଯାହା ୨୮ ପ୍ରତିଶତକୁ ବୃଦ୍ଧି ପାଇପାରେ ।

ଅଧିକ ପଢ଼ନ୍ତୁ:-ଏ ସବୁ ସ୍ଥାନରେ ଆଗାମୀ ୫ ଦିନ ହୋଇପାରେ ପ୍ରବଳ ବର୍ଷା, ଜାଣି ନିଅନ୍ତୁ ପାଣିପାଗ ବିଭାଗର ଆଲର୍ଟ

ସୂଚନାଯୋଗ୍ୟ, ମହଙ୍ଗା ଭତ୍ତା ବର୍ଷକୁ ଦୁଇଥର ବୃଦ୍ଧି କରାଯାଇଥାଏ, କିନ୍ତୁ କୋରୋନା ସଙ୍କଟ (Coronavirus Crisis) ଓ ଲକଡାଉନ୍ (Lockdown) ହୋଇଥିବାରୁ ସରକାରୀ କୋଷ ଉପରେ ପ୍ରତିକୂଳ ପ୍ରଭାବ ପଡ଼ିଛି । ଯାହାକୁ ଦୃଷ୍ଟିରେ ରଖି ଏହା ଉପରେ ଦେଢ଼ ବର୍ଷ ଯାଏ ରୋକ ଲଗାଯାଇଛି ।

କିଛି ଦିନ ପୂର୍ବେ ସରକାରୀ ପେନସନଭୋଗୀଙ୍କ ପାଇଁ ଫ୍ୟାମିଲି ପେନସନର ସର୍ବାଧିକ ସୀମା ବୃଦ୍ଧି କରିବାକୁ କେନ୍ଦ୍ର ସରକାର ଘୋଷଣା କରିଥିଲେ । କେନ୍ଦ୍ର ସରକାର ଫ୍ୟାମିଲି ପେନସନର ସର୍ବାଧିକ ସୀମାକୁ ପ୍ରାୟ ଅଢ଼େଇ ଗୁଣ ବୃଦ୍ଧି କରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଫ୍ୟାମିଲି ପେନସନର ସର୍ବାଧିକ ସୀମା ମାସକୁ ୪୫,୦୦୦ ଟଙ୍କା ଥିଲା । ବର୍ତ୍ତମାନ ଏହାକୁ ମାସକୁ ୧.୨୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି ।

ଅଧିକ ପଢ଼ନ୍ତୁ:-ଏହି ୪ଟି କାରଣରୁ ଭାରତରେ ତିନି ଗୁଣ ବଢ଼ିଛି କୋରୋନା ସଂକ୍ରମଣ, ସୁସ୍ଥ ହୋଇଥିବା ଲୋକଙ୍କୁ ପୁଣିଥରେ ସଂକ୍ରମିତ ହେବାର ଭୟ

ଡିଏ ପୁଣି ମିଳିବା ପରେ କେନ୍ଦ୍ର କର୍ମଚାରୀଙ୍କ ପ୍ରୋଭିଡେଣ୍ଟ୍ ପାଣ୍ଠି (PF) ମଧ୍ୟ ବୃଦ୍ଧି ପାଇବ । ସୂଚନାଯୋଗ୍ୟ ଯେ, କେନ୍ଦ୍ର କର୍ମଚାରୀଙ୍କ PF ଯୋଗଦାନର ହିସାବ ବେସିକ ବେତନ ପ୍ଲସ୍ DA ର ଫର୍ମୂଲା ଦ୍ୱାରା କରାଯାଇଥାଏ ।