DA ୩୧ ପ୍ରତିଶତ ହେବା ପୂର୍ବରୁ କେନ୍ଦ୍ର କର୍ମଚାରୀଙ୍କୁ ମିଳିଲା ଏସବୁ ଲାଭ, ଜାଣନ୍ତୁ ସମ୍ପୂର୍ଣ୍ଣ ବିବରଣୀ...

ନୂଆଦିଲ୍ଲୀ: 7th Pay Commission: କେନ୍ଦ୍ର ସରକାର (Central Govt) ନିକଟ ଅତୀତରେ ଲକ୍ଷ ଲକ୍ଷ ସରକାରୀ କର୍ମଚାରୀ (Central Government Employees) ଓ ପେନସନଭୋଗୀ (Pensioners) ଙ୍କ ପାଇଁ ମହଙ୍ଗା ଭତ୍ତା (Dearness Allowance) ଓ ମହଙ୍ଗା ରିଲିଫ୍ (Dearness Relief) କୁ ୧୭ ପ୍ରତିଶତରୁ ୨୮ ପ୍ରତିଶତକୁ ବୃଦ୍ଧି କରିଛନ୍ତି । ବର୍ତ୍ତମାନ ସରକାର କର୍ମଚାରୀଙ୍କ DA ଓ DR କୁ ପୁଣିଥରେ ବୃଦ୍ଧି କରିବାକୁ ପ୍ରସ୍ତୁତ ହେଉଛନ୍ତି । ଏଥର ମହଙ୍ଗା ଭତ୍ତା ୩ ପ୍ରତିଶତ ବୃଦ୍ଧି କରାଯାଇପାରେ । ଏହାର ଅର୍ଥ ହେଉଛି ଯେ କେନ୍ଦ୍ର ସରକାରୀ କର୍ମଚାରୀ ଓ ପେନସନଭୋଗୀମାନେ ଖୁବ୍ ଶୀଘ୍ର ନିଜ ମୂଳ ବେତନର ୩୧ ପ୍ରତିଶତ ବରାବର DA ଓ DR ପାଇପାରନ୍ତି ।

କେନ୍ଦ୍ର ସରକାର ବର୍ତ୍ତମାନ ହାଉସ ରେଣ୍ଟ ଅଲାଉନ୍ସ (HRA) ବୃଦ୍ଧି କରିବାକୁ ଯାଉଛନ୍ତି । ସାଧାରଣତଃ DA ୨୫ ପ୍ରତିଶତରୁ ଅଧିକ ହେଲେ HRA ସ୍ୱୟଂଚାଳିତ ଭାବରେ ବୃଦ୍ଧି ପାଇଥାଏ । ତେଣୁ DA ର ସଂଶୋଧନ ସହିତ HRA ଖୁବ ଶୀଘ୍ର ୩ ପ୍ରତିଶତ ବୃଦ୍ଧି ପାଇବ ବୋଲି ଆଶା କରାଯାଉଛି । ସହରର ବର୍ଗ ଅନୁଯାୟୀ କର୍ମଚାରୀଙ୍କୁ ୨୭ ପ୍ରତିଶତ, ୧୮ ପ୍ରତିଶତ ଏବଂ ୯ ପ୍ରତିଶତ HRA ମିଳିଥାଏ ।

ସହରଗୁଡିକର ବର୍ଗ - X, Y ଏବଂ Z ଉପରେ ଆଧାର କରି କେନ୍ଦ୍ର ସରକାରୀ କର୍ମଚାରୀଙ୍କ ବ୍ୟାଙ୍କ ଆକାଉଣ୍ଟରେ HRA ଜମା କରାଯାଇଥାଏ । X ବର୍ଗର କେନ୍ଦ୍ର ସରକାରୀ କର୍ମଚାରୀଙ୍କୁ ବର୍ତ୍ତମାନ HRA ଭାବେ ପ୍ରତି ମାସକୁ ୫୪୦୦ରୁ ଅଧିକ ମିଳିବ । Y ବର୍ଗ ଓ Z ବର୍ଗର କର୍ମଚାରୀମାନେ HRA ଭାବରେ ପ୍ରତି ମାସକୁ ଯଥାକ୍ରମେ ୩୬୦୦ ଟଙ୍କା ଓ ୧୮୦୦ ଟଙ୍କା ପାଇବେ ।

Add Zee News as a Preferred Source

ଏହି ମଧ୍ୟରେ କେନ୍ଦ୍ର ସରକାର ପରିବାର ପେନସନର ସୀମାକୁ ୪୫,୦୦୦ରୁ ବୃଦ୍ଧି କରି ୧.୨୫ ଲକ୍ଷ ଟଙ୍କା କରିଛନ୍ତି । ଏହି ନିଷ୍ପତ୍ତିର ଉଦ୍ଦେଶ୍ୟ ମୃତ କର୍ମଚାରୀଙ୍କ ପରିବାର ସଦସ୍ୟଙ୍କ ପାଇଁ “ଜୀବନର ସୁଗମତା” ଆଣିବା ଓ ସେମାନଙ୍କୁ ପର୍ଯ୍ୟାପ୍ତ ଆର୍ଥିକ ସୁରକ୍ଷା ଯୋଗାଇବା ।